ଦିଶା ବୈଠକରେ ହୋ-ହଲ୍ଲା, ବିଜେପି ନେତ୍ରୀ ହଟ୍ଟହଟା

1 min read

ବାରିପଦା: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଟାକ୍ଷ କରି ହଟ୍ଟହଟା ହେଲେ ବିଜେପି ନେତ୍ରୀ । ବରିପଦାରେ କେନ୍ଦ୍ର ସରକାରଙ୍କ ଏକ ଦିଶା ବୈଠକ ଚାଲିଥିବା ବେଳେ ଜଣେ ଜିଲ୍ଲାପରିଷଦ ଅଧ୍ୟକ୍ଷା କହୁ କହୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କଟାକ୍ଷ କରିଥିଲେ । ଏଥିପାଇଁ ଉକ୍ତ ସଭାରେ ଉତ୍ତେଜନା ପ୍ରକାଶ ପାଇଥିଲା । ସେଠାରେ ଉପସ୍ଥିତ ଅନ୍ୟ ଅତିଥିମାନେ ତାଙ୍କୁ ବିରୋଧ କରିବା ଆରମ୍ଭ କରିଥିଲେ ।

ଖାଲି ସେତିକି ନୁହେଁ ଖୋଦ୍‌ ବିଧାୟକ ପ୍ରଣବ ପ୍ରକାଶ ଦାଶ ମଧ୍ୟ ଏହାକୁ ନିନ୍ଦା କରିଛନ୍ତି । ସେ ନିଜ ଟ୍ୱିଟ୍‌ ଆକାଉଣ୍ଟ ଜରିଆରେ ଜିଲ୍ଳାପରିଷଦ ଅଧ୍ୟକ୍ଷାଙ୍କ ଏଭଳି ଆଚରଣକୁ ନିନ୍ଦା କରିଛନ୍ତି ।

ସୂଚନାଯୋଗ୍ୟ, ଖୋଦ୍‌ ବିଜେଡି ରାଜ୍ୟସଭା ସଂସଦ ମମତା ମହନ୍ତ ସେଠାରେ ଉପସ୍ଥିତ ଥିବା ବେଳେ ଜିଲ୍ଲାପରିଷଦ ଅଧ୍ୟକ୍ଷା ସୁଜାତା ମୁର୍ମୁ ଏଭଳି ବୟାନ୍‌ ଦେଇଥିଲେ । ଏହାକୁ ସାଂସଦ ନିନ୍ଦା କରିଥିଲେ । ସେ ସିଧା ସଳଖ କହିଥିଲେ ଅଧ୍ୟକ୍ଷା ମହାଶୟା ପ୍ରବାଦ ପୁରୁଷ ବିଜୁ ପଟ୍ଟନାୟକ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ତାତ୍ସଲ୍ୟ କରିବା ଭୁଲ । ସେ ଏଭଳି କହିବା ଉଚିତ୍‌ ନଥିଲା । ଏହା କୌଣସି ରାଜନୈତିକ ମଞ୍ଚ ନୁହେଁ ।

ଏହି ବୈଠକରେ ଅନ୍ୟ ବିଜେଡି ନେତା ଓ ଜିଲ୍ଲାପରିଷଦ ସଭ୍ୟ ମଧ୍ୟ ଉପସ୍ଥିତ ଥିଲେ । ସେମାନେ ମଧ୍ୟ ସୁଜାତାଙ୍କ ଏଭଳି ବୟାନକୁ ବିରୋଧ କରିଥିଲେ । ଫଳରେ ଉକ୍ତ ବୈଠକରେ ଉତ୍ତେଜନା ଦେଖାଦେଇଥିଲା, ପରେ ସେଠାରେ ଗଣ୍ଡଗୋଳର ପରିସ୍ଥିତି ମଧ୍ୟ ସୃଷ୍ଟି ହୋଇଥିଲା ।

ଏହି ସମ୍ପୂର୍ଣ୍ଣ ଘଟଣା ସର୍ବସମ୍ମୁଖରେ ହୋଇଥିଲେ ସୁଦ୍ଧା ଅଧ୍ୟକ୍ଷା ମହାଶୟା ଏହାକୁ ସ୍ୱୀକାର କରିବାକୁ ଅରାଜି । ସେ କହଉଛନ୍ତି ଏଭଳି କୌଣସି ଘଟଣା ଘଟିନାହିଁ । ସେପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସ୍ୱର୍ଗତ ବିଜୁ ପଟ୍ଟନାୟକଙ୍କୁ ସୁଜାତା କ୍ଷମା ପ୍ରାର୍ଥନା କରିନ୍ତୁ ବୋଲି ଦାବି କରିଛି ସ୍ଥାନୀୟ ବିଜେଡି ସଂଗଠନ । ଗେଟ୍‌ ସମ୍ମୁଖ୍ୟରେ ଧାରଣା ବସିଛନ୍ତି ଦଳୀୟ କର୍ମୀ ।

Opn Commnet Area

Leave a Reply

Your email address will not be published. Required fields are marked *

Close Bitnami banner