ପୂର୍ବ ଶତ୍ରୁତାକୁ ନେଇ ବିଚ୍ ରାସ୍ତାରେ ଗୋଡ଼େ ଗୋଡ଼େଇ ହାଣିଲେ
ଭୁବନେଶ୍ୱର: ରାଜଧାନୀରେ ବିଚ୍ ରାସ୍ତାରେ ଗୋଡାଇ ହାଣିଲେ । ରାଜଧାନୀର ଛାତି ଉପରେ ହୋଇଛି ଆକ୍ରମଣ । ଲକ୍ଡାଉନ ଭିତରେ ପୋଲିସର କଡ଼ା ଚେକିଂ ଭିତରେ ହୋଇଛି ଆକ୍ରଣ । ବାପୁଜୀ ନଗରରର ପି ନରସିଂହଙ୍କୁ ସଂଘବଦ୍ଧ ଭାବେ ଅକ୍ରମଣ କରାଯାଇଛି । ତେବେ ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଳି ହୋଇଥିବା ସୂଚନା ମିଳିଛି । ସବୁଠାରୁ ବଡ଼ କଥା ହେଉଛି ଥାନାଠାରୁ ମାତ୍ର ୧୦୦ ମିଟର ଦୁରରେ ଏଭଳି ଘଟଣା ଘଟିଛି ।
ଦିନ ଦିପହରରେ ବିଚ୍ ରାସ୍ତାରେ ଏଭଳି ଆକ୍ରମଣ ହୋଇଛି । ୧୨ଟାରୁ ୧୨ ଟା୩୦ ମିନିଟ ସମୟରେ ଏଭଳି ଘଟଣା ଘଟିଛି। ଆକ୍ରମଣ କାରି ଘଟଣା ସ୍ଥଳରୁ ଫେରାର ହୋଇଯାଇଛନ୍ତି । ଛାତି ହାତ ପିଠି ଉପରୁ ସାଂଘାତିକ ଭାବେ ଆକ୍ରମଣ କରାଯାଇଛି । ସୋଇଥିବା ବେଳେ ହୋଇଛି ଆକ୍ରମଣ । ଗୁରୁତର ଅବସ୍ଥାରେ ପି ନରସିଂହଙ୍କୁ ହସପିଟାଲ ଭର୍ତ୍ତି କରାଯାଇଛି । ଘଟଣା ସ୍ଥଳରେ କ୍ୟାପିଟାଲ ଥାନା ପୋଲିସ ପହଞ୍ଚି ତଦନ୍ଦ ଆରମ୍ଭ କରିଛି ।
ସୂଚନା ଅନୁଯାୟୀ, ଦୁଇ ଗୋଷ୍ଠୀଙ୍କ ମଧ୍ୟ ଆଜି ସକାଳୁ କୌଣସି କାରଣ ନେଇ ଗଣ୍ଡୋଗଳ ହୋଇଥିଲା । ମଦ ପିଇଲା ପରେ ହୋଇଥିଲା ଏଭଳି କାଣ୍ଡ । ତେବେ ଗଣ୍ଡୋଗଳ ପରେ ଅପର ପକ୍ଷ ଖଣ୍ଡା ଭୁଜାଲି ଧରି ପି ନରସିଂହଙ୍କ ଉପରକୁ ଆକ୍ରଣ କରିଥିଲେ । ଆକ୍ରମଣ ପରେ ଅଚେତ ହୋଇପଡ଼ିଲେ ପି ନରସିଂହ । ପି ନରସିଂହଙ୍କୁ ଉଦ୍ଧାର କରାଯାଇ ଡାକ୍ତରଖାନାକୁ ପଠାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
