ଡ୍ରଗ୍ସ କାରବାର ନେଇ ବଲିଉଡ୍ ଦୁଇ ଫାଳ, ଜୟା-ଜୟା ମଧ୍ୟରେ ବାକ୍ ଯୁଦ୍ଧ
ନୂଆଦିଲ୍ଲୀ: ବଲିଉଡରେ ଆରମ୍ଭ ହୋଇଛି ଥାଳି ରାଜନୀତି । କାହା ଥାଳିରେ କଣା ହୋଇଛି ତାକୁ ନେଇ ସଂସଦଠୁ ଆରମ୍ଭ କରି ବଲିଉଡରେ ଜାରି ରହିଛି ବୟାନ ବାଜି । ବିଜେପି ସାଂସଦ ରବି କିଶନ ବଲିଉଡ୍ରେ ଡ୍ରଗ୍ସ କାରବାର ବଢୁଥିବା ନେଇ ବୟାନ ପରେ ସମାଜବାର୍ଦି ପାର୍ଟି ସାଂସଦ ଜୟା ବଚ୍ଚନ ଏହାକୁ ବିରୋଧ କରିବା ସହ ଯେଉଁ ଥାଳିରେ ଖାଉଛ ସେହି ଥାଳିରେ କ’ଣା କରୁଛ ବୋଲି କହିଛନ୍ତି ।
ସଂସଦରେ ଜୟାଙ୍କ ଏହି ବୟାନ ପରେ ଚାରି ଆଡେ ଖାଲି ଥାଳି ଚର୍ଚ୍ଚା । ସୋସିଆଲ ମିଡିଆରେ ଜୟାଙ୍କୁ ତୀବ୍ର ନିନ୍ଦା କରାଯିବା ପରେ ମୁମ୍ବାଇରେ ତାଙ୍କ ବାସଭବନ ଆଗରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ଜୟାଙ୍କର ଏହି ବୟାନକୁ ଶିବସେନା ସମର୍ଥନ କରିଥିବା ବେଳେ କଙ୍ଗନା ରାଣାଓ୍ୱତ ତୀବ୍ର ନିନ୍ଦା କରିଛନ୍ତି । ରବି କିଶନଙ୍କ ବୟାନକୁ କଙ୍ଗନା ଖୋଲା ଖୋଲି ସମର୍ଥନ କରିଛନ୍ତି ।
ସେପଟେ ଜୟା ପ୍ରଦା ମଧ୍ୟ ରବି କିଶନକୁ ସମର୍ଥନ କରିଛନ୍ତି । ଦେଶର ଯୁବପୀଢିଙ୍କୁ ଡ୍ରଗ୍ସ ଠାରୁ ବଞ୍ଚାଇବାକୁ ପଡିବ । ଏଥିପାଇଁ ଦେଶର ସବୁ କ୍ଷେତ୍ରରେ ସ୍ୱରଉତ୍ତୋଳନ ହେବା ଦରକାର ବୋଲି ସେ କହିଛନ୍ତି । ଏଭଳି ସମ୍ବେଦନଶୀଳ ପ୍ରସଙ୍ଗରେ ଜୟା ବଚ୍ଚନ ରାଜନୀତି କରୁଛନ୍ତି ବୋଲି ଜୟା ପ୍ରଦା ସିଧାସଳଖ ଟାର୍ଗେଟ କରିଛନ୍ତି ।
