ଧୋନିଙ୍କ ନୂଆ ଲୁକର ଭିଡ଼ିଓ ହେଲା ଭାଇରାଲ

କ୍ରିକଟର ନମ୍ବର ୱାନ ବାଜିଗର ଲୁକକୁ ନେଇ ଏବେ ଚର୍ଚ୍ଚା ଜୋର ଧରିଛି । ନିଜର ସିମ୍ପଲ୍ ଅନ୍ଦାଜ ପାଇଁ ସବୁ ବେଳେ କ୍ରିକେଟ ପ୍ରେମୀଙ୍କ ହୃଦୟରେ ରାଜ କରୁଥିବା ମହେନ୍ଦ୍ର ସିଂ ଧୋନି ଏବେ ପୁଣି ଲାଇମଲାଇଟରେ । ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଏପ୍ରିଲ୍ ୧୫ ପର୍ଯ୍ୟନ୍ତ ସ୍ଥଗିତ ରଖିବା ପରେ ଦଳ କାର୍ଯ୍ୟସୂଚୀ ଛାଡି ଧୋନି ତାଙ୍କ ଫ୍ୟାନ୍ସ ମାନଙ୍କୁ ସମୟ ଦେଉଥିବାର ନଜର ଆସିଥିଲେ ।

https://twitter.com/ChennaiIPL/status/1238810892789153795

ଏନେଇ ଚେନ୍ନାଇ ସୁପର କିଙ୍ଗ୍ ଦଳ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ପୂର୍ବତନ ଭାରତୀୟ ଅଧିନାୟକ ଧୋନି ସମସ୍ତଙ୍କୁ ଭେଟିଥିବାର ନଜର ଆସିଛନ୍ତି । ତେବେ ଏହି ଭିଡ଼ ଭିତରୁ ଜଣେ ପ୍ରଶଂସକ ତାଙ୍କୁ କହିଥିଲେ, ସାର୍ ଚେନ୍ନାଇ ହେଉଛି ତୁମର ଘର । ଫ୍ୟାନ୍ସଙ୍କ ଏହି କଥାରେ ଧୋନି ସ୍ମିତ ହସ ଦେଇ ମୁଣ୍ଡ ହଲାଇ ହଁ ମଧ୍ୟ କହିଥିଲେ । ଏହି ଭିଡ଼ିଓରେ ଧୋନିଙ୍କ ନିୟୁ ଲୁକ୍ ମଧ୍ୟ ଦେଖିବାକୁ ମିଳିଥିଲା । ଯେଉଁଥିରେ ସେ ଫ୍ରେନ୍ସ କଟ୍ ଦାଢିରେ ନଜର ଆସିଛନ୍ତି  । ଭିଡିଓରେ ଧୋନିଙ୍କ ନିୟୁ ଲୁକ ପାଇଁ ଭିଡ଼ିଓଟି ଭାଇରାଲ ହେବାରେ ଲାଗିଛି ।

ଦୀର୍ଘ ଦିନ ଧରି କ୍ରିକେଟ୍ ଠାରୁ ଦୂରେଇ ରହିଥିବା ଧୋନି ବର୍ତ୍ତମାନ ଚେପାଁକ୍ ଷ୍ଟାଡିୟମରେ ଅଭ୍ୟାସ କରୁଥିବା ଦେଖିବାକୁ ମିଳିଛି । ଯେଉଁଠାରେ ସେ ତାଙ୍କ ପ୍ରଶଂସକଙ୍କୁ ମଧ୍ୟ ଭେଟିଥିବାର ନଜର ଆସିଛନ୍ତି । ତାଙ୍କ ଭିଡିଓ ସୋସିଆଲ ମିଡ଼ିଆରେ ଜୋରସୋରରେ ଭାଇରାଲ ହେବାରେ ଲାଗିଛି । ଏହା ପୂର୍ବରୁ ମଧ୍ୟ ତାଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯୋଉଁଥିରେ ସେ ଏହି ଖାଲି ସମୟ ପ୍ରଶଂସକଙ୍କ ସହ ବିତାଉଛନ୍ତି। ଏହି ଭିଡିଓରେ ମଧ୍ୟ ଲୋକମାନେ ପ୍ରଶଂସକଙ୍କ ସହ ଫଟୋ କ୍ଲିକ୍ କରୁଛନ୍ତି ଏବଂ ଅଟୋଗ୍ରାଫ୍ ଦେଉଛନ୍ତି ।