ଆପଣଙ୍କ ପ୍ଲେଟରେ ଥିବା ମାଛ କେତେ ସୁରକ୍ଷିତ? ନୂଆ ରିସର୍ଚ୍ଚ ଦେଉଛି ଭୟାନକ ତଥ୍ୟ

1 min read
fish

ନୂଆଦିଲ୍ଲୀ: କରୋନା ସଂକ୍ରମଣ ଭିତରେ ଦେଶକୁ ଉଡ଼ି ଆସିଥିଲା ବାର୍ଡ୍ ଫ୍ଲୁ। ବାର୍ଡ୍ ଫ୍ଲୁ ଡରରେ ପ୍ଲେଟରୁ ଚିକେନ୍ ଓ ଅଣ୍ଡା ଗାଏବା ହେଇଗଲେଣି। ଅନେକ ରାଜ୍ୟ ତ ଚିକେନ୍ ଓ ଅଣ୍ଡା ବିକ୍ରି ଉପରେ ସାମୟୀକ ପ୍ରତିବନ୍ଧକ ଲାଗୁ କରିଛନ୍ତି। ବାର୍ଡ୍ ଫ୍ଲୁ ଡର ଲୋକଙ୍କୁ ମାଛ ଖାଇବାକୁ ବାଧ୍ୟ କରିଛି। ଚିକେନ୍, ଅଣ୍ଡା ବଦଳରେ ମାଛକୁ ଅନେକ ପସନ୍ଦ କରୁଛନ୍ତି। କିନ୍ତୁ ଆପଣ କେବେ ଭାବିଛନ୍ତି କି ଆପଣ ଯେଉଁ ମାଛ ଖାଉଛନ୍ତି ତାହା କେତେ ସୁରକ୍ଷିତ ?

ଦେଶର ୨୪୧ ଫାର୍ମକୁ ନେଇ ହୋଇଥିବା ଅନୁସଂଧାନମୁଳକ ଅଧ୍ୟୟନରୁ ଯେଉଁ ତଥ୍ୟ ଆସିଛି ତାହା ଦେଉଛି ଏକ ଭୟାନକ ଚିତ୍ର। ୧୦ ରାଜ୍ୟର ୨୪୧ ମାଛ ଫାର୍ମରେ ହୋଇଥିବା ଷ୍ଟଡିରୁ ଜଣା ପଡିଛି ଯେ, ଏହି ଫାର୍ମ ଗୁଡିକରେ ସୀସା ଓ କେଡମିୟମର ମାତ୍ରା ଅଧିକ ଅଛି। ଯାହା ସ୍ୱାସ୍ଥ୍ୟ ଓ ଖାଦ୍ୟ ସୁରକ୍ଷା ମାନକର ଗମ୍ଭୀର ଉଲ୍ଲଂଘନ ଅଟେ।

ତାମିଲନାଡୁର ଅନେକ ସହରର ମାଛ ଫାର୍ମରେ ପାଣିର ଗୁଣବତା ସବୁଠାରୁ ଖରାପ ରହିଛି। ଅନ୍ୟପକ୍ଷରେ ଆନ୍ଧ୍ରପ୍ରଦେଶ ଓ ପଶ୍ଚିମ ବଙ୍ଗ ସହ ପୁଡୁଚେରିର ଫାର୍ମରେ ସୀସା ମିଳିଛି। ମନେରଖନ୍ତୁ ଯେ ସିସା ମଣିଷ ପାଇଁ ଘାତକ ହୋଇଥାଏ। ତାମିଲନାଡୁ, ବିହାର ଓ ଓଡ଼ିଶାର ମାଛ ଫାର୍ମ ପରିବେଶ ପାଇଁ ସବୁଠାରୁ ହାନିକାରକ ବୋଲି ଅଧ୍ୟୟନ କହୁଛି।

