ହୋଲ୍ଡିଂ ଟ୍ୟାକ୍ସ୍ ବୃଦ୍ଧି ଅଭିଯୋଗ : ଚିନ୍ତାରେ ରାଜଧାନୀବାସୀ, ମାମଲା କୋର୍ଟରେ….

1 min read

ଭୁବନେଶ୍ୱର: ଚିନ୍ତାରେ ରାଜଧାନୀବାସୀ  । ଭୁବନେଶ୍ୱର ମହାନଗର ନିଗମ ପକ୍ଷରୁ ଆଦାୟ ହେଉଥିବା ହୋଲ୍ଡିଂ ଟ୍ୟାକ୍ସ ବୃଦ୍ଧି ନେଇ ବଢୁଛି ଚିନ୍ତା । ଇତି ମଧ୍ୟରେ ୧୦ଗୁଣା ବଢିସାରିଛି ହୋଲ୍ଡିଂ ଟ୍ୟାକ୍ସ । ଅଭିଯୋଗ ହେଉଛି ଯେ, ଟ୍ୟାକ୍ସ ଆଦାୟ କ୍ଷେତ୍ରରେ ମୁନିସିପାଲ ଆକ୍ଟକୁ ଖିଲାପ କରୁଛି ବିଏମସି । ଏହାକୁ ନେଇ ହାଇକୋର୍ଟର ଦ୍ବାରସ୍ଥ ହୋଇଛି ଭୁବନେଶ୍ବର ନାଗରିକ ମହାସଂଘ । ହାଇକୋର୍ଟ ଏହା ଉପରେ ରହିତା ଦେଶ ଦେବା ପରେ ମଧ୍ୟ ବିଏମସି ବର୍ଦ୍ଧିତ ମୂଲ୍ୟରେ ହୋଲ୍ଡିଂ ଟ୍ୟାକ୍ସ ଆଦାୟ କରୁଥିବା ଅଭିଯୋଗ ଆଣିଛି ମହାସଂଘ  ।

ସେପଟେ ହୋଲ୍ଡିଂ ଟ୍ୟାକ୍ସରେ କୌଣସି ବୃଦ୍ଧି ପାଇନଥିବା ସ୍ପଷ୍ଟ କରିଛନ୍ତି ବିଏମ୍ସି କମିଶନର । ୧୯୯୭ମସିହାର ବେଞ୍ଚମାର୍କ ଭାଲ୍ୟୁ ଆଧାରରେ ଆଦାୟ ହେଉଥିଲା ହୋଲ୍ଡିଂ ଟ୍ୟାକ୍ସ କଲେକସନ । ଏବେ ୨୦୧୯ ମସିହା ବେଞ୍ଚମାର୍କ ଭାଲ୍ୟୁ ପ୍ରକାରେ ଆଦାୟ ହେଉଛି ଟ୍ୟାକ୍ସ  । ତେବେ ସେଥିରେ ସ୍ଥାବର ସମ୍ପତ୍ତି କର କିମ୍ବା ନିର୍ମାଣ ବାବଦ ମୂଲ୍ୟ ସାମିଲ ହୋଇନାହିଁ । ସ୍ମାର୍ଟ ସିଟିର ବିକାଶ କାର୍ଯ୍ୟ ପାଇଁ ରାଜସ୍ୱ ଆଦାୟ ଜରୁରୀ । ଏହି ମର୍ମରେ ହାଇକୋର୍ଟରେ ନିଜ ପକ୍ଷ ରଖିଛି ବିଏମସି  ଏବଂ ବିଏମ୍ସି ସପକ୍ଷରେ ରାୟ ଆସିବ ବୋଲି ଆଶା ରଖିଛନ୍ତି କର୍ତ୍ତୃପକ୍ଷ ।

Leave a Reply

Your email address will not be published. Required fields are marked *

Close Bitnami banner