ଚୀନରେ ଜନ୍ମନେଲା ଆଉ ଏକ ଭାଇରସ,ଜାଣନ୍ତୁ ଦୁନିଆ ପାଇଁ ଏହା କେତେ ବିପଜ୍ଜନକ…

1 min read

ବେଜିଂ: ଲାଗୁଛି ଚୀନ୍ ଭାଇରସ ଫ୍ୟାକ୍ଟ୍ରି ହୋଇସାରିଲାଣି । ଗୋଟିଏ ପରେ ଗୋଟିଏ ଭାଇରସ ଚୀନାବାସୀଙ୍କ ଖାଦ୍ୟ ଅଭ୍ୟାସ କାରଣରୁ ଜନ୍ମ ନେବାରେ ଲାଗୁଛନ୍ତି । ବିଶ୍ୱ ସ୍ୱାସ୍ଥ୍ୟ ସଂଗଠନର ଟିମ୍ କରୋନା ଭାଇରସ କେମିତି ଜନ୍ମ ନେଲା ଜାଣିବାକୁ ଚୀନ୍ ଯାଉଛି,ଏହାରି ଭିତରେ ଚୀନର ଭାଇରସ ଅନ୍ତୁଡିଶାଳାରୁ ଜନ୍ମ ନେଇଛି ଆଉ ଗୋଟିଏ ଭାଇରସ । ଯାହା ବୈଜ୍ଞାନିକଙ୍କ ଚିନ୍ତା ବଢାଇ ଦେଇଛି । ଏହି ନୂଆ ଭାଇରସ ଦ୍ୱାରା ମହାମାରୀ ସୃଷ୍ଟି ହେବା ଆଶଙ୍କା ଅଧିକ ବୋଲି ବୈଜ୍ଞାନିକ କହୁଛନ୍ତି । କାରଣ ମାନବ ଶରିରରେ ଏହାର ପ୍ରତିରୋଧକ ଶକ୍ତି ନାହିଁ । ଜାଣନ୍ତୁ ଏହି ଭାଇରସର ନାମ କ’ଣ ଓ ଏହା କାହିଁକି ଏତେ ବିପଜ୍ଜନକ


ଭାଇରସର ନାମ କ’ଣ ?

ଏହି ଭାଇରସକୁ G4 EA H1N1  ନାମ ଦିଆଯାଇଛି । ବିଶେଷଜ୍ଞଙ୍କ ଆଶଙ୍କା ଯେ, ଏହି ଭାଇରସ ଅଧିକ ମ୍ୟୁଟେଟ୍ ହୋଇ ଜଣେ ବ୍ୟକ୍ତିଙ୍କଠାରୁ ଅନ୍ୟଜଣଙ୍କୁ ବ୍ୟାପି ପାରେ । ଦୁନିଆ ପାଇଁ ଚିନ୍ତାଜନକ ଖବର ହେଉଛି ଇନଫ୍ଲୁଏଂଜାର ଏହି ନୂଆ ଭାଇରସ ସେହିସବୁ ଶୀର୍ଷ ରୋଗ ମଧ୍ୟରେ ସାମିଲ ଅଛି ଯାହା ଉପରେ ବିଶେଷଜ୍ଞଙ୍କ ନଜର ରହିଛି । ଯେତେବେଳେ ଦୁନିଆ କରୋନା ଭାଇରସକୁ ଶେଷ କରିବା ପାଇଁ ଯୁଦ୍ଧ ଲଢୁଛି ସେତେବେଳେ ଏହି ନୂଆ ଭାଇରସ ଚିନ୍ତା ବଢାଇ ଦେଇଛି ।

new virus in china

 

କେତେ ବିପଜ୍ଜନକ ଏହି ଭାଇରସ ?

