ଉପରୁ ଖସୁଛି କଳା ଫଥର ଭାଙ୍ଗୁଛି ଘରଦ୍ୱାର, ଅଭିଯୋଗ ପରେ ବି ଶୁଣୁନାହାନ୍ତି ବଡ଼ବଡ଼ିଆ ବାବୁ

1 min read

ଝାରସୁଗୁଡ଼ା: କୋଇଲା ବ୍ଲାଷ୍ଟିଂ ଯୋଗୁଁ ଗାଁ ଲୋକେ ଅନ୍ତସନ୍ତ । କୋଇଲା ଖନନ ପାଇଁ ଗାଁ ପାଲଟିଛି ଭଗ୍ନସ୍ତୁପ । ପ୍ରତିଦିନ ମୃତ୍ୟୁସହ ସଂଗ୍ରାମ କରୁଛନ୍ତି ୮ ପରିବାର । ବଡ଼ ବଡ଼ ବ୍ଲାଷ୍ଟିଂରେ ଥରିଉଠୁଛି ଗାଁ । ଅଭିଯୋଗ ପରେ ଅଭିଯୋଗ ହୋଇଚାଲିଛି । କିନ୍ତୁ ବଡ଼ବଡ଼ିଆଙ୍କ ପାଖରେ ନିରିହ ଲୋକଙ୍କର ଅଭିଯୋଗ ଅଣଦେଖା ହୋଇ ରହିଯାଏ ।  ବିରାଟ ବିରାଟ ପଥର ଖଣ୍ଡ ଉଡ଼ି ଆସି ଘର ଉପରେ ପଡୁଛି ।

ଝାରସୁଗୁଡ଼ା ବେଲପାହାଡ଼ ଚିଙ୍ଗିରୁଗୁଡ଼ା ଗାଁରୁ ନଜର ଆସିଛି ଏଭଳି ଚିତ୍ର । ୪ ମାସ ହେବ ଗାଁର ଟ୍ରାନ୍ସଫରର୍ମର ଖରାଫ ହୋଇ ପଡିଛି । ଫଳରେ ନାଁ ଅଛି ବିଜୁଳି ନାଁ ପିଣିବାକୁ ପାଣି । ଏମସିଏଲ ପକ୍ଷରୁ କିଛି ଲୋକଙ୍କୁ ଥଇଥାନ କରାଯାଇଥିବାବେଳେ ଅନ୍ୟ କେତେକଙ୍କୁ ଥଇଥାନ କରାଯଇନି । ଫଳରେ ତେଜିଛି ତୀବ୍ର ଅସନ୍ତୋଷ ।

ବର୍ଷାରେ ଘର ଭାଙ୍ଗି ଯାଇଥିବାରୁ ଗାଁ ଲୋକେ କ୍ଲବଘରେ ଆଶ୍ରୟ ନେଇଛନ୍ତି । ସେମାନେ କହିଛନ୍ତି ନିଯୁକ୍ତି ଓ ଉପଯୁକ୍ତ କ୍ଷତିପୂରଣ ନମିଳିବା ଯାଏଁ ଭିଟାମାଟି ଛାଡିବେ ନାହିଁ । ସେପଟେ ଉପ ଜିଲ୍ଲାପାଳ କହିଛନ୍ତି ଗାଁ ଲୋକଙ୍କ ପକ୍ଷରୁ କୌଣସି ଅଭିଯୋଗ ଆସିନି । ପ୍ରଶାସନ ସହ ଆଲୋଚନା ପରେ ନିୟମ ମୁତାବକ ସମସ୍ତ ଦାବି ପୂରଣ କରାଯିବ ।ଗ୍ରାମବାସୀ ଗାଁ ଛାଡ଼ିଲା ପରେ ଚିଙ୍ଗରିଗୁଡ଼ା ଗାଁ ମାନଚିତ୍ର ହଜିଯିବେ ଏଥିରେ ତିଳେ ମାତ୍ରେ ସନ୍ଦେହ ନାହିଁ ।

Opn Commnet Area

Leave a Reply

Your email address will not be published. Required fields are marked *

Close Bitnami banner