BREAKING NEWS
ବୁର୍ଲା ଭିସୁଟରୁ ୪ କର୍ମଚାରୀ କରୋନା ପଜିଟିଭ ବାହାରିବା ଘଟଣା । ଆସନ୍ତା ୧୧ ଯାଏଁ ବୁର୍ଲା ଭିସୁଟ ବନ୍ଦ । କର୍ମଚାରୀଙ୍କୁ ଘରୁ ନବାହାରିବାକୁ ନିର୍ଦ୍ଦେଶ,ଏପଟେ ରବିବାର ସଟଡାଉନରେ ରହିବ ସମ୍ବଲପୁର ଜିଲ୍ଲା ।ପଣ୍ୟ ପରିବହନ କ୍ଷେତ୍ରରେ ଇତିହାସ ସୃଷ୍ଟି କଲା ପାରାଦୀପ ବନ୍ଦର… ଚଳିତ ଆର୍ଥିକ ବର୍ଷର ମାତ୍ର ୩ ମାସରେ ରେକର୍ଡ… ୨୫.୭୩ ମିଲିୟନ ମେଟ୍ରିକ ଟନ୍ କାରବାର… ମୁଖ୍ୟମନ୍ତ୍ରୀଙ୍କ ପ୍ରଶଂସା ।ମହାକାଶରେ ହେବ ମହାମିଳନ…ଏକାଠି ହେବେ ୮ ଗ୍ରହ ସହ ପ୍ଲୁଟୋ… ସାରା ବିଶ୍ୱ ଦେଖିବ ପୂର୍ଣ୍ଣ ଗ୍ରହ ସଂରଚନା… ଜ୍ୟୋତିର୍ବିଦଙ୍କ ଗଣନା, ପ୍ରଭାବିତ ହେବ ପାଣିପାଗ ଓ ଜୀବଜଗତ ।ପରୀକ୍ଷାରେ ବ୍ରେକ ଲଗାଇଲା କରୋନା… ଘୁଞ୍ଚିଲା ଜେଇଇ ମେନ ଓ ଆଡଭାନ୍ସ ପରୀକ୍ଷା… ସେପଟେ ଜୁଲାଇ ୩୧ ଯାଏଁ ଆନ୍ତର୍ଜାତିକ ବାଣିଜ୍ୟିକ ବିମାନ ଚଳାଚଳ ବନ୍ଦ ଘୋଷଣା ।ଆଜି ଅନଲକ ଇଣ୍ଡିଆ ପାର୍ଟ ୨… ରାଜ୍ୟର ୧୬ ଜିଲ୍ଲାରେ ଶନି-ରବି ସଟଡାଉନ୍ । ସେପଟେ ଏ ସପ୍ତାହରେ ସଟଡାଉନରେ ରହିବନି ପୁରୀ ସହର… ଘର ଘର ବୁଲି ଯାଞ୍ଚ କରିବ ଟିମ୍ ।ଆଜି ରଥ ଉପରେ ମହାପ୍ରଭୁଙ୍କ ଅଧରପଣା ନୀତି… ପାର୍ଶ୍ୱ ଦେବାଦେବୀ ଓ ଚଣ୍ଡୀଚାମୁଣ୍ଡାଙ୍କୁ କରାଯିବ ଉତ୍ସର୍ଗ୩୨ଟି ପିଲାରେ ଗୋଟେ ଗ୍ରୁପ୍, ସପ୍ତାହରେ ତିନି ଦିନ କ୍ଲାସ୍ରାଜ୍ୟରେ ଆଉ ୨ ମୁଣ୍ଡ ନେଲା କରୋନା । ଗଞ୍ଜାମ ଓ ଅନୁଗୁଳ ଜିଲ୍ଲାରୁ ଜଣେ ଲେଖାଏଁ ପ୍ରାଣ ହରାଇଛନ୍ତି ।ଦେଶରେ ୬ଲକ୍ଷ ଟପିଲା କରୋନା ସଂକ୍ରମିତ ସଂଖ୍ୟା… ଗତ ୨୪ ଘଣ୍ଟାରେ ୧୯ ହଜାର ୧୪୮ ପଜିଟିଭ, ୪୩୪ ମୃତ୍ୟୁମାଲକାନଗିରିରେ ପଶୁ ହତ୍ୟାର ବର୍ବର ଚିତ୍ର… କାଲିମେଳା ପଡ଼ିଆ କାଲଦାପଲ୍ଲୀରେ କୁମ୍ଭୀରକୁ ଗଛରେ ବାନ୍ଧିଲେ ଲୋକେ… ମାଂସ ଭାଗ ବାଣ୍ଟି ଖାଇଥିବା ଅଭିଯୋଗ

