କରୋନା ଟିକା ତିଆରିରେ ଆମେରିକାଠାରୁ ଆଗରେ ଭାରତ, ୬ ଦେଶକୁ ଟିକା ରପ୍ତାନି ଆରମ୍ଭ

1 min read

ନୂଆଦିଲ୍ଲୀ: କରୋନାର ସଞ୍ଜୀବନି ତିଆରି କରିବାରେ ଭାରତ ସଫଳ ହୋଇଛି। ଅଧିକରୁ ଅଧିକ ଟିକା ତିଆରି କରିବାରେ ଲାଗିଛି ଭାରତ। ତେବେ ଆଜିଠୁ ବିଦେଶକୁ କୋଭିଡ ଟିକା ରପ୍ତାନୀ କରିବ ଭାରତ। ପ୍ରଥମେ ମାଳଦ୍ୱୀପକୁ ଟିକା ରପ୍ତାନୀ କରାଯିବ। ମାଳଦ୍ୱୀପ ସରକାର ଭାରତ ଦ୍ୱାରା ପ୍ରସ୍ତୁତ ଟିକାର ବ୍ୟବହାର ପାଇଁ ଅନୁମତି ଦେଇଥିବା ଜଣାପଡ଼ିଛି। ଆଜି ଅପରାହ୍ନ ୨ଟାରେ ଏୟାର ଇଣ୍ଡିଆର ସ୍ୱତନ୍ତ୍ର ବିମାନରେ ଟିକା ପଠାଯିବ।

ଅନ୍ୟପଟେ ଭୁଟାନ, ନେପାଳ, ବାଂଲାଦେଶ, ମିଆଁମାରକୁ ମଧ୍ୟ ଭାରତ ଟିକା ଯୋଗାଇଦେବ। ଏହା ସହିତ ବ୍ରାଜିଲ୍ ଓ ଦକ୍ଷିଣଆଫ୍ରିକାକୁ ମଧ୍ୟ ଭାରତ ଟିକା ଦେବ। ଭୁଟାନକୁ ଭାରତ ତରଫରୁ କିଛି ମାତ୍ରାରେ କୋଭିସିଲ୍ଡ ଟିକା ମାଗଣାରେ ଯୋଗାଇଦିଆଯିବ। ଏହା ସହିତ ବାଂଲାଦେଶକୁ ୨ ନିୟୁତ ଡୋଜ୍ ମାଗଣାରେ ଯୋଗାଇଦେବାକୁ ଭାରତ ପ୍ରତିଶୃତି ଦେଇଥିବା ଜଣାପଡିଛି।

Opn Commnet Area

Leave a Reply

Your email address will not be published. Required fields are marked *

Close Bitnami banner