G4 EA H1N1  ଭାଇରସ ଦ୍ୱାରା ଦୁନିଆରେ ମହାମାରୀ ସୃଷ୍ଟି ହେବାର ସମ୍ଭାବନା ରହିଛି । ଚୀନ୍ ବୈଜ୍ଞାନିକଙ୍କ ଅନୁସାରେ ଏହି ଫ୍ଲୁ ଭାଇରସରେ ସେ ସମସ୍ତ ଲକ୍ଷଣ ରହିଛି ଯାହା ମାନବକୁ ସଂକ୍ରମିତ କରିପାରେ । ଏହି ଭାଇରସର ନୀରିକ୍ଷଣ ଆବଶ୍ୟକ । ଯେହେତୁ ଏହି ଭାଇରସ ନୂଆ ତେଣୁ ଲୋକଙ୍କଠାରେ ଏହାର ପ୍ରତିରୋଧକ ଶକ୍ତି କମ ଥିବ କିମ୍ବା ବିଲକୁଲ ନଥିବ ।

କ’ଣ ଆଉ ଏକ ମହାମାରୀର ବିପଦ ରହିଛି ?

new virus

କରୋନା ଭାଇରସ ପୂର୍ବରୁ ଦୁନିଆରେ ଶେଷଥର ପାଇଁ ୨୦୦୯ରେ ଫ୍ଲୁ ମହାମାରୀ ବ୍ୟାପିଥିଲା । ସେତେବେଳେ ଏହାକୁ ସ୍ୱାଇନ୍ ଫ୍ଲୁ କୁହାଯାଇଥିଲା । ମେକ୍ସିକୋରୁ ଆରମ୍ଭ ହୋଇଥିବା ସେହି ଭାଇରସ ଏତେ ଶକ୍ତିଶାଳୀ ନଥିଲା । ବର୍ତ୍ତମାନ କରୋନା କାରଣରୁ ବିଶ୍ୱରେ ୧ କୋଟି ସଂକ୍ରମିତ ହୋଇଛନ୍ତି । ଏମିତିରେ ନୂଆ ଭାଇରସ ଯଦି ବ୍ୟାପେ ତେବେ ତାକୁ ରୋକିବା ଅସମ୍ଭବ ହୋଇ ପଡିବ ।

ଭାଇରସ ବିରୋଧରେ ବର୍ତ୍ତମାନର ଭ୍ୟାକ୍ସିନ୍ କେତେ ସକ୍ଷମ ?

flue virus corona

G4 EA H1N1  ଭାଇରସର ନିଜ କୋଶିକାକୁ ଅନେକ ଗୁଣ ବଢାଇବାର କ୍ଷମତା ରହିଛି । ବୈଜ୍ଞାନିକ ଚୀନ୍ ଅଧିକାରୀଙ୍କ ସହ ଆଲୋଚନା କରୁଛନ୍ତି । ଫ୍ଲୁ ପାଇଁ ବର୍ତ୍ତମାନ ଉପଲବ୍ଧ ଭ୍ୟାକ୍ସିନ ଏହି ନୂଆ ଭାଇରସ ବିରୋଧରେ ସକ୍ଷମ ନୁହେଁ । ପ୍ରଫେସର ଚାଙ୍ଗ୍ କହିଛନ୍ତି ଯେ, ଆମେ ବର୍ତ୍ତମାନ କରୋନା ସଂକଟ ଭିତରେ ଅଛେ କିନ୍ତୁ ଏବେ ମଧ୍ୟ ଆମେ ସମ୍ଭାବିତ ବିପଦ ଉପରେ ନଜର ରଖିଛୁ ।

ଚୀନ କେମିତି ଭାଇରସ ଫ୍ୟାକ୍ଟ୍ରି ବନି ଯାଇଛି ତାହା ଜାଣିବାକୁ ତଳେ ଦିଆଯାଇଥିବା ଲିଙ୍କ୍ କ୍ଲିକ୍ କରି ପଢନ୍ତୁ ଆଉ ଗୋଟିଏ ଭୟଙ୍କର ଭାଇରସ ବାବଦରେ ,ଯାହା କରୋନା ଭିତରେ ମୁଣ୍ଡ ଟେକିଥିଲା । ଚୀନ୍ ସେତେବେଳେ ଏହା ବାବଦରେ କିଛି କହିନଥିଲା….ସେହି ଭାଇରସର ନାମ ହେଉଛି ହନ୍ତା…

ଚୀନରେ ହନ୍ତା ଭାଇରସରେ ଜଣଙ୍କର ମୃତ୍ୟୁ, ଜାଣନ୍ତୁ କେତେ ବିପଦପୂର୍ଣ୍ଣ…

Opn Commnet Area

Leave a Reply

Your email address will not be published. Required fields are marked *

Close Bitnami banner