BREAKING NEWS
ଭୁବନେଶ୍ୱର: ରାଜ୍ୟରେ ପୁଣି ଚିହ୍ନଟ ହେଲେ ୯୬ କରୋନା ଆକ୍ରାନ୍ତ । ଚିହ୍ନଟ ସଂକ୍ରମିତଙ୍କ ମଧ୍ୟରେ ଗଞ୍ଜାମର ୬, ଯାଜପୁର ୬, ବାଲେଶ୍ୱର ୪, ଖୋର୍ଦ୍ଧା ୯, ଭଦ୍ରକ ୭, କଟକ ୬ପୁରୀ ୧, କେନ୍ଦ୍ରାପଡ଼ା ୧୦, ବଲାଙ୍ଗୀର ୭, ଜଗତସିଂହପୁର ୬, ନୟାଗଡ଼ ୧ ସଂକ୍ରମିତ ଚିହ୍ନଟସୁନ୍ଦରଗଡ଼ ୭, ଦେବଗଡ଼ ୪, କେନ୍ଦୁଝର ୧, କଳାହାଣ୍ଡି ୫, ଗଜପତି ୧୦, ନୂଆପଡ଼ା ୪, ଢେଙ୍କାନାଳ ୨ ସଂକ୍ରମିତ ଚିହ୍ନଟଆଜି କୋଭିଡ୍‌ ଯୋଦ୍ଧାଙ୍କ ପାଇଁ ଏକ୍‌ ହେବ ଓଡ଼ିଶା । ଏକାଠି ଗାଇବ ବନ୍ଦେ ଉତ୍କଳ ଜନନୀ ସଙ୍ଗୀତ, ମୁଖ୍ୟମନ୍ତ୍ରୀଙ୍କ ଅପିଲକୁ ସବୁ ରାଜନୈତିକ ଦଳଙ୍କ ସମର୍ଥନ… କଳିଙ୍ଗ ଷ୍ଟାଡିୟମରରେ ଏକାଠି ହେବେ ସବୁ ବର୍ଗର ଲୋକ ।ବରଗଡ଼ରେ ବଢୁଛି କରୋନା ଗ୍ରାଫ୍‌….ଆଜି ଆଉ ୬ ନୂଆ ପଜିଟିଭ ଚିହ୍ନଟ, ଜିଲ୍ଲାରେ ୮କୁ ପହଞ୍ଚିଲା ସଂକ୍ରମିତଙ୍କ ସଂଖ୍ୟା, ୫ ଜଣଙ୍କ ରହିଛି ଟ୍ରାଭେଲ ହିଷ୍ଟ୍ରି, ଜଣେ ସ୍ଥାନୀୟ ।କରୋନା ସଂକଟରେ ସରୁନି ପ୍ରବାସୀ ଯନ୍ତ୍ରଣା, ବାଲେଶ୍ୱର ମଙ୍ଗଳପୁର ନିକଟରେ ପ୍ରବାସୀ ବସ୍‌ ଦୁର୍ଘ।ଟଣାଗ୍ରସ୍ତ, ୮ ଜଣ ଆହତ, ମେଡିକାଲ ସ୍ଥାନାନ୍ତର । କେରଳରୁ ପଶ୍ଚିମବଙ୍ଗ ଯାଉଥିଲେ ୪୦ ଜଣ ପ୍ରବାସୀ ।ଭାରତରେ ହୁ ହୁ ହୋଇ ବଢ଼ିଚାଲିଛି କରୋନା ସଂକ୍ରମଣ । ୨୪ ଘଣ୍ଟାରେ ୭ ହଜାର ୯ ଶହ ୬୪ ଆକ୍ରାନ୍ତ ଓ ୨୬୫ ମୃତ, ମୋଟ୍‌ ସଂକ୍ରମିତଙ୍କ ସଂଖ୍ୟା ୧ ଲକ୍ଷ ୭୩ ହଜାର ପାର । ମହାରାଷ୍ଟ୍ରରେ ସର୍ବାଧିକ ଆକ୍ରାନ୍ତ ।ସରକାରର ବର୍ଷ ପୂର୍ତ୍ତିରେ ମୋଦିଙ୍କ ବାର୍ତ୍ତା । ଆତ୍ମନିର୍ଭରଶୀଳ ହେବାକୁ ଦେଶବାସୀଙ୍କୁ ନିବେଦନ, ସେପଟେ ସୋସିଆଲ ମିଡିଆରେ ସରକାରଙ୍କ ଉପଲବ୍ଧି ବଖାଣିବେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ।ରାଜ୍ୟ କ୍ୟାବିନେଟ୍ ଓ ମନ୍ତ୍ରୀ ପରିଷଦ ବୈଠକ । କରୋନା ପ୍ରଭାବିତ ଅର୍ଥନୀତିକୁ ସୁଧାରିବା ଉପରେ ଫୋକସ୍ । ୨୪ଟି ପ୍ରସ୍ତାବ ଆଲୋଚନା ସୂଚନା । ନବୀନ ସରକାରଙ୍କ ପଞ୍ଚମ ପାଳିର ପ୍ରଥମ ବର୍ଷ ପୂର୍ତ୍ତି ଉପଲକ୍ଷେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ସମ୍ଭାବନା ।ଶ୍ରୀମନ୍ଦିରର ସୌନ୍ଦର୍ଯ୍ୟକରଣ କାମ ପୁଣି ଆରମ୍ଭ । ଉପଜିଲ୍ଲାପାଳଙ୍କ ଉପସ୍ଥିତିରେ ଉତ୍ତର ପାର୍ଶ୍ୱ ମଠ ଉଚ୍ଛେଦ ଜାରି । ଏପଟେ ଲିଙ୍ଗରାଜ ମନ୍ଦିରର ବିକାଶ କାମ । ସାମାଜିକ ଦୂରତା ରଖି କାମ କରିବାକୁ ମୁଖ୍ୟମନ୍ତ୍ରୀଙ୍କ ପରାମର୍ଶ ।

