ମର୍ଣ୍ଣିଂ ୱାକରେ ଯାଉଥିବା ମହିଳାଙ୍କ ସହ ଖରାପ ବ୍ୟବହାର କରି ପୋଲିସ SI ଗିରଫ

1 min read
Delhi Police Special Cell Sub Inspector Arrested Accused Of Eve Teasing Women Going On Morning Walk

ନୂଆଦିଲ୍ଲୀ: ରକ୍ଷକ ଭକ୍ଷକ ସାଜିଲେ ଆପଣ କାହାକୁ ସୁରକ୍ଷା ମାଗିବେ । ଏମିତି ଏକ ମାମଲା ଆସିଛି ଦିଲ୍ଲୀର ଦ୍ୱାରକା ଅଞ୍ଚଳରୁ । ଯେଉଁଠି ଦିଲ୍ଲୀ ପୋଲିସର ଜଣେ ସବ୍-ଇନ୍ସପେକ୍ଟର ମର୍ଣ୍ଣିଂ ୱାକରେ ଯାଉଥିବା ଓ ସାଇକେଲିଂ କରୁଥିବା ମହିଳାଙ୍କ ସହ ଅସଦ୍ ବ୍ୟବହାର କରିଥିବା ଅଭିଯୋଗ ହୋଇଛି । ମାମଲା ସାମନାକୁ ଆସିବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଏସ୍ଆଇଙ୍କୁ ଗିରଫ କରିଛି । ଗିରଫ ଅଧିକାରୀ ଜଣଙ୍କ ଦିଲ୍ଲୀ ପୋଲିସର ସ୍ପେଶାଲ ସେଲରେ ସବ୍-ଇନ୍ସପେକ୍ଟର ଥିବାବେଳେ ଏବେ ଟ୍ରାଫିକ୍ ଫୋଲିସର ଡିସିପି ଅଫିସରେ ଅଛନ୍ତି ।

ସୂଚନା ଅନୁଯାୟୀ, ପୀଡ଼ିତା ମହିଳା ଜଣଙ୍କ ତାଙ୍କ ସହ ହୋଇଥିବା ଖରାପ ବ୍ୟବହାର ନେଇ ସୋସିଆଲ୍ ମିଡିଆରେ ସୂଚନା ଦେଇଥିଲେ । ଯାହାକି ଭାଇରାଲ୍ ହୋଇଛି । ପୀଡ଼ିତା ମହିଳା ଦିଲ୍ଲୀ ପୋଲିସ ହେଲ୍ପଲାଇନକୁ କରିଥିବା କଲ୍ ପ୍ରକାରେ ପୋଲିସ ମାମଲା ରୁଜୁ କରିଛି । ପୋଲିସ ମୁତାବକ, ଗତ ୧୭ ଅକ୍ଟୋବର ସକାଳେ ଦ୍ୱାରକା ସେକ୍ଟର ୧୧ ଡିଡିଏ ସ୍ପୋର୍ଟ୍ସ କମ୍ପ୍ଲେକ୍ସରୁ ଦଶହରା ଗ୍ରାଉଣ୍ଡ ଯାଇଥିବା ରାସ୍ତାରେ ଏକ କାର ମର୍ଣ୍ଣିଂ ୱାକ ଓ ସାଇକେଲିଂ କରୁଥିବା ମହିଳା ଓ ଯୁବତୀଙ୍କୁ ଅଶ୍ଲୀଳ ଇଙ୍ଗିତ କରୁଥିଲା । ପୀଡ଼ିତାଙ୍କ ଅଭିଯୋଗ ପ୍ରକାରେ କାରରେ ବସିଥିବା ଯୁବକ ଜଣଙ୍କ ନିଜର ଗୁପ୍ତାଙ୍ଗ ପ୍ରଦର୍ଶନ କରିଥିଲେ । ଆଉ ଜଣେ ମହିଳା ଅଭିଯୋଗ କରିଛନ୍ତି ଯୁବକ ଜଣଙ୍କ ତାଙ୍କୁ ଜୋର ଜବରଦସ୍ତ ଭାବେ ଟଣାଓଟରା କରିଥିଲା । ଦ୍ୱାରାକା ସାଉଥ ଥାନାରେ ଏନେଇ ତିନୋଟି ଅଲଗା ଅଲଗା ଅଭିଯୋଗ ପ୍ରକାରେ ମାମଲା ରୁଜୁ ହୋଇଛି ।

ପୀଡ଼ିତା ପୋଲିସକୁ କହିଛନ୍ତି- ଯୁବକ ଜଣଙ୍କ ପାଉଁଶିଆ ରଙ୍ଗର କାରରେ ଆସୁଥିଲା । ଏବଂ ଉକ୍ତ କାରର ନମ୍ବର ପ୍ଲେଟ୍ ନାହିଁ । କାରର ପଛ ଭାଗ ମଧ୍ୟ ଚେପା ଅଛି । ଅନ୍ୟଜଣେ ଅଭିଯୋଗକାରୀ ପୋଲିସକୁ ମୋବାଇଲରେ ରେକର୍ଡିଂ କରିଥିବା ଭିଡିଓ ଦେଇଛନ୍ତି । ଯେଉଁଥିରେ ସେ କାର ଦେଖାଯାଉଛି । ଯାହାପରେ ପୋଲିସ ସିସିଟିଭି ସାହଯ୍ୟରେ ଉକ୍ତ କାରକୁ ଠାବ କରିଛି । ୧୦୦ ପୋଲିସ କର୍ମୀଙ୍କୁ ନେଇ ଗଠିତ ଟିମ୍ ୧୦୦ରୁ ଅଧିକ ସିସିଟିଭି ଫୁଟେଜ ଦେଖିଥିଲେ । ଏଥିରୁ ମିଳିଥିଲା ଅଭିଯୁକ୍ତଙ୍କ ପତ୍ତା । ଜେରା ପରେ ଜଣାପଡ଼ିଥିଲା ଯୁବକ ଜଣଙ୍କ ଦିଲ୍ଲୀ ପୋଲିସରେ ଏସ୍ଆଇ ପୁନୀତ ଗ୍ରେୱାଲ ।

ଅଭିଯୁକ୍ତ ଏସ୍ଆଇ ପୁନୀତ ଗ୍ରେୱାଲ ୨୦୧୧ ବ୍ୟାଚର । ଦିଲ୍ଲୀର ଜନକପୁରୀ ଅଞ୍ଚଳରେ ରୁହେ । ଦ୍ୱାରକା ଜିଲ୍ଲା ପୋଲିସ ଅଭିଯୁକ୍ତ ଏସ୍ଆଇ ବିରୋଧରେ ବିଭାଗୀୟ କାର୍ଯ୍ୟାନୁଷ୍ଠାନ ପାଇଁ ଡିଏସପି ସ୍ପେଶାଲ ସେଲକୁ ଚିଠି ଲେଖିଛନ୍ତି । ଏଥିସହ ତାକୁ ଚାକିରିରୁ ବହିଷ୍କାର କରାଯାଇ ଗିରଫ କରାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner