ସୁପ୍ରିମକୋର୍ଟ କମିଟିରୁ ଓହରିଲେ BKU ନେତା ଭୁପିନ୍ଦର ସିଂହ ମାନ, କହିଲେ ପଞ୍ଜାବ ଓ ଚାଷୀଙ୍କ ସହ ଅଛି…

1 min read

ନୂଆଦିଲ୍ଲୀ: କୃଷକ ଆନ୍ଦୋଳନକୁ ନେଇ ଗଠିତ ହୋଇଥିବା ସୁପ୍ରିମକୋର୍ଟଙ୍କ ୪ ଜଣିଆ କମିଟିରୁ ଓହରିଛନ୍ତି ଭାରତୀୟ କିସାନ ୟୁନିଅନ୍ (ବିକେୟୁ)ର ରାଷ୍ଟ୍ରୀୟ ଅଧ୍ୟକ୍ଷ ଓ ଅଖିଳ ଭାରତୀୟ କିସାନ ସମନ୍ୱୟ ସମିତି ଅଧ୍ୟକ୍ଷ ଭୁପିନ୍ଦର ସିଂହ ମାନ ।

ଏହା ପୂର୍ବରୁ କୃଷକ ମାନେ ଅଭିଯୋଗ କରିଥିଲେ ଯେ ଭୁପିନ୍ଦର ଆଗରୁ ହିଁ ୩ କୃଷି ଆଇନକୁ ସମର୍ଥନ କରିସାରିଛନ୍ତି ।

କମିଟିରେ ସାମିଲ ହେବା ପରେ ସେ କୋର୍ଟଙ୍କୁ ଧନ୍ୟବାଦ ଜଣାଇଥିଲେ । ଏପରିକି ମୁଁ କୃଷକ ଓ ପଞ୍ଜାବ ପ୍ରତି ବିଶ୍ୱସ୍ତ ବୋଲି କହିଥିଲେ । ମୁଁ ଏମାନଙ୍କ ହିତ ପାଇଁ କିଛି ବି କରିପାରେ ଯଦି ଦରକାର ପଡେ ବଡ ପଦବୀ କିମ୍ବା ସମ୍ମାନକୁ ମଧ୍ୟ ପରିତ୍ୟାଗ କରିଦେବି ।

ହେଲେ ପରେ ପଞ୍ଜାବର ଖନ୍ନାରେ ଏକ ପ୍ରେସ୍ କନଫ୍ରେନ୍ସ କରି ଭାରତୀୟ କିସାନ୍ ୟୁନିଅନ୍ ଭୁପିନ୍ଦରଙ୍କୁ ନିଜ ସଙ୍ଗଠନରୁ ଅଲଗା କରିବା ପାଇଁ ଘୋଷଣା କରିଥିଲେ । ଏହା ପୂର୍ବରୁ ସେ ସୁପ୍ରିମକୋର୍ଟ କମିଟିରୁ ଓହରୁଥିବା ନେଇ ପ୍ରକାଶ କରିଛନ୍ତି।

କିଏ ଏହି ଭୁପିନ୍ଦର ସିଂହ ମାନ-

ସୁପ୍ରିମକୋର୍ଟଙ୍କ ପକ୍ଷରୁ କୃଷକ ଓ ସରକାରଙ୍କ ମଧ୍ୟରେ ଥିବା ବିବାଦର ସମାଧାନ ଲାଗି ୪ ସଦସ୍ୟ ବିଶିଷ୍ଟ କମିଟି ଗଠନ କରାଯାଇଥିଲା । ଏହି କମିଟିରେ ଅଲ୍ ଇଣ୍ଡିଆ କିସାନ୍ କୋର୍ଡିନେସନ୍ କମିଟିର ପ୍ରମୁଖ ଓ ପୂର୍ବତନ ରାଜ୍ୟସଭା ସଦସ୍ୟ ଭୁପିନ୍ଦର ସିଂହ ମାନଙ୍କୁ ମଧ୍ୟ ସାମିଲ କରାଯାଇଥିଲା । ତାଙ୍କ ସଙ୍ଗଠନ ଅଧିନରେ ଅନେକ କୃଷକ ସଙ୍ଗଠନ ରହିଛି । ଏଭଳି ସ୍ଥଳେ କୃଷକ ମାନଙ୍କ ଉପରେ ତାଙ୍କର ଭଲ ପ୍ରଭାବ ରହିଛି ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner