ସୁଶାନ୍ତଙ୍କୁ ସମ୍ମାନ ଦେବେ ଭାରତ ସରକାର: ଦିବଙ୍ଗତ ଅଭିନେତାଙ୍କ ନାଁ’ରେ ଜାତୀୟ ପୁରସ୍କାର

1 min read

ମୁମ୍ବାଇ:    ସୁଶାନ୍ତ ସିଂ ରାଜପୂତଙ୍କ ମୃତ୍ୟୁର ୯ ମାସ ବିତି ଯାଇଛି, କିନ୍ତୁ ତାଙ୍କ ମୃତ୍ୟୁର ରାଜ୍‌ଏବେ ମଧ୍ୟ ରାଜ୍‌ହୋଇ ରହିଯାଇଛି । ଦିନେ ସାରା ବିଶ୍ୱରେ ଏହି ମାମଲା ଗମ୍ଭୀର ରୂପ ନେଇଥିଲା ଏବଂ ଶେଷରେ ସୁଶାନ୍ତଙ୍କ ମାମଲା ଡ୍ରଗ୍ସ ଆଡ଼କୁ ଚାଲିଗଲା । ସୁଶାନ୍ତଙ୍କ ଏକାଧିକ ପ୍ରଶଂସକ ସୁଶାନ୍ତଙ୍କୁ ନ୍ୟାୟ ଦେବାପାଇଁ ଅନେକ ଚେଷ୍ଟା କଲେ । ଏଥିପାଇଁ ସୋସିଆଲ ମିଡିଆର ଥିଲା ଏକ ଗୁରୁତ୍ୱପୂର୍ଣ୍ଣ ଭୂମିକା । କିନ୍ତୁ ଏବେ ମଧ୍ୟ ସୁଶାନ୍ତଙ୍କ ମୃତ୍ୟୁର କାରଣ ଅସ୍ପଷ୍ଟ ।

ଯଦିଓ ଅନେକ ପ୍ରଚେଷ୍ଟା ପରେ ସୁଶାନ୍ତଙ୍କ ପାଇଁ କେହି କିଛି କରିପାରିଲେନି ତଥାପି ଭାରତ ସରକାର ସୁଶାନ୍ତ ସିଂ ରାଜପୂତଙ୍କ ନାମରେ ଏକ ଆଓ୍ୱାର୍ଡ଼ ନାମକରଣ ପାଇଁ ବିଚାର କରୁଛନ୍ତି । ଏଭଳି ହେଲେ ସବୁଦିନ ପାଇଁ ସୁଶାନ୍ତଙ୍କ ନାମ ନ୍ୟାସନାଲ ଆଓ୍ୱାର୍ଡ଼ରେ ପଞ୍ଜିକୃତ ହୋଇଯିବ । କେବଳ ସେତିକି ନୁହେଁ ଯଦି ଏଭଳି ହୁଏ ତେବେ ସୁଶାନ୍ତଙ୍କୁ ଭଲ ପାଉଥିବା ତାଙ୍କର ଅଗଣିତ ପ୍ରଶଂସକ ନିହାତି ଭାବରେ ଖୁସି ହେବେ ।

ରିପୋର୍ଟ କହୁଛି ସୁଶାନ୍ତ ସିଂ ରାଜପୂତଙ୍କ ନାଁରେ ଏକ ଚଳଚ୍ଚିତ୍ର ପୁରସ୍କାର ରଖିବା ପାଇଁ ଭାରତ ସରକାରଙ୍କର ଆଲୋଚନା ଜାରି ରହିଛି । ଆଲୋଚନା ସଫଳ ହେଲେ ଭାରତୀୟ ଫିଲ୍ମ ଇଣ୍ଡଷ୍ଟ୍ରିରେ ସୁଶାନ୍ତଙ୍କ ନାମ ସ୍ୱର୍ଣ୍ଣ ଅକ୍ଷରରେ ଲିପିବଦ୍ଧ ହୋଇ ରହିବ ।

କିନ୍ତୁ ଏଠାରେ ଗୁରୁତ୍ୱପୂର୍ଣ୍ଣ କଥା ହେଉଛି ସୁଶାନ୍ତଙ୍କ ମୃତ୍ୟୁ ପରେ ଏକାଧିକ କଥାକୁ ନେଇ ଆଲୋଚନା ହେଲା ଏବଂ କୌଣସି ଫଳାଫଳ ସାମ୍ନାକୁ ଆସିଲାନାହିଁ । କେବଳ ସେତିକି ନୁହେଁ ସୁଶାନ୍ତଙ୍କୁ ନେଇ ଏକ ବାୟୋପିକ ନିର୍ମାଣ ହେବ ବୋଲି ଘୋଷଣା ହେବାପରେ ମଧ୍ୟ ତାହାକୁ ନେଇ କୌଣସି ଅପଡେଟ୍‌ସାମ୍ନାକୁ ଆସିଲାନାହିଁ ।

ସୁଶାନ୍ତଙ୍କ ବାୟୋପିକ୍‌ଉପରେ ଯଦି ନଜର ପକାଇବା ତେବେ ସୁଶାନ୍ତଙ୍କ ବାୟୋପିକର ନାଁ ‘ନ୍ୟାୟ ଦ ଜଷ୍ଟିସ୍‌’ ରଖାଯାଇଛି । ଏହାକୁ ନେଇ ଘୋଷଣା ମଧ୍ୟ ହୋଇ ସାରିଛି । ଏହାକୁ ବିକାଶ ପ୍ରଡକ୍ସନ ବ୍ୟାନରରେ ନିର୍ମାଣ କରାଯିବ । ଯାହାର ପ୍ରଯୋଜନା କରିବେ ରାହୁଲ ଶର୍ମା ।
ସୁଶାନ୍ତଙ୍କୁ ସବୁଦିନ ପାଇଁ ଦର୍ଶକଙ୍କ ହୃଦୟରେ ଜୀବିତ ରଖିବା ପାଇଁ ଭାରତ ସରକାରଙ୍କ ନିଷ୍ପତ୍ତି ଯଦି ବାସ୍ତବରେ ପରିଣତ ହୁଏ ତେବେ ଏହା ସୁଶାନ୍ତଙ୍କ ପ୍ରଶଂସକଙ୍କ ପାଇଁ କୌଣସି ଉପହାରଠାରୁ କମ୍‌ହେବନାହିଁ ।

Opn Commnet Area

Leave a Reply

Your email address will not be published. Required fields are marked *

Close Bitnami banner