ଦୂଷିତ ମାଛ

ଦକ୍ଷିଣ ଭାରତର ମାଛ ଫାର୍ମରେ ସୀସା ଓ କେଡମିୟମ ମାତ୍ରା ଅଧିକ ରହିଛି। ଏହି ଦୁଇ ତତ୍ୱ ଶରିରରେ ପ୍ରବେଶ କରିବା ଦ୍ୱାରା କୋଶିକା କ୍ଷତିଗ୍ରସ୍ତ ହୋଇଥାନ୍ତି। ସାଧାରଣତଃ କୁହାଯାଇଥାଏ ଯେ, ସୁସ୍ଥ ରହିବାକୁ ଖାଦ୍ୟରେ ଅଧିକରୁ ଅଧିକ ମାଛ ସାମିଲ କରିବା ଆବଶ୍ୟକ। କାରଣ ମାଛରେ ପ୍ରୋଟିନ୍ ଓ ଓମେଗା-୩ ଫ୍ୟାଟି ଏସିଡ୍ ଅଧିକ ରହିଥାଏ। ଯାହାକି ସ୍ୱାସ୍ଥ୍ୟ ପାଇଁ ଲାଭକର ହୋଇଥାଏ। ଏମିତିରେ ଡାକ୍ତର ଗର୍ଭବତୀ ମହିଳାଙ୍କୁ ଖାଦ୍ୟରେ ମାଛ ସାମିଲ କରିବାକୁ ପରାମର୍ଶ ଦେଇଥାନ୍ତି। କିନ୍ତୁ ଏହି ନୂଆ ରିସର୍ଚ୍ଚ ରିପୋର୍ଟ ଚିନ୍ତା ବଢାଇ ଦେଇଛି।

ଆକ୍ୱାକଲଚର ସର୍ଭେ ତଦନ୍ତକାରୀଙ୍କ ଅନୁସାରେ ପ୍ରାୟ ୪୦ ପ୍ରତିଶତ ଫାର୍ମ ମାଛ ରୋଗରୁ ବଂଚିବା ପାଇଁ ଆଣ୍ଟିବାୟୋଟିକ୍ ବ୍ୟବହାର କରିଥାନ୍ତି। ଯାହା କେବଳ ମଣିଷ ନୁହେଁ ମାଛଙ୍କ ପାଇଁ ମଧ୍ୟ ବିପଜ୍ଜନକ।

ପ୍ରଦୂଷିତ ପାଣିରେ ନିଶ୍ୱାସ ନେଇ ପାରନ୍ତି ନାହିଁ ମାଛ

ରିପୋର୍ଟ ଅନୁସାରେ ଏଭଳି ଫାର୍ମ ଗୁଡିକରେ ମାଛ ନାଇଟ୍ରୋଜନ ଓଭରଡୋଜ୍ ସମସ୍ୟାର ସମ୍ମୁଖୀନ ହୋଇଥାନ୍ତି। ନାଇଟ୍ରୋଜନ କାରଣରୁ ମାଛ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହୁଅନ୍ତି। ୟୁଟୋଫିକେସନ୍ କାରଣରୁ ପୋଖରରି ନିମ୍ନଭାଗକୁ ଅମ୍ଲଜାନ ଯିବା କମିଯାଏ। ଫଳରେ ମାଛ ନିଶ୍ୱାସ ନେବାରେ ଅସୁବିଧାର ସମ୍ମୁଖୀନ ହୁଅନ୍ତି। ୨୦୨୦ରେ କେରଳରେ ୨ହଜାର କିଲୋରୁ ଅଧିକ ଓଜନର ମାଛଙ୍କୁ ମାରି ଦିଆଯାଇଥିଲା। କାରଣ ଅଧିକ ଓଜନର ମାଛ ବିଶାକ୍ତ ଥିଲେ। ଦିଲ୍ଲୀ ଓ ଅନ୍ୟ କିଛି ରାଜ୍ୟରେ ମଧ୍ୟ ଏଭଳି ଅଧିକ ଓଜନର ମାଛଙ୍କୁ ମାରି ଦିଆଯାଇଥିଲା କାରଣ ସେହି ମାଛ ଖଦ୍ୟ ଉପଯୋଗୀ ନଥିଲେ।

