ଘରୁ କରୋନା ଚିହ୍ନଟ ପରେ ଘର ସାମ୍ନାରେ ପୋଷ୍ଟର ଲଗାଇବାରୁ କରୋନା ମହିଳା ଯୋଦ୍ଧାଙ୍କୁ ଆକ୍ରମଣ

1 min read

ଗଞ୍ଜାମ: ସମଗ୍ର ବିଶ୍ୱ କରୋନା ସହ ସଂଘର୍ଷ କରୁଛି ।  ଆଉ ଏ ସଂଘର୍ଷରେ ଆଗ ଧାଡ଼ିରେ ରହିଛନ୍ତି କରୋନା ଯୋଦ୍ଧା । କାରଣ ସେମାନେ କରୋନା ସହ କରୁଛନ୍ତି ଅହରହ ଯୁଦ୍ଧ । ତେବେ ଏମାନେ କରୋନା ସହ ଲଢ଼ିବା ସହ ସାମ୍ନା କରୁଛନ୍ତି ଘୃଣ୍ୟ ମାନସିକତାର । କରୋନା ଯୋଦ୍ଧାକୁ ବାରମ୍ବାର ହେଉଛି ଆକ୍ରମଣ । କେତେ ଦୟନୀୟ ଆମ ସମାଜର ମାନସିକତା । କେତେବେଳେ ଡାକ୍ତରଙ୍କୁ ମାଡ଼ ହେଲାଣିତ ପୁଣି କେତେବେଳେ ଆଶାକର୍ମୀଙ୍କୁ  । ନିଜ କର୍ତ୍ତବ୍ୟ ତୁଲାଇବାକୁ ଯାଇ ଏମାନେ ଶିକାର ହେଉଛନ୍ତି ଆକ୍ରୋଶର ।

ତେବେ ଜଣେ କରୋନା ଯୋଦ୍ଧା ଅଙ୍ଗନବାଡି କର୍ମୀ ଯୁବକଙ୍କ ଆକ୍ରମଣର ଶିକାର ହୋଇଚନ୍ତି । ତାଙ୍କ ଭୁଲ କେବଳ ଏତିକି ଥିଲା ଯେ ଘରୁ କରୋନା ସଂକ୍ରମିତ ଚିହ୍ନଟ ହେବା ପରେ ଘର ଆଗରେ ପୋଷ୍ଟର ଟିଏ ଲଗେଇଥିଲେ । ଏଭଳି ଏକ ଘଟଣା  ଯାହାଫଳରେ ଉତ୍ୟକ୍ତ ହୋଇ ଆକ୍ରାନଙ୍କର ପୁଅ କେଉଁ କାରଣରୁ ମୋ ଘର ସାମ୍ନାରେ ପୋଷ୍ଟର ଲଗେଇଲୁ ବୋଲି କହିବା ସହ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ । ସେତିକିରେ ଥମି ନଥିଲା ତାଙ୍କର ରାଗ ।

କୁକୁଡାଖଣ୍ଡି ସମନ୍ୱିତ ଶିଶୁ ବିକାଶ ଯୋଜନା ଅଧିନସ୍ଥ ଜୁଗୁଡି ଅଞ୍ଚଳର ଏକ ନମ୍ବର କେନ୍ଦ୍ରର  ଅଙ୍ଗନବାଡି କର୍ମୀ  ବାସନ୍ତୀ ରାଉଳଙ୍କୁ  ବିଚ ରାସ୍ତାରେ ଚୁଟୀ ଘୋଷାଡ଼ି ନିସ୍ତୁକ ମାଡ଼ ମାରିଥିଲେ । ଏ ନେଇ କର୍ମୀ ଜଣଙ୍କ ଗୋଳନ୍ଥରା ଥାନାରେ ମାମଲା ରୁଜୁ କରିଛନ୍ତି । ତେବେ ଏଠି ପ୍ରଶ୍ନ ଉଠୁଚି କେବେ ସୁଧୁରିବ ସମାଜର ଅସାଧୁ ବ୍ୟକ୍ତିଙ୍କ ମାନସିକତା I

Leave a Reply