କରୋନା ଟିକା ନେଇ ତେଲେଙ୍ଗାନାରେ ଡ୍ରାଇଭର ମୃତ, ପଞ୍ଜାବରେ ଆଶାକର୍ମୀ ଗୁରୁତର

1 min read
Vaccination Plan For Cop’s Of Twin City

ଚଣ୍ଡିଗଡ/ହାଇଦ୍ରାବାଦ: ଦେଶବ୍ୟାପୀ କରୋନା ଟିକାକରଣ ଅଭିଯାନ ଆରମ୍ଭ ହୋଇଥିବା ବେଳେ ଧିରେଧିରେ ସାଇଡ୍ ଇଫେକ୍ଟ ଖବର ମିଳିବାରେ ଲାଗିଛି ।

ସୂଚନା ଅନୁଯାୟୀ ତେଲେଙ୍ଗାନାରେ ଜଣେ ଆମ୍ବୁଲାନ୍ସ ଡ୍ରାଇଭର କରୋନା ଟିକା ନେବା ପରେ ତାଙ୍କର ମୃତ୍ୟୁ ହୋଇଛି । ସେହିପରି ଟିକା ନେଇ ପଞ୍ଜାବର ଫିରୋଜପୁରରେ ଜଣେ ଆଶା କର୍ମୀଙ୍କର ସ୍ୱାସ୍ଥ୍ୟବସ୍ଥା ଗୁରୁତର ହୋଇଛି । ହେଲେ ଟିକାର ସାଇଡ୍ ଇଫେକ୍ଟ ପାଇଁ ଏଭଳି ଘଟିଥିବା ନେଇ ଡାକ୍ତର ମାନେ ଏଯାବତ୍ ସ୍ପଷ୍ଟ କରିନାହାଁନ୍ତି ।

ଫିରୋଜପୁରର ୩୫ ବର୍ଷୀୟ ଆଶା କର୍ମୀ ବିନ୍ଦିଆ ଟିକା ଡୋଜ୍ ନେବାର ଠିକ୍ ପରେ ସେ ନିଶ୍ୱାସ ପ୍ରଶ୍ୱାସ ନେବାରେ କଷ୍ଟ ଅନୁଭବ କରିଥିଲେ । ପରେ ତାଙ୍କୁ ଫିରୋଜପୁରର ସିଭିଲ୍ ହସ୍ପିଟାଲରେ ଭର୍ତ୍ତି କରାଯାଇଥିଲା ।

ସେହିପରି ତେଲେଙ୍ଗାନାର ନିର୍ମଳ ଜିଲ୍ଲାରେ କରୋନା ଭ୍ୟାକ୍ସିନ୍ ଡୋଜ୍ ନେଇ ଜଣେ ଆମ୍ବୁଲାନ୍ସ ଡ୍ରାଇଭରଙ୍କ ମୃତ୍ୟୁ ଘଟିଛି । ଖବର ଅନୁଯାୟୀ ବିଠଲ୍ ନାମ ଏହି ବ୍ୟକ୍ତି ଜଣକ ଜାନୁଆରି ୧୯ ତାରିଖରେ ଟିକା ନେଇଥିଲେ । ହେଲେ ରାତି ହେବା ବେଳକୁ ସେ ଛାତିରେ ଯନ୍ତ୍ରଣା ଅନୁଭବ କରିଥିଲା ବେଳେ ୨୦ ତାରିଖ ସକାଳେ ତାଙ୍କର ମୃତ୍ୟୁ ଘଟିଥିଲା ।

ତେବେ ଟିକା ନେବା ଯୋଗୁଁ ତାଙ୍କର ମୃତ୍ୟୁ ଘଟିଛି ବୋଲି ପରିବାର ପକ୍ଷରୁ ସନ୍ଦେହ କରାଯାଇଛି । ହେଲେ ପ୍ରାରମ୍ଭିକ ତଦନ୍ତରୁ ଟିକାକରଣ ସହ ଏହାର କୗେଣସି ସମ୍ପର୍କ ନାହିଁ ବୋଲି ଜିଲ୍ଲା ସ୍ୱାସ୍ଥ୍ୟ ଅଧିକାରୀ ମାନେ କହିଛନ୍ତି ।

ଅପରପକ୍ଷରେ ଏନେଇ ଜିଲ୍ଲା ଏଇଏଫଆଇ ସମିତି ଏହାର ଯାଞ୍ଚ କରୁଛି ଏବଂ ତଦନ୍ତ ପରେ ରିପୋର୍ଟ ରାଜ୍ୟ ଏଇଏଫଆଇ ସମିତିକୁ ହସ୍ତାନ୍ତର କରିବ ବୋଲି ରାଜ୍ୟ ସ୍ୱାସ୍ଥ୍ୟ ବିଭାଗ ସୂଚନା ଦେଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner