କୁମ୍ଭୀର ଗଣନା ପାଇଁ ନୂଆବର୍ଷରେ ବନ୍ଦ ରହିବ ଭିତରକନିକା

ରାଜନଗର : ପର୍ଯ୍ୟଟକ ମାନଙ୍କ ପାଇଁ ବନ୍ଦ ରହିବ ଜାତୀୟ ଉଦ୍ୟାନ ଭିତରକନିକା । ଡିସେମ୍ୱର ୨୬ରୁ ଜାନୁଆରୀ ୪ ତାରିଖ ପର୍ଯ୍ୟନ୍ତ ଭିତର କନିକା ବନ୍ଦ ରହିବ ବୋଲି ସୂଚନା ଦେଇଛନ୍ତି କର୍ତ୍ତୃପକ୍ଷ ।


କୁମ୍ଭୀର ଗଣନା ପାଇଁ ଭିତରକନିକା ବନ୍ଦ ରହିବ ବୋଲି ସୂଚନା ଦେଇଛନ୍ତି ରାଜନଗର ବନଖଣ୍ଡ ଅଧିକାରୀ ବିକାଶ ରଂଜନ ଦାସ । ଡିସେମ୍ୱର ଶେଷ ସପ୍ତାହ ବେଳକୁ ଅଧିକ ବଉଳା କୁମ୍ଭୀର ଉପରକୁ ଆସନ୍ତି ।

ପର୍ଯ୍ୟଟକଙ୍କ ସମାଗମ ହେଲେ କୁମ୍ଭୀର ଗଣନାରେ ସମସ୍ୟା ସୃଷ୍ଟି ହେବ । ଯନ୍ତ୍ର ଚାଳିତ ବୋଟ୍ ଯୋଗୁଁ ଗଣନା କାର୍ଯ୍ୟରେ ବାଧା ସୃଷ୍ଟି ହୋଇପାରେ ବୋଲି ବନ ବିଭାଗ ପକ୍ଷରୁ ଉଦ୍ୟାନ ବନ୍ଦ ପାଇଁ ନିଷ୍ପତ୍ତି ନିଆଯାଇଥିବା ସୂଚନା ଦିଆଯାଇଛି ।

Leave a Reply