ଫେଡେରେସନ୍ ଅଫ୍ ଇଣ୍ଡିଆନ୍ ଆନିମଲ ପ୍ରୋଟେକ୍ସନ ଅର୍ଗାନାଇଜେସନର କାର୍ଯ୍ୟକାରୀ ନିର୍ଦ୍ଦେଶକ,ବର୍ଦା ମେହରୋତ୍ରା ଅଲ କ୍ରିଏଚର୍ସ ଗ୍ରେଡ୍ ଆଣ୍ଡ୍ ସ୍ମଲର ସହଯୋଗରେ ଏହି ଅଧ୍ୟୟନ ହୋଇଛି। ରିପୋର୍ଟ ଅନୁସାରେ ଦେଶରେ ଅନେକ ମାଛ ଫାର୍ମ ବିନା ଅନୁମତିରେ ଚାଲୁଛି। ଯେଉଁ ଗୁଡିକରେ ଖାଦ୍ୟ ସୁରକ୍ଷା ମାନକକୁ ଅବହେଳା କରାଯାଉଛି କିମ୍ବା ଗାଇଡଲାଇନକୁ ବିଲକୁଲ ପାଳନ କରାଯାଉନାହିଁ।

ଦ ପ୍ରିଭେନସନ୍ ଅଫ୍ କ୍ରୁଏଲିଟି ଟୁ ଆନିମଲ ଆଇନ ୨୦୦୧ ଓ ଖାଦ୍ୟ ସୁରକ୍ଷା ତଥା ମାନକ (ଲାଇସେନସିଂ ଆଣ୍ଡ୍ ରେଜଷ୍ଟ୍ରେସନ୍ ଅଫ୍ ଫୁଡ୍ ବିଜନେସ୍) ରେଗୁଲେସନ୍ ୨୦୧୧ ଅନୁସାରେ ମାଛ  କିମ୍ବା ଅନ୍ୟ ପଶୁ ମରାଯିବା ପୁର୍ବରୁ ସୁସ୍ଥ ରହିଥିବା ଆବଶ୍ୟକ। ଅନୁମତି ପ୍ରାପ୍ତ କଂସେଇଖାନାରେ ଏହା ପ୍ରତି ବିଶେଷ ଧ୍ୟାନ ଦିଆଯାଇଥାଏ। ରୁଗଣ ପଶୁଙ୍କୁ ମରାଯାଏନା କାରଣ ଏହାକୁ ଖାଇବା ଦ୍ୱାରା ଲୋକ ସଂକ୍ରମିତ ହେବାର ଆଶଙ୍କା ରହିଥାଏ। କିନ୍ତୁ ଅନେକ ମାଛ ଫାର୍ମ ଏହି ନିୟମକୁ ମାନୁନଥିବା ରିପୋର୍ଟରେ ଦାବି କରାଯାଇଛି।

ଭାରତର ମାଛ ଯୋଗାଣର ଦୁଇ ତୃତୀୟାଂଶ ମାଛ ଫାର୍ମରୁ ଆସିଥାଏ। ଏମିତି ବାର୍ଡ ଫ୍ଲୁ ସଂକଟ ଭିତରେ ଏହା ଚିନ୍ତା ବଢାଇ ଦେଇଛି। କାରଣ ବାର୍ଡ୍ ଫ୍ଲୁ ସମୟରେ ମାଛକୁ ଚିକେନ୍ ଓ ଅଣ୍ଡାର ବଦଳ ବୋଲି ଧରା ଯାଉଛି। ଏମିତିରେ ଏହି ସଂକଟରୁ ବାହାରିବା ଏବେ ମାଛ ଫାର୍ମଙ୍କ ଉପରେ ନିର୍ଭର କରୁଛି। କାରଣ ସେମାନଙ୍କ ନିଷ୍ପତି ଉପରେ ହିଁ ମାଛ ବ୍ୟବସାୟ ଓ ଗ୍ରାହକଙ୍କ ସ୍ୱାସ୍ଥ୍ୟ ନିର୍ଭର କରୁଛି।

 

Opn Commnet Area

Leave a Reply

Your email address will not be published. Required fields are marked *

Close Bitnami banner