Modi Idli: ବଜାରକୁ ଆସିଲା ମୋଦି ଇଡଲି, ଜାଣନ୍ତୁ କେଉଁଠି ମିଳୁଛି

1 min read

ତାମିଲନାଡୁ: ସାଧାରଣତଃ ଦକ୍ଷିଣ ଭାରତରେ ଲୋକମାନେ ଉଡଲି, ଉପମା, ଦୋସା ଖାଇବା ପସନ୍ଦ କରନ୍ତି । ସେଠାର ପ୍ରମୁଖ ବ୍ୟଞ୍ଜନ ହେଉଛି ଏହି ସବୁ ଖାଦ୍ୟ । ତେବେ ପ୍ରସିଦ୍ଧ ଖାଦ୍ୟ ଇଡଲି ଏବଂ ପ୍ରଧାନମନ୍ତ୍ରୀ ମୋଦିଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାଁରେ ତାମିଲନାଡୁର ସାଲେମରେ ଜନସାଧାରଣଙ୍କୁ ‘ମୋଦି ଇଡଲି’ ବିକ୍ରିୟ ପାଇଁ ପ୍ରସ୍ତୁତି ଚାଲିଛି। କରୋନା ମହାମାରୀରେ ‘ମୋଦୀ ଇଡଲି’ ଖୁବ ଶସ୍ତାରେ ମିଳିବ ବୋଲି ସୂଚନା ମିଳିଛି । ମାତ୍ର ୧୦ ଟଙ୍କାରେ ଲୋକମାନେ ଚାରଟି ଇଡଲି ଖାଇପାରିବେ । ବର୍ତ୍ତମାନ ଏହା ତାମିଲନାଡୁର ସାଲେମରେ ବିକ୍ରି କରିବାର ପ୍ରସ୍ତୁତ ଚାଲିଛି।

ସୂଚନାଯୋଗ୍ୟ ଯେ, ‘ମୋଦି ଇଡଲି’ ନାମକ ଏହି ବ୍ୟଞ୍ଜନ ଆଣିବାର ପ୍ରସ୍ତୁତି ବିଜେପି ପ୍ରଚାର ପ୍ରକୋଷ୍ଠର  ରାଜ୍ୟ ଉପାଧ୍ୟକ୍ଷ ମହେଶ କରିଛନ୍ତି। ସହରର ବିଭିନ୍ନ ସ୍ଥାନରେ ପ୍ରଚାର ପାଇଁ ‘ମୋଦୀ ଇଡଲି’ ପୋଷ୍ଟର ଲଗାଯାଇଛି। ଏହି ପୋଷ୍ଟରରେ ବାମ ପାର୍ଶ୍ୱରେ ପିଏମ ନରେନ୍ଦ୍ର ମୋଦୀ ଏବଂ ଡାହାଣ ପାର୍ଶ୍ୱରେ ମହେଶଙ୍କ ଫଟୋ ଲାଗିଛି। ଏହା ସହ ୧୦ ଟଙ୍କାରେ ଚାରିଟି ଇଡଲି ମିଳିବା ନେଇ ମଧ୍ୟ ଲେଖାଯାଇଛି ।

ଏହା ବ୍ୟତୀତ ପୋଷ୍ଟରରେ ଲେଖାଯାଇଛି ଯେ ୧୦ ଟଙ୍କାରେ ୪ଇଡଲି ସହ ସାମ୍ବର ମଧ୍ୟ ମିଳିବ । ଏହା ଏକ ମଡେଲ ରୋଷେଇ ଘରେ ତିଆରି ହେବ ଯେଉଁଥିପାଇଁ ଏହା ଅଧିକ ସ୍ୱାଦିଷ୍ଟ ଲାଗିବ । ବିଜେପି ତାମିଲନାଡୁର ଗଣମାଧ୍ୟମ ସଚିବ ଆର ବାଲାସୁବ୍ରମଣ୍ୟନ କହିଛନ୍ତି ଯେ, ପ୍ରଥମେ ଇଡଲି ବିକ୍ରିୟ ପାଇଁ ୨୨ଟି ଦୋକାନ ଖୋଲିବାର ଯୋଜନା ରହିଛି। ଏହାର ସଫଳତା ଉପରେ ଆଧାର କରି ଆଉଟଲେଟ୍ ସଂଖ୍ୟା ଆହୁରି ବୃଦ୍ଧି ପାଇବ ବୋଲି ଆଶା କରାଯାଉଛି ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner