India-China Border Issue : ଭାରତ ସପକ୍ଷରେ ଆସିଲେ ଟ୍ରମ୍ପ୍-ପରିସ୍ଥିତି ଗମ୍ଭୀର,ଆମେ ସାହାଯ୍ୟ କରିବାକୁ ପ୍ରସ୍ତୁତ

1 min read

ଓ୍ୱାଶିଂଟନ୍: ଭାରତ ସୀମା ମଧ୍ୟକୁ ଚୀନ ଅନୁପ୍ରବେଶ କରିବାକୁ ବାରମ୍ବାର ଉଦ୍ୟମ କରୁଛି । ଗତ ୪ ମାସ ହେବ ଏହାକୁ ନେଇ ଚାଲିଥିବା ବିବାଦ ଦିନକୁ ଦିନ ବଢିବାରେ ଲାଗିଛି । ଅନ୍ୟପକ୍ଷରେ ଲଦାଖର ପେଙ୍ଗୋଙ୍ଗ ହ୍ରଦର ଦକ୍ଷିଣ ତଟରେ ଚୀନ ଟ୍ୟାଙ୍କ ଓ ସୈନିକଙ୍କ ସଂଖ୍ୟା ବଢାଇବାରେ ଲାଗିଛି । ଏଭଳି ପରିସ୍ଥିତିରେ ଭାରତ ମଧ୍ୟ ଚୀନର ପ୍ରତ୍ୟେକଟି ଗତିବିଧି ଉପରେ କଡ଼ା ନଜର ରଖିଛି । କିନ୍ତୁ ଚୀନର ଏହି କାର୍ଯ୍ୟକଳାପକୁ ନେଇ ଚିନ୍ତାରେ ଆମେରିକା । ଆମେରିକା ଦୁଇ ଦେଶ ମଧ୍ୟରେ ଚାଲିଥିବା ବିବାଦ ମଧ୍ୟରେ ଭାରତକୁ ସହାୟତା କରିବା ପାଇଁ ପ୍ରସ୍ତୁତ ।

ଭାରତ ଓ ଚୀନ ସୀମାକୁ ନେଇ ଚିନ୍ତା ବଢିଥିବା ବେଳେ ସ୍ଥିତି ଅଧିକ ଗମ୍ଭୀର ହେବାରେ ଲାଗିଛି । ତେବେ ଉକ୍ତ ସମସ୍ୟାରେ ସମ୍ପୃକ୍ତ ହୋଇ ସମସ୍ୟାକୁ ସମାଧାନ କରିବାକୁ ପ୍ରସ୍ତୁତ ଥିବା କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । କେବଳ ସେତିକି ନୁହେଁ ଘଟଣା ବାବଦରେ ଦୁଇ ଦେଶ ସହିତ ଟ୍ରମ୍ପ ଆଲୋଚନା କରୁଥିବା କଥା ହ୍ୱାଇଟ ହାଊସରେ ଆୟୋଜିତ ଏକ ପ୍ରେସ କନଫରେନ୍ସରେ କହିଛନ୍ତି ।

ସୂଚନା ଅନୁଯାୟୀ ହ୍ୱାଇଟ ହାଉସରେ ଆୟୋଜିତ ହୋଇଥିବା ପ୍ରେସ କନଫରେନ୍ସରେ ଜଣେ ଗଣମାଧ୍ୟମ ପ୍ରତିନିଧି ଡୋନାଲ୍ଡ ଟ୍ରମ୍ପଙ୍କୁ ପଚାରିଲେ କି, ଚୀନ କ’ଣ ଭାରତକୁ ଧମକାଉଛି? ଏହାର ଜବାବରେ ରାଷ୍ଟ୍ରପତି କହିଲେଯେ, ମୁଁ ଆଶା କରୁଛି ଏଭଳି ହୋଇ ନଥାଉ । କିନ୍ତୁ ଚୀନ ନିହାତି ଭାବରେ ଏହି ଦିଗରେ ଆଗକୁ ବଢୁଛି । ଖୁବ ଦୃଢତାର ସହିତ ଚୀନ ଆଗକୁ ବଢୁଥିବା ଘଟଣା ସମସ୍ତଙ୍କୁ ନଜରକୁ ଆସିଛି ।

Leave a Reply

Your email address will not be published. Required fields are marked *

Close Bitnami banner