୭ ଲକ୍ଷ ଟଙ୍କାର ବ୍ରାଉନ ସୁଗରଜବତ କଲା STF ଟିମ୍, ହୋଟେଲ ମାଲିକ ସହ କର୍ମଚାରୀ ଗିରଫ
1 min read
କଟକ: ଖୋର୍ଦ୍ଧାରୁ ଆଠଗଡ଼ ଭାୟା କଟକ । ଆଠଗଡ଼ ଅଞ୍ଚଳରୁ ବ୍ରାଉନ୍ସୁଗାର ଜବତ ଘଟଣା । ଖୋର୍ଦ୍ଧାରୁ ଆସୁଥିଲା ଧଳାଜହର । ଅନେକ ଦିନ ଧରି ପୋଲିସର ନାକ ତଳେ ଚାଲିଥିଲା ବୋପାର । ୧୭୫ ଗ୍ରାମ ବ୍ରାଉନସୁଗାର ଜବତ କରାଯିବା ସହ ୨ଜଣଙ୍କୁ ଗିରଫ କରାଯାଇଛି । ଗିରଫ ୨ ବ୍ରାଉନସୁଗାର ବେପାରୀ ପ୍ରଶାନ୍ତ ସାହୁ ଓ ବିକାଶ ସ୍ବାଇଁ ଉପରେ ଥିଲା ଏସ୍ଟିଏଫ୍ର ନଜର ।
ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ୭ ଲକ୍ଷ ଟଙ୍କା ହେବ । ଏହାସହ ୫ହଜାରରୁ ଅଧିକ ଟଙ୍କା ସହ ୨ଟି ମୋବାଇଲ ଜବତ ହୋଇଛି । ପୁରୁଣା କଟକ- ସମ୍ବଲପୁର ରାସ୍ତା ଆଁକୁଲାସ୍ଥିତ ପାରିଜାତ ହୋଟେଲରୁ ବ୍ରାଉନସୁଗାର ଜବତ କରାଯାଇଛି । ଗିରଫ ୨ଜଣ ହେଲେ ହୋଟେଲ ମାଲିକ ଓ କର୍ମଚାରୀ ।
ତେବେ ଏଠି ପ୍ରଶ୍ନ ଉଠୁଛି ଦୀର୍ଘ ଦିନ ହେବ ଆଠଗଡ ଅଞ୍ଚଳରେ ଏହି ଧଳା ଜହର କାରବାର ଖୁଲମଖୁଲ୍ଲା ଚାଲିଥିବା ବେଳେ କେମିତି ଟେର୍ ପାଉନଥିଲା ଆଠଗଡ ପୋଲିସ । ପୋଲିସ ସବୁ ଜାଣି ଏହି ବେପାରୀଙ୍କୁ ପ୍ରଶ୍ରୟ ଦେଉଥିବା ଅଭିଯୋଗ ହୋଇଛି । ଅନ୍ୟପଟେ ଆଠଗଡ଼ ପୋଲିସ ଓ ଏସ୍ଟିଏଫ୍ ଅଧିକାରୀ ଅଧିକ ତଦନ୍ତ କରିବା ସହିତ ଅଭିଯୁକ୍ତଙ୍କୁ ସାମ୍ନା ସାମ୍ନି ଜେରା କରୁଥିବା ଜଣାପଡ଼ିଛି ।
