ବିରଳ ପ୍ରଜାତିର ଧଳା ବଉଳା କୁମ୍ଭୀର ଠାବ

ଭଦ୍ରକ: ଭଦ୍ରକ ଜିଲ୍ଲା ବନ୍ୟପ୍ରାଣୀ ବନଖଣ୍ଡ ବିଭାଗ ଦ୍ୱାରା ଚଳିତ ବର୍ଷ କୁମ୍ଭୀର ଗଣନା ଶେଷ ହୋଇଛି । ଜିଲ୍ଲାର ଚାନ୍ଦବାଲି ଡିଭିଜନର ବୈତରଣୀ, ସାଳନ୍ଦୀ ଓ ମନ୍ତେଈ ନଦୀରୁ ମୋଟ ୬୨ଟି କୁମ୍ଭୀର ଠାବ କରାଯାଇଛି। ୨୦୧୯- ୨୦ ବର୍ଷରେ କୁମ୍ଭୀରଙ୍କ ସଂଖ୍ୟା ୫୨ଥିବା ବେଳେ ଚଳିତବର୍ଷ ସଂଖ୍ୟା ବୃଦ୍ଧି ପାଇ ୬୨ରେ ପହଞ୍ଚିଛି।

ଏନେଇ ସରକାରୀ ସ୍ତରରେ ଘୋଷଣା କରାଯାଇଛି । ଏହାସହ ଚଳିତବର୍ଷ ଗୋଟିଏ ବିରଳ ପ୍ରଜାତିର ଧଳା ବଉଳା କୁମ୍ଭୀର ମଧ୍ୟ ଠାବ କରାଯାଇଛି  । ଏହି ଗଣନା କାର୍ଯ୍ୟରେ ଭଦ୍ରକ ବନ୍ୟପ୍ରାଣୀ ବନଖଣ୍ଡଙ୍କ ସହ ଚାନ୍ଦବାଲି ବନଖଣ୍ଡ ବିଭାଗ ସାମିଲ ଥିଲେ । ଉଭୟଙ୍କ ପକ୍ଷରୁ ୨ଟି ଟିମ ଗଠନ କରାଯାଇ ୩ଟି ନଦୀରେ ଗଣନା କାର୍ଯ୍ୟ କରାଯାଇଥିଲା ।