ଲକଡାଉନ୍ ଯୋଗୁଁ ବଦଳିଗଲା ଷ୍ଟାରଙ୍କ ଜୀବନ: କରୋନା କାଳରେ କାହ ପାଖରେ ଟଙ୍କା ଅଭାବ,କିଏ ପରିବାରଠାରୁ ଦୂରରେ

ମୁମ୍ବାଇ: କରୋନା ଭୂତାଣୁ କେବଳ ସାଧାରଣ ଲୋକଙ୍କ ଜୀବନ ଉପରେ ପ୍ରଭାବ ପକାଇ ନାହିଁ। ବରଂ ଟିଭି ଏବଂ ବଲିଉଡର ଅନେକ ଷ୍ଟାର୍ସଙ୍କ ଉପରେ ମଧ୍ୟ ବରାବର ପ୍ରଭାବ ପରାଇଛି । କରୋନା ଭାଇରସ୍ ଏବଂ ଲକଡାଉନ୍ ଯୋଗୁଁ ଅନେକ କଳାକାର କ୍ଷତିଗ୍ରସ୍ତ ହୋଇଛନ୍ତି । କିଏ ତାଙ୍କ ପରିବାରଠାରୁ ଦୂରାଇ ରହିଛନ୍ତି  ତ’ କିଏ ପରିବାର ସହ ଥିଲେ ମଧ୍ୟ ଆର୍ଥିକ ଅବସ୍ଥା ପ୍ରଭାବିତ ହୋଇଛି ।

ଚାନ୍ଦନୀ ଭଗବାନୀ

ଟେଲିଭିଜନ ଜଗତର ଚର୍ଚ୍ଚିତ ଚେହେରା ଥିଲେ, ଚାନ୍ଦନୀ ଭଗବାନୀ  । ଲକଡାଉନ୍ ଯୋଗୁଁ ସେ ଅଷ୍ଟ୍ରେଲିଆରେ ଅନେକ ଦିନ ପାଇଁ ଅଟକି ରହିଥିଲେ। ସେ କହିଥିଲେ ଯେ, ସେଠାରେ କେବଳ ସେ ନିଜ ସେଭିଂସ୍ ପାଇଁ ବଞ୍ଚିପାରୁଥିଲେ । ତାଙ୍କ କହିବାନୁସାରେ, ସେ ହୋଟେଲରେ ଏକ ମାସ ବିତାଇଥିଲେ।

ରତନ ରାଜପୁତ

ଟିଭି ଅଭିନେତ୍ରୀ ରତନ ରାଜପୁତ ମଧ୍ୟ ଲକଡାଉନ୍ ପାଇଁ ବହୁତ ପ୍ରଭାବିତ ହୋଇଛନ୍ତି । ଅନେକ ଦିନ ଯାଏଁ ସେ ନିଜ ଗାଁରେ ଫସି ରହିଥିଲେ। ସେ ଏମିତି ଏକ ସ୍ଥାନରେ ଫସିଥିଲେ ଯେଉଁଠାରେ ନା ରହିବାକୁ ଭଲ ଘର ଥିଲା ନା ଟିଭି ଥିଲା । କୌଣସି ଜିନିଷ ବିଷୟରେ ସେ ଜାଣିପାରୁନଥିଲେ । ଗାଁରେ ରତନ କେମିତି ଜୀବନ କାଟୁଥିଲେ, ସେନେଇ ରତନ ଅନେକ ଭିଡିଓ ସୋସିଆଲ ମିଡିଆରେ ଜାରି କରିଛନ୍ତି ।  ଏହି ଲକଡାଉନ୍ ରେ ସେ ଅନେକ କୁକିଂ ଭିଡିଓ କରି ଇଣ୍ଟରନେଟ୍ ରେ ପୋଷ୍ଟ କରୁଥିଲେ ।

