Corona News: ରାଜ୍ୟରେ ୮୭ ହଜାର ଟପିଲା କରୋନା ସୁସ୍ଥତା, ଆଜି ସୁସ୍ଥ ହେଲେ ୩, ୨୭୮ ଆକ୍ରାନ୍ତ

1 min read
Another 3382 Covid patients have recovered

ଭୁବନେଶ୍ୱର: ସଂକ୍ରମଣ ସହ ସଂଘର୍ଷ । ହାରୁଛି କରୋନା, ଜିତୁଛି ଓଡ଼ିଶା । ଗତ ୨୪ ଘଣ୍ଟାରେ ରାଜ୍ୟରେ ୩ ହଜାର ୩୬୧ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୩ ହଜାର ୨୭୮ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି । ଏନେଇ ସୂଚନା ଦେଇଛି ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ । ୩, ୨୭୮ ଆକ୍ରାନ୍ତ ସୁସ୍ଥ ହେବା ସହ ରାଜ୍ୟରେ ମୋଟ ୮୭ ହଜାର ୩୫୧ ଜଣ କରୋନାରୁ ଏଯାବତ୍ ସୁସ୍ଥ ହୋଇ ସାରିଲେଣି ।

ଖୋର୍ଦ୍ଧାରୁ ସର୍ବାଧିକ ୫୧୧ ଜଣ ସୁସ୍ଥ ହୋଇଥିବା ବେଳେ ଗଞ୍ଜାମରୁ ୩୬୮, କଟକରି ୨୩୦, ଯାଜପୁରରୁ ୧୯୫, ରାୟଗଡ଼ାରୁ ୧୮୭, ବରଗଡ଼ରୁ ୧୮୫, ବାଲେଶ୍ୱରରୁ ୧୨୪, ପୁରୀରୁ ୧୨୨, ନୟାଗଡ଼ ୧୨୧, ମାଲକାନଗିରି ୧୧୭, ମୟୂରଭଞ୍ଜ ୧୧୭, କୋରାପୁଟ ୧୦୭, ସୁନ୍ଦରଗଡ଼ ୧୦୪, ଭଦ୍ରକ ୯୮, ଝାରସୁଗୁଡ଼ା ୮୯, କନ୍ଧମାଳ ୮୮, ଜଗତସିଂହପୁର ୭୭, କେନ୍ଦୁଝର ୬୯, ସମ୍ବଲପୁର ୬୭, ଢେଙ୍କାନାଳ ୬୬, ନବରଙ୍ଗପୁର ୪୭, ଗଜପତି ୪୩, କେନ୍ଦ୍ରାପଡ଼ା ୩୫, ନୂଆପଡ଼ା ୨୫, ବଲାଙ୍ଗିର ୨୪, କଳାହାଣ୍ଡି ୨୪, ସୋନପୁର ୨୩, ବୌଦ୍ଧ ୮, ଦେବଗଡ଼ ୫ ଓ ଅନୁଗୁଳରୁ ୨ ଜଣ ଆରୋଗ୍ୟ ହୋଇଛନ୍ତି ।

ରାଜ୍ୟରେ ଏଯାବତ୍ ୧ ଲକ୍ଷ ୧୩ ହଜାର ୪୧୧ ଜଣ କରୋନା ସଂକ୍ରମିତ ହୋଇଛନ୍ତି । ସେଥିମଧ୍ୟରୁ ୫୨୨ ଜଣଙ୍କ ମୃତ୍ୟୁ ହୋଇଥିବା ବେଳେ ୮୭ ହଜାର ୩୫୧ ଜଣ ଆକ୍ରାନ୍ତ ସୁସ୍ଥ ହୋଇ ସାରିଛନ୍ତି । ଏବେ ରାଜ୍ୟର ବିଭିନ୍ନ ଜିଲ୍ଲାରେ ୨୫ ହଜାର ୪୮୫ ଜଣ କରୋନା ସଂକ୍ରମିତ ରହିଛନ୍ତି ।

Leave a Reply

Your email address will not be published. Required fields are marked *

Close Bitnami banner