ଜାଣିଛନ୍ତି କି କେମିତି ଶବ୍ଦ କରେ କରୋନା ଭାଇରସ୍ ? ଶୁଣନ୍ତୁ କରୋନା ସଂଗୀତ

ନୂଆଦିଲ୍ଲୀ: ଆପଣ ଏପର୍ଯ୍ୟନ୍ତ କରୋନା ଭୂତାଣୁର ଶହ ଶହ ଚିତ୍ର ଦେଖିଥିବେ ନିଶ୍ଚୟ । ବିଭିନ୍ନ ରଙ୍ଗର ବିଭିନ୍ନ ଆକୃତି ଏବଂ ବିଭିନ୍ନ ପ୍ରକାରର ଚିତ୍ର ଆପଣ ସୋସିଆଲ ମିଡିଆ ହେଉ କି ଟେଲିଭିଜିନ ସବୁଥିରେ ଏହାର ଚିତ୍ର ତ ଦେଖିଥିବେ । ଏପରିକି ତାହାର 3D ଚିତ୍ର ମଧ୍ୟ ଆପଣମାନେ ଦେଖି୍ଛନ୍ତି । କିନ୍ତୁ ଆପଣ କରୋନା ଭାଇରସର କେମିତ ଶବ୍ଦ କରେ ତାହା ଜାଣିଛନ୍ତି କି ? ତେବେ ଜାଣି ରଖନ୍ତୁ କରୋନା ଭାଇରସରୁ ଏକ ପ୍ରକାର ଶବ୍ଦ ଉତ୍ପନ୍ନ ହୋଇଥାଏ । ବୈଜ୍ଞାନିକମାନେ କରୋନା ଭୂତାଣୁର ଗଠନରୁ ଉତ୍ପନ୍ନ ଧ୍ୱନିକୁ ସଙ୍ଗୀତରେ ପରିଣତ କରିଛନ୍ତି ।

କରୋନା ଭୂତାଣୁ ଯୋଗୁଁ ଏପର୍ଯ୍ୟନ୍ତ ପ୍ରାୟ ୧୩ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇଛନ୍ତି । ପ୍ରାୟ ୬୯ ହଜାର ଲୋକଙ୍କ ମୃତ୍ୟୁ ମଧ୍ୟ ହୋଇଛି । ସେହି ଭୂତାଣୁର ବାହ୍ୟ ଅଂଶରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ସଂଗୀତ ତିଆରି କରିବା ଏକ ଅଦ୍ଭୁତ ବିଷୟ ।