ସେହନାଜ ଗିଲ

ବିଗ ବସ୍ ର ପ୍ରସିଦ୍ଧ ଚେହେରା ସେହନାଜ ଗିଲ ଲକଡାଉନ୍ ଯୋଗୁଁ ନିଜ ପରିବାରଠାରୁ ଦୁରରେ ଥିଲେ ।  ପଞ୍ଜାବରେ ସେହନାଜଙ୍କ ପୁରା ପରିବାର ବାସ କରନ୍ତି । ହେଲେ ସେ ନିଜ ମାଆ ବାପାଙ୍କ ପାଖକୁ ଯାଇପାରୁନଥିଲେ । ଲକଡାଉନ୍ ଯୋଗୁଁ ସେ ମୁମ୍ବାଇରେ ଅଟକି ରହିଥିଲେ। ତାଙ୍କ ଭାଇ ମଧ୍ୟ ତାଙ୍କ ସହିତ ରହୁଥିଲେ।

ଜାନ ଖାନ

ଅଭିନେତା ଜାନ ଖାନଙ୍କ କାହାଣୀ ସମ୍ପୂର୍ଣ୍ଣ ଭିନ୍ନ । ଲକଡାଉନରେ ଜାନଙ୍କ ସ୍ଥିତି ପୁରା ଅସମ୍ଭାଳ ହୋଇପଡିଥିଲା । ​​କାରଣ ଦୀର୍ଘ ଦିନ ଧରି ସେ ନିଜ ପାରିଶ୍ରମିକ ପାଇନଥିଲେ । ଧାରାବାହିକ “ହାମାରି ବହୁ ସିଲ୍କ” ରେ କାମ କରୁଥିଲେ । ଜାନଙ୍କ ଭଳି ଶୋ’ ସହିତ ଜଡିତ ଅନେକ କଳାକାର ସେମାନଙ୍କ ଫି ପାଇଲେ ନାହିଁ । ଜାନଙ୍କ କହିବା ଅନୁସାରେ କିଛି କଳାକାର ଆତ୍ମହତ୍ୟା ବିଷୟରେ ମଧ୍ୟ ଭାବିଥିଲେ । ଜାନ ସୋସିଆଲ ମିଡିଆ ମାଧ୍ୟମରେ ନିର୍ମାତାଙ୍କ ବିରୋଧରେ ଅନେକ କଥା ପୋଷ୍ଟ କରିଥିଲେ ।

ନୁପୁର ଆଲଙ୍କାରା

ନୁପୁର ଅନେକ ହିନ୍ଦୀ ସିରିଏଲରେ କୋ-ଷ୍ଟାର ଭାବେ କାମ କରିଛନ୍ତି । କିନ୍ତୁ ଲକଡାଉନ୍ ସମୟରେ ସେ ଅନେକ ଅସୁବିଧାର ସମ୍ମୁଖୀନ ହୋଇଛନ୍ତି । ତାଙ୍କ ମା’ଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡିବା ସହ ଚିକିତ୍ସା ପାଇଁ ତାଙ୍କ ପାଖରେ ଟଙ୍କାର ଅଭାବ ଥିଲା । ତାଙ୍କ ଟଙ୍କା ବ୍ୟାଙ୍କରେ ଅଟକି ରହିଥିଲା। ତାଙ୍କର ଏଭଳି ଘଡିସନ୍ଧି ମୁହୁର୍ତ୍ତରେ ରେଣୁକା ଶହାନେ ତାଙ୍କୁ ସାହାଯ୍ୟ କରିଥିଲେ । ସେ ସୋସିଆଲ ମିଡିଆ ମାଧ୍ୟମରେ ଲୋକଙ୍କୁ ଟଙ୍କା ଦାନ କରିବାକୁ କହିଥିଲେ। ଏପରିକି ରେଣୁକାଙ୍କ ଭିଡିଓ ଦେଖି ଅକ୍ଷୟ କୁମାର ତାଙ୍କୁ ସାହାଯ୍ୟ କରିବାକୁ ଆଗକୁ ଆସିଥିଲେ ।

