ମିଳିଲା ପ୍ରମାଣ: ନଗରୋଟାରେ ନିହତ ଆତଙ୍କବାଦୀଙ୍କୁ ପାକିସ୍ତାନରୁ ଦିଆଯାଉଥିଲା ନିର୍ଦ୍ଦେଶ

1 min read

ନାଗରୋଟା: ଗୁରୁବାର ଦିନ ଜାମ୍ମୁର ନାଗରୋଟାରେ ଏନକାଉଣ୍ଟରରେ ନିହତ ହୋଇଥିବା ସମସ୍ତ ଚାରି ଆତଙ୍କବାଦୀ ଜୈଶ-ଏ-ମହମ୍ମଦ ସଂଗଠନର ଥିଲେ । ଗୁଇନ୍ଦା ବିଭାଗର ସୂଚନା ଅନୁଯାୟୀ, ଏହି ସମସ୍ତ ଆତଙ୍କବାଦୀଙ୍କୁ ନିର୍ବାଚନ ସମୟରେ ଏକ ବଡ଼ଧରଣର ଆକ୍ରମଣ ଉଦ୍ଦେଶ୍ୟରେ ପଠାଯାଇଥିଲା । ପାକିସ୍ତାନରେ ଥିବା ଜୈଶ ମସୁଦ ଅଜହରର ଭାଇ ରଓଫ ଲାଲା ସହ ଲଗାତାର ଯୋଗାଯୋଗରେ ଥିଲେ । ଗୁଇନ୍ଦା ବିଭାଗ କହିଛି ଯେ, ଯେତେବେଳେ ଆତଙ୍କବାଦୀଙ୍କ ଏନକାଉଣ୍ଟର କରାଯାଉଥିଲା ସେତେବେଳେ ମଧ୍ୟ ରଓଫ ଲାଲା ଏହି ସମସ୍ତ ଆତଙ୍କବାଦୀଙ୍କୁ ନିର୍ଦ୍ଦେଶ ଦେଉଥିଲେ।

ଏସମ୍ପର୍କିତ ପ୍ରମାଣ ଏବେ ଗୁଇନ୍ଦା ବିଭାଗକୁ ମିଳିସାରିଛି । ଜୈଶର ଏହି ଆତଙ୍କବାଦୀଙ୍କୁ ପାକିସ୍ତାନରୁ ପଠାଯାଇଛି ଏବଂ ସେଠାରୁ ନିର୍ଦ୍ଦେଶ ମଧ୍ୟ ଦିଆଯାଉଥିଲା । ଗୁଇନ୍ଦା ବିଭାଗ ଆତଙ୍କବାଦୀଙ୍କ ନିକଟରୁ ପାକିସ୍ତାନୀ କମ୍ପାନୀର ଡିଜିଟାଲ ମୋବାଇଲ୍ ରେଡିଓ (ଡିଏମଆର) ଜବତ କରିଛି। କେବଳ ଏତିକି ନୁହେଁ, ଆତଙ୍କବାଦୀଙ୍କଠାରୁ ମିଳିଥିବା ମୋବାଇଲର ମେସେଜ ଦେଖିବା ପରେ ଏହା ସ୍ପଷ୍ଟ ହୋଇଥିଲା ଯେ ଆତଙ୍କବାଦୀମାନେ ପାକିସ୍ତାନରେ ବସିଥିବା ମାଷ୍ଟରମାଇଣ୍ଡଙ୍କ ସହ ନିରନ୍ତର ଯୋଗାଯୋଗ ରହୁଥିଲେ । ଏହି ମେସେଜ ପାକିସ୍ତାନର ଶାକରଗଡ଼ରୁ ପଠାଯାଇଛି।

ଗୁଇନ୍ଦା ବିଭାଗର ସୂଚନା ଅନୁସାରେ, ଡିଜିଟାଲ୍ ମୋବାଇଲ ରେଡିଓକୁ ପାକିସ୍ତାନ କମ୍ପାନୀ ମାଇକ୍ରୋ ଇଲେକ୍ଟ୍ରୋନିକ୍ସ ଦ୍ୱାରା ନିର୍ମିତ । ଏହି ମେସେଜ ଦେଖିବା ପରେ ଏହା ସ୍ପଷ୍ଟ ହୋଇଛି ଯେ, ପାକିସ୍ତାନ ପୁଣି ଥରେ ଭାରତରେ ଏକ ବଡ଼ ଆତଙ୍କବାଦୀ ଆକ୍ରମଣର ଷଡଯନ୍ତ୍ର କରୁଛି । ଏହାସହ ଆତଙ୍କବାଦୀଙ୍କ ଜୋତା ମଧ୍ୟ ପାକିସ୍ତାନର କରାଚିରେ ତିଆରି ହୋଇଥିବା ଜଣାପଡ଼ିଛି । ଏହାସହ ଏକ ଓୟାରଲେସ୍ ସେଟ ଏବଂ ଏକ ଜିପିଏସ୍ ଡିଭାଇସ୍ ମଧ୍ୟ ଜବତ କରାଯାଇଛି, ଯାହାର ଅନୁସନ୍ଧାନରୁ ଜଣାପଡିଛି ଯେ ଏହି ସମସ୍ତ ଉପକରଣ ପାକିସ୍ତାନରୁ ଆସିଛି।

କିଛି ଦିନ ପୂର୍ବେ ଶକରଗଡ଼ରେ ଥିଲା ରଓଫ ଲାଲା

ସୂଚନା ଅନୁଯାୟୀ, ରଓଫ ଲାଲା କିଛି ଦିନ ପୂର୍ବରୁ ଜାମ୍ମୁର ସାମ୍ବାରେ ଏବଂ ପାକିସ୍ତାନର ଶକ୍କରଗଡର ଦେଖାଯାଇଥିଲା। ଜାନୁଆରୀ ୩୧ରେ ମଧ୍ୟ ରଓଫ ଲାଲା ଏହିଭଳି ଭାବେ ଆତଙ୍କବାଦୀଙ୍କୁ ପ୍ରବେଶ କରାଇବାକୁ ଷଡଯନ୍ତ୍ର କରିଥିଲା, କିନ୍ତୁ ସୁରକ୍ଷା ବାହିନୀ ତାଙ୍କୁ ଏକ ଟୋଲ ପ୍ଲାଜା ନିକଟରେ ନିହତ କରିଥିଲେ।

ଆତଙ୍କବାଦୀଙ୍କ ନିକଟରୁ 11 AK 47 ରାଇଫଲ

ନିହତ ହୋଇଥିବା ଜୈଶ ଆତଙ୍କବାଦୀଙ୍କ ଠାରୁ 11 AK 47 ରାଇଫଲ, ୨୯ଟି ହ୍ୟାଣ୍ଡ ଗ୍ରେନେଡ ଏବଂ ତିନୋଟି ବନ୍ଧୁକ ଜବତ କରାଯଇଥିଲା ।

Opn Commnet Area

Leave a Reply

Your email address will not be published. Required fields are marked *

Close Bitnami banner