କୋଭିଡ୍ ପାଇଁ ସ୍ଥଗିତ ହୋଇଥିବା ପରୀକ୍ଷା କରାଇବାକୁ ଗୃହ ମନ୍ତ୍ରାଳୟର ଚିଠି

ନୂଆଦିଲ୍ଲୀ: ବାତିଲ୍ ହେବନି ପରୀକ୍ଷା । କରୋନା ପାଇଁ ମାର୍ଚ୍ଚ ମାସରୁ ବିଭିନ୍ନ ପରୀକ୍ଷା ସ୍ଥଗିତ ରହିଥିବା ବେଳେ କେନ୍ଦ୍ର ଗୃହ ମନ୍ତ୍ରାଳୟ ବଡ଼ ନିଷ୍ପତ୍ତି ନେଇଛି । ଛାତ୍ରଛାତ୍ରୀଙ୍କ ବର୍ଷକର ପରିଶ୍ରମ ଓ ଭବିଷ୍ୟତକୁ ଦୃଷ୍ଟିରେ ରଖି ଗୃହ ମନ୍ତ୍ରାଳୟର କେନ୍ଦ୍ର ଉଚ୍ଚଶିକ୍ଷା ମନ୍ତ୍ରୀଙ୍କୁ ଚିଠି ଲେଖିଛନ୍ତି । ବିଭିନ୍ନ ବିଶ୍ୱବିଦ୍ୟାଳୟ ଓ ଶୈକ୍ଷିକ ଅନୁଷ୍ଠାନରେ ହେବାକୁ ଥିବା ଶେଷ ବର୍ଷର ପରୀକ୍ଷା ହେବ ।

ୟୁଜିସି ଗାଇଡଲାଇନ୍ ଅନୁସାରେ କୌଣସି ବିଶ୍ୱବିଦ୍ୟାଳୟ ପାଠ୍ୟକ୍ରମର ଶିକ୍ଷା ବର୍ଷର ଅନ୍ତିମ ପରୀକ୍ଷା ଅନିବାର୍ଯ୍ୟ । ତେଣୁ, ଛାତ୍ରଛାତ୍ରୀଙ୍କ ଭବିଷ୍ୟତକୁ ଦୃଷ୍ଟିରେ ରଖି ପରୀକ୍ଷା ହେବ । ପରୀକ୍ଷାରେ ସ୍ୱାସ୍ଥ୍ୟ ବିଭାଗର ଏସଓପିକୁ ଧ୍ୟାନ ଦିଆଯିବ । ପରୀକ୍ଷାର୍ଥୀ ମାସ୍କ ପିନ୍ଧିବା ସହ ନିର୍ଦ୍ଧାରିତ ଦୂରତାରେ ବସି ପରୀକ୍ଷା ଦେବେ ।