ଖଣ୍ଡାରେ ଆକ୍ରମଣ କରି ୪ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ

1 min read

ଉମରକୋଟ: ନବରଙ୍ଗପୁର ଜିଲ୍ଲା ଉମରକୋଟରେ ବ୍ୟବସାୟୀଙ୍କୁ ହାଣି ୪ ଲକ୍ଷ ଟଙ୍କା ଲୁଟ୍ ଅଭିଯୋଗ । ଚଚାଗାଁର ମକା ବ୍ୟବସାୟୀ ରାଜେନ୍ଦ୍ର ସିଂ ଯାଦବଙ୍କଠାରୁ ୪ଲକ୍ଷ ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ । ଝରିଗାଁ କଙ୍ଗୋରା ହାଟକୁ ଯିବା ସମୟରେ ଚକଲାପଦର ନିକଟରେ ବ୍ୟବସାୟୀ ରାଜେନ୍ଦ୍ର ସିଂ ