ଏୟାରପୋର୍ଟର ଟିକେଟ କାଉଣ୍ଟରରେ IED ବ୍ୟାଗ୍

1 min read

ବେଙ୍ଗଳୁରୁ: ମାଙ୍ଗାଲୋର ଏୟାରପୋର୍ଟରୁ ମିଳିଲା ବିସ୍ଫୋରକ । ଏନେଇ ଖବର ପ୍ରସାରିତ ହେବା ପରେ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଥିଲା। ଟର୍ମିନାଲର ବାହାରେ ଆଇଇଡ଼ି (ବିସ୍ଫୋରକ) ମିଳିବାପରେ ଏୟାରପୋର୍ଟରେ ହାଇ ଆର୍ଲଟ ଜାରି କରାଯାଇଛି । ସନ୍ଦିଗ୍ଧ ବ୍ୟାଗ ମିଳିବା ପରେ ଏୟାରପୋର୍ଟର ସମସ୍ତ କର୍ମଚାରୀଙ୍କୁ ସତର୍କ କରି ଦିଆଯାଇଥିଲା । ପ୍ରାରମ୍ଭିକ ପରୀକ୍ଷାରୁ ବ୍ୟାଗରେ IED ବିଷୟରେ ସୂଚନା ମିଳିଥିଲା ।

ପରେ ସିଆଇଏସ୍‌ଏଫ୍‌ ପହଞ୍ଚି ବୋମା ନିଷ୍କ୍ରିୟକାରୀ ଦଳଙ୍କୁ ସୂଚନା ଦେଇଥିଲେ । ଏହାକୁ ନିଷ୍କ୍ରିୟ କରାଯାଇଥିବା ପୋଲିସ କମିଶନର ଏଚ୍‌.ଏସ୍‌. ହର୍ଷ ସୂଚନା ଦେଇଛନ୍ତି । ଟିକଟ କାଉଣ୍ଟର ପାଖରେ ସନ୍ଦିଗ୍ଧ ବ୍ୟାଗ୍‌ ରହିଥିବାରୁ ଏନେଇ ଲୋକେ ଆତଙ୍କିତ ହୋଇ ପଡ଼ିଥିଲେ। ୨ଜଣ ଲୋକ ଅଟୋରେ ଆସି ଏପରି କରିଥିବା କେତେକ କହୁଛନ୍ତି । ତେବେ, ଏନେଇ ସିସିଟିଭି ଫୁଟେଜ୍‌ ଯାଞ୍ଚ୍‌ କରାଯାଉଥିବା ପୋଲିସ କମିଶନର କହିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner