ରାଜଧାନୀରେ ହରିଣ ଶୀକାର, ୧୦ ଜଣ ଗିରଫ

1 min read

ଚନ୍ଦକା : ଚନ୍ଦକା ଜଙ୍ଗଲର ଫିରିଙ୍ଗି ନାଲ ଅଞ୍ଚଳରୁ ହରିଣ ଶୀକାର କରିଥିବା ଅଭିଯୋଗରେ ପୁଲିସ ୧୦ ଜଣଙ୍କୁ ଗିରଫ କରିଛି । ପୋଲିସର ନାଇଟ୍ ପେଟ୍ରୋଲିଂ ସମୟରେ ଅଭିଯୁକ୍ତମାନେ ଧରା ପଡ଼ିଥିଲେ । ଅଭିଯୁକ୍ତମାନଙ୍କଠାରୁ ପୋଲିସ ବନ୍ଧୁକ, ଗୁଳି, କଟୁରୀ, ଭୁଜାଲି, ହରୀଣ ମାଂସ ଓ ଚମଡ଼ା ଜବତ ହୋଇଛି । ମିଳିଥିବା ସୂଚନା ଅନୁଯାୟୀ, ଏମାନେ ଅଭ୍ୟାସଗତ ଶୀକାରୀ ଅଟନ୍ତି । ପୂର୍ବରୁ ମଧ୍ୟ ଭିନ୍ନ ଭିନ୍ନ ସମୟର ଶୀକାର ଅଭିଯୋଗରେ ପୋଲିସ ଦ୍ୱାରା ଗିରଫ ହୋଇ ସାରିଛନ୍ତି ।  ପୋଲିସ ଏଥର ଏମାନଙ୍କୁ ଗିରଫ କରିବା ପରେ ପଚରାଉଚରା କରିଥିଲା ।

ପ୍ରାୟ ୪ କିଲୋର ହରିଣ ମାଂସ ବିକ୍ରି କରିଥିବା ଅଭିଯୁକ୍ତମାନେ ସ୍ୱୀକାର କରିଥିଲେ । ନୀରେଇ ଶ୍ରୀଚନ୍ଦନ ଓ ଗଙ୍ଗା ହେମ୍ୱ୍ରମ୍ ମୁଖ୍ୟ ଅଭିଯୁକ୍ତ ବୋଲି ପୋଲିସ ପକ୍ଷରୁ ସୂଚନା ଦିଆଯାଇଛି । ଉଲ୍ଲେଖଯୋଗ୍ୟ ଯେ ରାଜଧାନୀ ଭୁବନେଶ୍ୱରରେ ହରିଣ ଶୀକାର ଏବେ କ୍ରମଶଃ ସକ୍ରିୟ ହେବାରେ ଲାଗିଛି । ପ୍ରତି ବର୍ଷ ନନ୍ଦନକାନନର ୨୦-୩୦ରୁ ହରୀଣକୁ ଚନ୍ଦକା ଜଙ୍ଗଲରେ ଛଡ଼ାଯାଇଥାଏ । ନନ୍ଦକାନନରେ ମୁକ୍ତ ଭାବେ ବୁଲିବା ପାଇଁ ପ୍ରଯ୍ୟାପ୍ତ ସ୍ଥାନ ନଥିବା ହେତୁ ଏଭଳି ହୋଇଥାଏ  । ତେବେ ଏହାର ସୁଯୋଗ ନେଇ ହରିଣ ଶୀକାର ବଢୁଛି  ।

Leave a Reply