କରୋନା ବୋଝ ଉପରେ ନଳିତା ବିଡ଼ା, ବ୍ୟାଙ୍କ ଉଠା ଦୋକାନୀଙ୍କୁ ୠଣ ଦେଉନଥିବା ଅଭିଯୋଗ

ସମ୍ବଲପୁର: ସହଜ ଜୀବନ ହୋଇପଡିଛି ଅସହଜ । ମହାମାରୀ ପାଇଁ ରାସ୍ତା କଡ଼ରେ ବିଭିନ୍ନ ସାମଗ୍ରୀ ବିକ୍ରି କରି ଜୀବିକା ନିର୍ବାହ କରୁଥିବା ଉଠା ଦୋକାନୀଙ୍କ ବ୍ୟବସାୟ ଠପ ହୋଇଯାଇଛି । ଉଠା ଦୋକାନୀଙ୍କ ସହାୟତା ପାଇଁ କେନ୍ଦ୍ର ସରକାର ରିହାତି ଦରରେ ୠଣ ବ୍ୟବସ୍ଥା ନେଇ ଘୋଷଣା କରିଛନ୍ତି । ହେଲେ ସମ୍ବଲପୁରରେ ଥିବା ଅଧିକାଂଶ  ବ୍ୟାଙ୍କ ଉଠା ଦୋକାନୀଙ୍କୁ ୠଣ ଦେଉନଥିବା ଅଭିଯୋଗ ହୋଇଛି ।

ଅସହ୍ୟ ହୋଇପଡିଲାଣି ବଞ୍ଚିବା । ଜୀବିକା ବଞ୍ଚାଇବାକୁ ଚାଲିଛି ରିତିମତ ସଂଘର୍ଷ । ବ୍ୟବସାୟ ଠପ୍ ପରେ ପରିବାର ପ୍ରତିପୋଷଣ ନେଇ ଚିନ୍ତାରେ ବ୍ୟବସାୟୀ । ରାସ୍ତା କଡ଼ରେ ଦୋକାନ କରି ପରିବାର ପୋଷଣ କରୁଥିବା ଉଠା ଦୋକାନୀଙ୍କ ବ୍ୟବସାୟରେ ଗତ କିଛି ମାସ ହେବ ବ୍ୟବସାୟରେ ପଡିଛି ତାଲା । ଉଠା ଦୋକାନୀଙ୍କ ସହାୟତା ପାଇଁ କେନ୍ଦ୍ର ସରକାର ରିହାତି ଦରରେ ୠଣ ବ୍ୟବସ୍ଥା ନେଇ ଘୋଷଣା  କରିଥିଲେ । ହେଲେ ସମ୍ବଲପୁରରେ ଥିବା ୧୮ ଟି ମୁଖ୍ୟ ବ୍ୟାଙ୍କ ମଧ୍ୟରୁ ମାତ୍ର ୧୪ଟି ବ୍ୟାଙ୍କ ଉଠା ଦୋକାନୀଙ୍କୁ ୠଣ ଦେଉନଥିବା ଅଭିଯୋଗ ହୋଇଛି ।

ସମ୍ବଲପୁର ମହାନଗର ନିଗମ ଅଞ୍ଚଳରେ ୩୮ ଶହ ପଞ୍ଜୀକୃତ ଉଠା ଦୋକାନୀ ରହିଥିବା ବେଳେ ସେମାନଙ୍କ ମଧ୍ୟରୁ ମାତ୍ର ଚାରି ଶହ ୨୦ ଜଣଙ୍କୁ ରିହାତି ୠଣ ମିଲିପାରିଛି । ଅନ୍ୟମାନେ ବ୍ୟାଙ୍କ ଗୁଡ଼ିକୁ ଦଉଡ଼ି ହଇରାଣ ହେଉଛନ୍ତି । ତେବେ ଏନେଇ ବ୍ୟାଙ୍କ ଅଧିକାରୀଙ୍କୁ ଡ଼ାକି ଆଲୋଚନା କରିବା ପାଇଁ ସମ୍ବଲପୁର ମହାନଗର କମିଶନର କହିଛନ୍ତି । ସରକାରଙ୍କ ପକ୍ଷରୁ ଘୋଷଣା କରାଯିବା ସତ୍ୱେ ବ୍ୟାଙ୍କ ଗୁଡ଼ିକ ଅସହଯୋଗ କରିବା ନିଶ୍ଚିତ ଭାବେ ଚିନ୍ତାର ବିଷୟ ।

 

Leave a Reply