କଙ୍ଗନାଙ୍କ ପୋଷ୍ଟରରେ ଶିବସେନାର ଚପଲ ମାଡ଼: ଅଭିନେତ୍ରୀ କହିଲେ, ‘ଲାଗୁଛି ମୁମ୍ବାଇ ରକ୍ତର ଅଭ୍ୟସ୍ତ ହୋଇଗଲାଣି’

1 min read

ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାର ପ୍ରାରମ୍ଭରୁ ମୁହଁ ଖୋଲିଥିବା ଅଭିନେତ୍ରୀ କଙ୍ଗନା ରନୌତ ବଲିଉଡ ଇଣ୍ଡଷ୍ଟ୍ରୀରେ ନିଜ ଦୁଃସାହସିକ ଅନ୍ଦାଜ ପାଇଁ ପରିଚିତ । ସେ ଦେଶ ଏବଂ ଚଳଚିତ୍ର ଜଗତରେ ଘଟୁଥିବା ପ୍ରାୟ ସମସ୍ତ ଘଟଣା ଉପରେ ନିଜର ମନ୍ତବ୍ୟ ରଖିଥାନ୍ତି । ତେବେ ନିକଟରେ ନିଜର ଏକ ପୋଷ୍ଟକୁ ନେଇ କଙ୍ଗନା ସୋସିଆଲ ମିଡିଆରେ ଖୁବ ଟ୍ରେଲ ହେବାରେ ଲାଗିଛନ୍ତି । ତାଙ୍କର ଗୋଟିଏ ପୋଷ୍ଟରେ ସେ ମୁମ୍ବାଇ କୁ PoK ସହିତ ତୁଳନା କରୁଥିଲେ, ଯାହା ପରେ ଶୁକ୍ରବାର ଦିନ ଶିବସେନା କର୍ମୀ ତାଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିଥିଲେ । ଏହି ପ୍ରଦର୍ଶନ ସମୟରେ କଙ୍ଗନାଙ୍କ ପୋଷ୍ଟରରେ ଚପଲ ମାଡ଼ କରାଯାଇଥିଲା । ଏଥି ସହିତ କଙ୍ଗନା ଏହି ଘଟଣାରେ ନିଜର ପ୍ରତିକ୍ରିୟା ପ୍ରକାଶ କରିଛନ୍ତି ।

କଙ୍ଗନା ରନୌତ ତାଙ୍କ ଟ୍ୱିଟର ଆକାଉଣ୍ଟରେ ଏହି ପୋଷ୍ଟ ସେୟାର କରି ଲେଖିଛନ୍ତି ଯେ, ‘ସୁଶାନ୍ତ ଏବଂ ସାଧୁମାନଙ୍କ ହତ୍ୟା ପରେ ବର୍ତ୍ତମାନ ପ୍ରଶାସନକୁ ନେଇ ମୋର ମତ ପାଇଁ ମୋ ଫଟୋକୁ ଚପଲରେ ମାରିବା, ଲାଗୁଛି, ମୁମ୍ବାଇ ରକ୍ତର ଅଭ୍ୟସ୍ତ ହୋଇଗଲାଣି ।’ କଙ୍ଗନା ମଧ୍ୟ ଏହି ପୋଷ୍ଟ ସହିତ ଏକ ଇମୋଜି ସେୟାର କରିଛନ୍ତି । ତାଙ୍କ ପୋଷ୍ଟ ସହିତ କଙ୍ଗନା ତାଙ୍କ ଭିଡିଓକୁ ରିଟ୍ୱିଟ କରିଛନ୍ତି ଯେଉଁଥିରେ ଶିବସେନା କର୍ମଚାରୀମାନେ ସେମାନଙ୍କ ପୋଷ୍ଟରରେ ଚପଲ ବର୍ଷା କରୁଥିବା ଦେଖିବାକୁ ମିଳିଛି ।

ଉଲ୍ଲେଖନୀୟ କଥା ହେଉଛି, କଙ୍ଗନା ନିକଟରେ ଏକ ଟୁଇଟ୍‌ରେ ପ୍ରଶ୍ନ କରିଛନ୍ତି ଯେ ମୁମ୍ବାଇ ପାକିସ୍ତାନ ଅଧିକୃତ କାଶ୍ମୀର ପରି କାହିଁକି ଦେଖାଯାଉଛି? ସେ ସେପ୍ଟେମ୍ବର ୧ ତାରିଖର ଏକ ସମ୍ବାଦ ରିପୋର୍ଟକୁ ମଧ୍ୟ ଟ୍ୟାଗ୍ କରିଛନ୍ତି ଯେଉଁଥିରେ ସଞ୍ଜୟ ରାଉତ କହିଛନ୍ତି ଯେ ଯଦି ସେ ନଗର ପୋଲିସକୁ ଭୟ କରୁଛନ୍ତି ତେବେ ସେ ମୁମ୍ବାଇକୁ ଫେରିବେ ଉଚିତ ନୁହେଁ ।

କଙ୍ଗନାଙ୍କୁ ମିଳିଥିବା ଧମକ ପରେ ମଧ୍ୟ ସେ ଚୁପ ବସିନଥିଲେ । ସେ ଟ୍ୱିଟ କରି ଲେଖିଛନ୍ତି ଯେ, ‘ମହାରାଷ୍ଟ୍ର କାହା ବାପାର ନୁହେଁ, ମରାରାଷ୍ଟ୍ର ତାର ଯେଉଁମାନେ ମରାଠୀ ଗୌରବକୁ ପ୍ରତିଷ୍ଠିତ କରିଛନ୍ତି । ଆଉ ମୁଁ ଖୁଲମଖୁଲା କହୁଛିୱ ଯେ, ହଁ ମୁଁ ମରାଠା, ମୋର ଯାହା କରିବା କଥା କର ।’

Leave a Reply

Your email address will not be published. Required fields are marked *

Close Bitnami banner