ନନ୍ଦିଘୋଷ ଟିଭିର ମହାପ୍ରଭାବ, ଖଲ୍ଲିକୋଟର ପୁରାତନ ଜଗନ୍ନାଥ ମନ୍ଦିରର ପୁନରୁଦ୍ଧାର ପାଇଁ ମିଳିଲା ଅର୍ଥରାଶି

1 min read

ଗଞ୍ଜାମ: ନନ୍ଦିଘୋଷ ଟିଭିର ମହାପ୍ରଭାବ । ଦୀର୍ଘବର୍ଷ ଧରି ରକ୍ଷଣାବେକ୍ଷଣା ଅଭାବ ଓ ପରିଚାଳନା ତୃଟି ଯୋଗୁଁ ଜରାଜୀର୍ଣ ଅବସ୍ଥାରେ ପଡିରହିଥିବା ଓଡିଶାର ଦ୍ୱିତୀୟ ପୁରାତନ ଜଗନ୍ନାଥ ମନ୍ଦିରର ପୁନରୁଦ୍ଧାର ପାଇଁ ମିଳିଛି ଅର୍ଥରାଶି । ଓଡିଶା ମାନଚିତ୍ରରେ ପର୍ଯ୍ୟଟନର ମାନ୍ୟତା ପାଇଥିବା ଖଲ୍ଲିକୋଟରେ ଥିବା ଜଗନ୍ନାଥ ମନ୍ଦିର ପାଇଁ ରାଜ୍ୟ ସରକାର ଅର୍ଥରାଶି ପ୍ରଦାନ କରିଛନ୍ତି ।

ଓଡିଶାର ଦ୍ୱିତୀୟ ଜଗନ୍ନାଥ ମନ୍ଦିରର ଦୂର ହେବ ଦୁରାବସ୍ଥା । ମନ୍ଦିରର ପୁନରୁଦ୍ଧାର ପାଇଁ ଅଣ୍ଟା ଭିଡିଲେ ସରକାର । ମରାମତି ଲାଗି ଅର୍ଥରାଶି ମଞ୍ଜୁରୀ । ଖୁବ୍‌ଶୀଘ୍ର ମରାମତି ହେବା ସହ ପାରିପାର୍ଶ୍ୱିକ ଉନ୍ନତି କରାଯିବ । ଖଲ୍ଲିକୋଟରେ ଥିବା ୨ୟ ଜଗନ୍ନାଥ ମନ୍ଦିରର ଦୁରବସ୍ଥା ନେଇ ନନ୍ଦିଘୋଷ ଟିଭିରେ ପ୍ରଥମେ ଖବର ପ୍ରସାରଣ ହୋଇଥିଲା । ପରେ ସ୍ଥାନୀୟ ତହସିଲଦାର ମନ୍ଦିର କମିଟି, ଦେବୋତ୍ତର ବିଭାଗ ସହ ମନ୍ଦିରର ସ୍ଥିତି ନେଇ ଆଲୋଚନା କରିଥିଲେ । ଦେବୋତର ବିଭାଗ ଓ ରାଜ୍ୟ ସରକାର ସୁରକ୍ଷାକୁ ଗୁରୁତ୍ୱ ଦେବା ସହ ଏହାର ମରାମତି ଓ ପୁନରୁଦ୍ଧାର ପାଇଁ ପଦକ୍ଷେପ ନେଇଛନ୍ତି ।

ସେପଟେ ସରକାରଙ୍କ ଏଭଳି ପ୍ରୟାସକୁ ଭକ୍ତ ଓ ଜନସାଧାରଣ ବେଶ୍ ପ୍ରଶଂସା କରିଛନ୍ତି । ଖଲ୍ଲିକୋଟର ସର୍ବ ପୁରାତନ ଜଗନ୍ନାଥ ମନ୍ଦିରର ଏଭଳି ଦୁରାବସ୍ଥା ଭକ୍ତ ଭାବାବେଗକୁ ଗଭୀର ଆଘାତ ଦେଇଥିଲା । ଯାହାକୁ ନେଇ ନନ୍ଦିଘୋଷ ଟିଭିରେ  ଖବର ପ୍ରସାରଣର ହୋଇଥିଲା । ଦୀର୍ଘଦିନ ଧରି ଜଗନ୍ନାଥ ମନ୍ଦିରର ପୁନରୁଦ୍ଧାର ପାଇଁ ଦାବି ହୋଇ ଆସୁଥିଲା ।

Leave a Reply

Your email address will not be published. Required fields are marked *

Close Bitnami banner