ଏହି କରୋନା ସଂଗୀତକୁ ମାସାଚ୍ୟୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (MIT)ର ବୈଜ୍ଞାନିକ ମାର୍କସ୍ ଜେ ବୁହୁଲର୍ ପ୍ରସ୍ତୁତ କରିଛନ୍ତି । ଏହି ଭାଇରସର ଯେଉଁ ସଂଗୀତ ଆପଣମାନେ ଶୁଣିବେ ତାହା ଘଣ୍ଟି, ଏବଂ ବଂଶୀ ଶବ୍ଦ ଭଳି । ଏହି ସମସ୍ତ କରୋନାର ବିଭିନ୍ନ ପ୍ରକାରର କଣ୍ଟା ଯୁକ୍ତ ପ୍ରୋଟିନର ଭିନ୍ନ ଭିନ୍ନ ରୂପକୁ ଦର୍ଶାଇଥାନ୍ତି ।

MITବୈଜ୍ଞାନିକମାନେ ସୋନିକେସନ୍ ଟେକ୍ନୋଲୋଜି ଜରିଆରେ କରୋନା ଭୂତାଣୁର ବାହ୍ୟ ସ୍ତରରେ ଉପସ୍ଥିତ ଥିବା କଣ୍ଟା ଯୁକ୍ତ ପ୍ରୋଟିନରୁ ଏହି ସଂଗୀତ ପ୍ରସ୍ତୁତ କରିଛନ୍ତି । ଏହି ସଂଗୀତ ପ୍ରାୟ ଏକ ଘଣ୍ଟା ୪୯ ମିନିଟ୍ ୪୮ ସେକେଣ୍ଡର ।

ଭାଇରସରୁ ସଂଗୀତ କିପରି ବାହାରକୁ ଆସେ ଆସନ୍ତୁ ଜାଣିବା । କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନ୍ ସ୍ତର ଯାହା ଆପଣଙ୍କ କୋଷକୁ ବିଦ୍ଧ ବା ଫୁଟାଇଥାଏ ଏବଂ ଏହା ଆମିନୋ ଏସିଡ୍ ଦ୍ୱାରା ଗଠିତ ହୋଇଥାଏ । କିନ୍ତୁ ଯେତେବେଳେ ଆମେ ବାସ୍ତବରେ ଆମିନୋ ଏସିଡ୍ ଗଠନକୁ ଦେଖିବା, ଏହା ଏକ ହେଲିକ୍ସ ପରି ଦେଖାଯାଏ । ଯାହା ଆମର DNA ର ଆକୃତିର ଗୋଲାକୃତି ଭାବେ ରହିଥାଏ ।

ଯେତେବେଳେ ସେମାନଙ୍କ ମଧ୍ୟରେ କମ୍ପନ ହୋଇଥାଏ, ସେତେବେଳେ ସେମାନଙ୍କଠାରୁ ଏକ ଶବ୍ଦ ବାହାରିଥାଏ ।  ସେଥିପାଇଁ ବୈଜ୍ଞାନିକମାନେ କରୋନା ଭୁତାଣୁର ବାହ୍ୟ କଣ୍ଟା ଯୁକ୍ତ ପ୍ରୋଟିନରୁ ଆମିନୋ ଏସିଡ୍ର ହେଲିକାଲ୍ ଗଠନକୁ ଏକ ଭିନ୍ନ ଭିନ୍ନ ସ୍ଥାନରେ ରଖିଥିଲେ । ଯାହାଫଳରେ ଏହି ସଙ୍ଗୀତ ବାହାରିଥିଲା ।

MITର ବୈଜ୍ଞାନିକମାନେ କହିଛନ୍ତି ଯେ, ଆମିନୋ ଏସିଡର ଗଠନ କେଉଁଠାରେ ଶକ୍ତିଶାଳୀ ଏବଂ ଦୁର୍ବଳ ତାହା ସଙ୍ଗୀତର ଉପର ଏବଂ ନିମ୍ନ ସ୍ଥାନ ଗୁଡିକ ପ୍ରକାଶ କରେ । ଏବଂ କେଉଁ ସ୍ଥାନ ଭୁତାଣୁ କୋଷଗୁଡ଼ିକୁ କାବୁ କରେ ତାହା ବିଷୟରେ ଏହା ସୂଚନା ମଧ୍ୟ ଦେଇଥାଏ ।

