ସରକାରୀ ନିର୍ବାହୀଯନ୍ତ୍ରୀଙ୍କୁ ଚପଲରେ ମାରି ବିବାଦରେ ବିଜେପି ବିଧାୟକ

1 min read

ବାରିପଦା: ଉତୁରୁଛନ୍ତି ବିଜେପି ନେତା । ମାନୁ ନାହାନ୍ତି ଅସହିଷ୍ଣୁତାର ବନ୍ଧବାଡ଼ । ଅମାନିଆ ପଣର ଭାଙ୍ଗି ଚାଲିଛନ୍ତି ଗୋଟିଏ ପରେ ଗୋଟିଏ ରେକର୍ଡ । ରାଜଧାନୀରେ ବିଜେପି ମୁଣ୍ଡିଆଳ ରେକର୍ଡ ଭାଙ୍ଗିବା ପରେ ଏବେ ତାଙ୍କୁ ଦେଖି ଅନ୍ୟ ବିଜେପି ନେତା ମାନେ ମଧ୍ୟ ଅମାନିଆ ହେବାରେ ଲାଗିଛନ୍ତି । ଅମାନିଆ ପଣରେ ରେକର୍ଡ କରିଥିଲେ, ଏବେ ଦାଦଗିରି କରୁଛନ୍ତି ବିଜେପି ବିଧାୟକ । ନିଜର ଦବାଦବା ଜାହିର କରିବାକୁ ଯାଇ ନିର୍ବାହୀଯନ୍ତ୍ରୀଙ୍କୁ ଚପଲରେ ମାଡ଼ ମାରିଛନ୍ତି । ଖାଲି ସେତିକି ନୁହେଁ ଅଶ୍ଳୀଳ ଭାଷାରେ ଗାଲିଗୁଲଜ ମଧ୍ୟ କରିଛନ୍ତି । ଲୋକ ପ୍ରତିନିଧିଙ୍କ ଏଭଳି ଆଚରଣ ଏବେ ପଦାରେ ପକାଇଛି । ତେବେ ବାରିପଦା ବିଧାୟକ ପ୍ରକାଶ ସୋରେନଙ୍କ ବିରୋଧରେ ଆସିଛି ଏଭଳି ସାଙ୍ଘାତିକ ଅଭିଯୋଗ । କିନ୍ତୁ ଏଭଳି ଅଭିଯୋଗକୁ ଖଣ୍ଡନ କରିଛନ୍ତି ବିଧାୟକ ପ୍ରକାଶ ସୋରେନ । ତାଙ୍କ କହିବା ଅନୁଯାୟୀ ସେଖାଲି ତାଙ୍କୁ ଗାଳି ଦେଇଛନ୍ତି । ମାଡ଼ ମାରିବା କଥା ହେଉଛି ସମ୍ପୂର୍ଣ୍ଣ ଭିତିହୀନ ।

ଅଭିଯୋଗ ଅନୁଯାୟୀ, ଗତକାଲି ସଂଧ୍ୟାରେ  ଜିଲ୍ଲା ସର୍କିଟ୍ ହାଉସକୁ ନିର୍ବାହୀ ଯନ୍ତ୍ରୀ ଗଣପତି ଜେନାଙ୍କୁ ଡାକିଥିଲେ । ସେଠାରେ ପ୍ରକାଶ ଓ ତାଙ୍କ ସମର୍ଥକ ମାଡ଼ ମାରିଥିବା ଅଭିଯୋଗ ହୋଇଛି । ବିଭାଗୀୟ ବିଲ୍ ପେମେଣ୍ଟ ଏବଂ ନିଜ ସମର୍ଥକଙ୍କୁ ଠିକା କାମ ଦେବାକୁ ଧମକ ଦେବା ସହ ଠିକାଦାର ପ୍ରଶାନ୍ତ ମହାନ୍ତିଙ୍କୁ ନଗଦ ୧୦ ଲକ୍ଷ ଟଙ୍କା ପେମେଣ୍ଟ ଦେବାକୁ ଧମକ ଦେଇଥିଲେ । କିନ୍ତୁ ଏଭଳି ଦାବିକୁ ନମାନିବାରୁ ନିର୍ବାହୀ ଯନ୍ତ୍ରୀଙ୍କୁ ମାଡ଼ ମାରିଥିଲେ ପ୍ରକାଶ । ଖାଲି ସେତିକି ନୁହେଁ ବାରିପଦା ଅ।ଇଟିଡିଏ ର ଠିକାଦାରି କାମକୁ ନେଇ କାହିଁକି ଥାନାରେ ମାମଲା ହେଲା ବୋଲି ପ୍ରଶ୍ନ କରିଥିଲେ ପ୍ରକାଶ । ଏନେଇ ଥାନାରେ ଏତଲା ହୋଇନଥିବା ସୂଚନା ମିଳିଛି । ସେପଟେ ଆହତ ଗଣପତିଙ୍କୁ ରଘୁନାଥ ମୁର୍ମୁ ମେଡିକାଲ କଲେଜରେ ଭର୍ତ୍ତି କରାଯାଇଛି ।

 

Opn Commnet Area

Leave a Reply

Your email address will not be published. Required fields are marked *

Close Bitnami banner