ମନୋଜ ବାଜପେୟୀ

ଅଭିନେତା ମନୋଜ ବାଜପେୟୀ ମଧ୍ୟ ଲକଡାଉନ୍ ରେ ତିନି ମାସ ଧରି ଉତ୍ତରାଖଣ୍ଡରେ ଅଟକି ରହିଥିଲେ। ସେ ଏକ ଚଳଚ୍ଚିତ୍ର ପାଇଁ ସେଠାକୁ ଯାଇଥିଲେ, କିନ୍ତୁ ଲକଡାଉନ କାରଣରୁ ସେଠାରେ ଫସି ଯାଇଥିଲେ । ତାଙ୍କ ସହିତ ତାଙ୍କ ପରିବାର ମଧ୍ୟ ସେଠାରେ ଫସିକରି ରହିଥିଲା । କାରଣ ମନୋଜ୍ ମିନି ହଲିଡେରେ ପରିବାରକୁ ନେଇ ସୁଟିଂକୁ ଯାଇଥିଲେ ।

ରୋନିତ ରୟ

ବଲିଉଡ ଅଭିନେତା ରୋନିତ ରୟ ଏକ ସାକ୍ଷାତକାରରେ କହିଛନ୍ତି ଯେ, ଦୀର୍ଘ ମାସ ଧରି ସେ ଟଙ୍କା ରୋଜଗାର କରିପାରିନାହାନ୍ତି । ତାଙ୍କ ବ୍ୟବସାୟ ମଧ୍ୟ ଠପ୍ ହୋଇଯାଇଥିଲା । ସେ ୧୦୦ ଟି ପରିବାର ଚଳାଉଥିଲେ ଯେଉଁମାନେ ତାଙ୍କ ଉପରେ ନିର୍ଭର କରନ୍ତି । ହେଲେ ଲକଡାଉନ୍ ଯୋଗୁଁ ତାଙ୍କର ଆର୍ଥିକ ଅବସ୍ଥା ଖରାପ ହୋଇଯାଇଛି ।

ସଞ୍ଜୟ ଦତ୍ତ

ବଲିଉଡ ଅଭିନେତା ସଞ୍ଜୟ ଦତ୍ତ ଲକଡାଉନ୍ ଯୋଗୁଁ ନିଜ ପରିବାରଠାରୁ ଦୁରରେ ଥିଲେ ।  ତାଙ୍କ ପତ୍ନୀ ମାନ୍ୟତା ଦତ୍ତ ଦୁବାଇରେ ଫସି ରହିଥିଲେ । ତାଙ୍କ ପିଲାମାନେ ମଧ୍ୟ ମାଆଙ୍କ ସହିତ ଥିଲେ । ଏଭଳି ପରିସ୍ଥିତିରେ ସେମାନେ ଦେଶକୁ ଆସିପାରିନଥିଲେ । ଏହି ସମୟରେ ଭିଡିଓ କଲ୍ ମାଧ୍ୟମରେ ସେ ନିଜ ପରିବାର ସହ ଯୋଡି ହୋଇ ରହିଥିଲେ।

Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.

This website uses cookies to improve your experience. We'll assume you're ok with this, but you can opt-out if you wish. Accept Read More