ବୈଜ୍ଞାନିକଙ୍କ ଭାଷାରେ, ଭୁତାଣୁ ଗଠନର ଏହି ଉପାୟକୁ ମୋଲିକ୍ୟୁଲାର ମଡେଲିଂ କୁହାଯାଏ । ଏବଂ ପରେ ଆମେ ମଡେଲ ମାଧ୍ୟମରେ ଏହା ଜଣାପାରିବା କି କିପରି ଏହି ଭୁତାଣୁ ଆକ୍ରମଣକୁ ଆମେ ବନ୍ଦ କରିପାରିବା ।

ଯେତେବେଳେ ମାଲିକ୍ୟୁଲାର ମଡେଲର ସୋନିକେସନ୍ ହୁଏ ସେହି ସମୟରେ ହିଁ ଏଥିରୁ ସଂଗୀତ ବାହାରିଥାଏ । MIT ର ବୈଜ୍ଞାନିକମାନେ କରୋନା ମ୍ୟୁଜିକର ସୋନିଫାଏଡ୍ ପ୍ରୋଟିନ୍ କୁ ସେମାନଙ୍କର ବଡ଼ ଡାଟାବେସରେ ଭର୍ତ୍ତି କରିଛନ୍ତି ଯାହା ଫଳରେ ଏହି ପ୍ରୋଟିନ୍ ସହିତ ଡାଟାବେସରେ ଥିବା ଅନ୍ୟ କୌଣସି ପ୍ରୋଟିନ୍ କିପରି ପ୍ରତିକ୍ରିୟା କରେ ତାହା ଜାଣି ହେବ ।

ଡାଟାବେସରେ  ଥିବା ପ୍ରୋଟିନ୍ କରୋନାର ସୋନିକେଟ୍ ପ୍ରୋଟିନ୍ ତଥା ସଂଗୀତ ଯୁକ୍ତ ପ୍ରୋଟିନକୁ ଚାପି ଦେବ । ସେହି ପ୍ରୋଟିନରୁ ଏହି ଭୁତାଣୁ ମାରିବା କିମ୍ବା ଦମନ କରିବା ପାଇଁ ଔଷଧ ତିଆରି କରାଯାଇପାରିବ । ଏହାର ଅର୍ଥ ଭବିଷ୍ୟତରେ ସଂଗୀତ କରୋନାକୁ ଭଲ କରିବାରେ ସକ୍ଷମ ହେବ ।

ଭାଇରସର ସଂଗୀତ ପାଇଁ କେଉଁ ପ୍ରକାରର ବାଦ୍ୟଯନ୍ତ୍ର ବ୍ୟବହାର କରିବା ଏହା ସମ୍ପୂର୍ଣ୍ଣ ଭାବେ ବୈଜ୍ଞାନିକମାନଙ୍କ ଉପରେ ନିର୍ଭର କରେ । ଏହି ଭୂତାଣୁର ସଙ୍ଗୀତରେ ଜାପାନିଜ ସଙ୍ଗୀତ ଯନ୍ତ୍ର କୋତୋ ମୁଖ୍ୟ । ଏବଂ ଏହାର ଶବ୍ଦ ଘଣ୍ଟି, ବାଦ୍ୟ ଏବଂ ବଂଶୀ ଭଳି ଶୁଣାଯିବ  । ତେଣୁ ଏହି ସମୟରେ ଏହି ବାଦ୍ୟ ଯନ୍ତ୍ରକୁ ଶୁଣିବା ହିଁ ଦେହ ପାଇଁ ଲାଭବାନ ହେବ ।

Subscribe to our newsletter
Subscribe to our newsletter
Sign up here to get the latest news, updates and special offers delivered directly to your inbox.

This website uses cookies to improve your experience. We'll assume you're ok with this, but you can opt-out if you wish. Accept Read More