ମାଟ୍ରିକ୍ ପରୀକ୍ଷାର୍ଥୀଙ୍କ ଲାଗି ବଡ଼ ଖବର, ଫର୍ମ ପୂରଣ ପ୍ରକ୍ରିୟା ସ୍ଥଗିତ

1 min read
BSE Holds Form Fill Up Process For Matric Exam Amid Covid19

କଟକ: ମାଧ୍ୟମିକ ଶିକ୍ଷା ପରିଷଦ ଏକ ଗୁରୁତ୍ୱପୂର୍ଣ୍ଣ ନିର୍ଦ୍ଦେଶନାମା ଜାରି କରିଛି । ପୂର୍ବରୁ ବିଭାଗ ପକ୍ଷରୁ ୨୦୨୧ ମସିହା ବାର୍ଷିକ ହାଇସ୍କୁଲ ପରୀକ୍ଷାର ଫର୍ମ ପୂରଣ ପାଇଁ ବିଜ୍ଞପ୍ତି ଜାରି ହୋଇଥିଲା । ଏବେ ଏହାକୁ ସ୍ଥଗିତ କରାଯାଇଛି । ପରିଷଦ ପକ୍ଷରୁ ପରବର୍ତ୍ତୀ ବିଜ୍ଞପ୍ତି ପ୍ରକାଶ ଯାଏଁ ସ୍ଥଗିତ ରହିବ । ଏନେଇ ପରବର୍ତ୍ତୀ ବିଜ୍ଞପ୍ତି ବିଦ୍ୟାଳୟ ଓ ଗଣଶିକ୍ଷା ବିଭାଗର ପରାମର୍ଶକ୍ରମେ ଜାରି କରାଯିବ ବୋଲି ସୂଚନା ଦିଆଯାଇଛି ।

BSE Holds Form Fill Up Process For Matric Exam Amid Covid19

ପୂର୍ବରୁ ଚଳିତମାସରେ ବିଦ୍ୟାଳୟ ଖୋଲିବା ନେଇ ଗଣଶିକ୍ଷା ବିଭାଗ ପ୍ରସ୍ତୁତି ଆରମ୍ଭ କରିଥିଲେ । ତେବେ, ଆନ୍ଧ୍ରରେ ସ୍କୁଲ ଖୋଲିବା ପରେ ସଂକ୍ରମଣ ଏବଂ ରାଜ୍ୟରେ ଡିସେମ୍ବର ଦ୍ୱିତୀୟ ସପ୍ତାହରେ କରୋନାର ଦ୍ୱିତୀୟ ଲହର ଆସିବାର ଆଶଙ୍କା ଥିବାରୁ ସରକାର ନିଷ୍ପତ୍ତି ବଦଳାଇଥିଲେ । ଡିସେମ୍ବର ଶେଷ ଯାଏଁ ରାଜ୍ୟରେ ସମସ୍ତ ସ୍କୁଲ ବନ୍ଦ ରହିବା ନେଇ ଗତକାଲି ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି ।

BSE Holds Form Fill Up Process For Matric Exam Amid Covid19

ମାଟ୍ରିକ ପରୀକ୍ଷା ନିମନ୍ତେ ପ୍ରତିବର୍ଷ ନଭେମ୍ବର ମାସରୁ ଫର୍ମ ପୂରଣ ପ୍ରକ୍ରିୟା ଆରମ୍ଭ ହୋଇଥାଏ । ଏହାପରେ ପରୀକ୍ଷାର୍ଥୀଙ୍କ ଅନୁସାରେ ପରୀକ୍ଷା କେନ୍ଦ୍ର ଚିହ୍ନଟ କରାଯାଇ ଆଡମିଟ୍ କାର୍ଡ ବଣ୍ଟାଯାଏ । ଏବଂ ମାର୍ଚ୍ଚ ମାସରେ ପ୍ରାୟତଃ ବୋର୍ଡ ପରୀକ୍ଷା ଅନୁଷ୍ଠିତ ହୁଏ । ତେବେ, ଚଳିତବର୍ଷ ମହାମାରୀ କରୋନା ଯୋଗୁଁ ମାର୍ଚ୍ଚରୁ ପାଠପଢ଼ା ବନ୍ଦ ରହିଥିବା ବେଳେ ଛାତ୍ରଛାତ୍ରୀ ଅନଲାଇନରେ ପଢ଼ୁଛନ୍ତି । ପାଠ୍ୟକ୍ରମ ମଧ୍ୟ କମାଇ ଦିଆଯାଇଛି । ଏଭଳି ସ୍ଥଳେ ମାଟ୍ରିକ୍ ପରୀକ୍ଷା ଫର୍ମ ପୂରଣ ପ୍ରକ୍ରିୟା ସ୍ଥଗିତ ହେବା ପରୀକ୍ଷା କେବେ ହେବ ତା’ଉପରେ ପ୍ରଶ୍ନ ଚିହ୍ନ ଲଗାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner