କଙ୍ଗନାଙ୍କ ବିରୋଧରେ ବାନ୍ଦ୍ରା ଥାନାରେ FIR, ଧର୍ମନିରପେକ୍ଷ ମାହୋଲ ବିଗାଡିବା ନେଇ ହୋଇଛି ଅଭିଯୋଗ
ପୁଣି ଫସିଲେ କଙ୍ଗନା ରାଣାୱତ । ଧର୍ମନିରପେକ୍ଷ ମାହୋଲ ବିଗାଡିବା ପାଇଁ ଅପଚେଷ୍ଟା କରୁଥିବାରୁ ତାଙ୍କ ବିରୋଧରେ ରୁଜୁ ହେଲା ମାମଲା । ଏନେଇ ମହାରାଷ୍ଟ୍ରର ବାନ୍ଦ୍ରା କୋର୍ଟ ପୋଲିସକୁ ନିର୍ଦ୍ଦେଶ ଦେଇଛନ୍ତି । ଅଯଥା ଟୁଇଟ କରି ସେ ମାହୋଲକୁ ବିଗାଡିବା ପାଇଁ ଚେଷ୍ଟା କରୁଛନ୍ତି ବୋଲି ଅଭିଯୋଗ ହୋଇଛି । ଏଥିସହ ସେ ବଲିଉଡକୁ ମଧ୍ୟ ଟାର୍ଗେଟ କରୁଛନ୍ତି । ଯାହାକୁ ନାପସନ୍ଦ କରିଛନ୍ତି ବଲିଉଡ କଳାକାର ।
ବିବାଦ କଙ୍ଗନାଙ୍କ ପିଛା ଛାଡୁନି । ପଛକୁ ପଛ ବିବାଦ ଆସି ଅଭିନେତ୍ରୀ କଙ୍ଗନା ରାଣାୱତ ଆଇନକାନୁନର ଫନ୍ଦି ଭିତରେ ଫସେଇ ଦେଉଛନ୍ତି । ଏଥର କିନ୍ତୁ ଆସିଛି ସାଂଘାତିକ ଅଭିଯୋଗ । କଙ୍ଗନା ଦେଶର ଧର୍ମନିରପେକ୍ଷ ମାହୋଲକୁ ଉସକେଇଲା ଭଳି ଟୁଇଟ କରିଛନ୍ତି । ଏଭଳି ଅଭିଯୋଗକୁ ମହାରାଷ୍ଟ୍ରର ବାନ୍ଦ୍ରା କୋର୍ଟ ଗୁରୁତର ସହ ନେଇଛନ୍ତି । କଙ୍ଗନାଙ୍କ ବିରୋଧରେ ମାମଲା ରୁଜୁ କରିବାକୁ କୋର୍ଟ ପୋଲିସକୁ ନିର୍ଦ୍ଦେଶ ଦେଇଥିଲା ।
ବଲିଉଡର କାଷ୍ଟିଂ ଡାଇରେକ୍ଟର ସାହିଲ ଅସରଫ ପୂର୍ବରୁ ବାନ୍ଦ୍ରା ପୋଲିସ ଷ୍ଟେସନକୁ ମାମଲା ରୁଜୁ କରିବା ପାଇଁ ଯାଇଥିବା ପୋଲିସ ତାଙ୍କ ଅଭିଯୋଗ ରଖିନଥିଲା । ଯାହାକୁ ନେଇ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ଅସରଫ । ଅଭିଯୋଗ ଅନୁସାରେ କଙ୍ଗନା ବଲିଉଡକୁ ବଦନାମ କରିବାକୁ ଚେଷ୍ଟା କରୁଛନ୍ତି । ହିନ୍ଦୁ ଓ ମୁସଲିମ କଳାକାରଙ୍କ ଭିତରେ ଫାଟ ସୃଷ୍ଟି କରିବା ପାଇଁ କଙ୍ଗନା ଗୋଟିଏ ପରେ ଗୋଟିଏ ଟୁଇଟ କରୁଛନ୍ତି । ଯାହାକୁ ନାପସନ୍ଦ କରିଛନ୍ତି ବଲିଉଡ କଳାକାର ।
ଶୁଣାଣି ବେଳେ କଙ୍ଗନା କରିଥିବା କିଛି ଟୁଇଟକୁ ଆବେଦନକାରୀ କୋର୍ଟରେ ଉପସ୍ଥାପନ କରିଥିଲେ । ସିଆରପିସି ଧାରା ୨୯୫ (ଏ) ୧୨୪ (ଏ) ଅନୁସାରେ କଙ୍ଗନାଙ୍କ ଉପରେ ମାମଲା ରୁଜୁ ହୋଇଛି । ଏଥିସହ ତାଙ୍କୁ ଖୁବଶୀଘ୍ର ପଚରାଉଚରା ମଧ୍ୟ କରାଯିବ । ତାଙ୍କ ବିରୋଧରେ କୌଣସି ପ୍ରମାଣ ମିଳିଲେ କଙ୍ଗନା ଗିରଫ ହୋଇପାରନ୍ତି ବୋଲି ଚର୍ଚ୍ଚା ହେଉଛି ।
