ଦେଶର ପ୍ରଥମ ୮ଟି ଖେଲୋ ଇଣ୍ଡିଆ ଷ୍ଟେଟ୍ ସେଣ୍ଟର ଅଫ୍ ଏକ୍ସଲେନ୍ସ ମଧ୍ୟରେ କଳିଙ୍ଗ ଷ୍ଟାଡିୟମ
ଭୁବନେଶ୍ୱର: ଭୁବନେଶ୍ୱରର କଳିଙ୍ଗ ଷ୍ଟାଡିୟମକୁ ଦେଶର ପ୍ରଥମ ୮ଟି ଖେଲୋ ଇଣ୍ଡିଆ ଷ୍ଟେଟ୍ ସେଣ୍ଟର ଅଫ୍ ଏକ୍ସଲେନ୍ସ ମଧ୍ୟରେ ସ୍ଥାନୀତ କରାଯାଇଛି । ଏହା ଭାରତୀୟ କ୍ରୀଡ଼ା ପ୍ରାଧିକରଣର ଫ୍ଲାଗସିପ୍ ପ୍ରତିଭା ଚିହ୍ନଟ ଏବଂ ପୋଷଣ କାର୍ଯ୍ୟକ୍ରମ ଖେଲୋ ଇଣ୍ଡିଆର ଅନ୍ତର୍ଭୁକ୍ତ ହୋଇଛି । ଭିତ୍ତିଭୂମି ନବୀକରଣ, କ୍ରୀଡ଼ା ବିଜ୍ଞାନ କେନ୍ଦ୍ର ପ୍ରତିଷ୍ଠା ଏବଂ ଗୁଣାତ୍ମକ ପ୍ରଶିକ୍ଷଣ ସାଙ୍ଗକୁ ଫିଜିଓ ଥେରାପିଷ୍ଟ, କ୍ରୀଡ଼ା ବିଶେଷଜ୍ଞ ନିଯୁକ୍ତ ହେବେ ।
ଖେଳାଳିମାନଙ୍କୁ ଉଚ୍ଚମାନର ଉପକରଣ ମଧ୍ୟ ଯୋଗାଇ ଦିଆଯିବ । ଏହାର ସୁପରିଚାଳନା ନିଶ୍ଚିତ କରିବାକୁ ଏକାଡେମୀରେ ଉଚ୍ଚ କାର୍ଯ୍ୟଦକ୍ଷତା ସଂପନ୍ନ ପରିଚାଳକ ମଧ୍ୟ ରହିବେ । ୪ ବର୍ଷ ମଧ୍ୟରେ ମୋଟ ବଜେଟ୍ ୧୨.୦୨ କୋଟି ଟଙ୍କା ବ୍ୟୟରେ କଳିଙ୍ଗ ଷ୍ଟାଡିୟମକୁ ନବୀକରଣ କରାଯିବ ।
କ୍ରୀଡ଼ା ମନ୍ତ୍ରଣାଳୟ ପ୍ରତ୍ୟେକ ରାଜ୍ୟ ଏବଂ କେନ୍ଦ୍ରଶାସିତ ଅଂଚଳରେ କ୍ରୀଡା ଭିତ୍ତିଭୂମିକୁ ନବୀକରଣ କରୁଛି, ରାଜ୍ୟର ସହଭାଗିତାରେ ଏବଂ ସମଗ୍ର ଦେଶରେ ଏକ ଦୃଢ଼ କ୍ରୀଡ଼ା ଇକୋସିଷ୍ଟମ୍ ସୃଷ୍ଟି କରିବା ଲକ୍ଷ୍ୟରେ କେଆଇଏସସିଇ ଗଠନ କରୁଛି । ପ୍ରଥମ ପାଦରେ ଓଡ଼ିଶାର ଭୁବନେଶ୍ୱରରେ ଥିବା ୮ଟି କେଆଇଏସସିଇ ଚିହ୍ନଟ କରାଯାଇଛି । ଅନ୍ୟ କେଆଇଏସସିଇଗୁଡିକ ମିଜୋରାମ, ତେଲେଙ୍ଗାନା, ମଣିପୁର, ନାଗାଲାଣ୍ଡ, ଅରୁଣାଚଳ ପ୍ରଦେଶ, କର୍ଣ୍ଣାଟକ ଏବଂ କେରଳରେ ପ୍ରତିଷ୍ଠା କରାଯିବ ।
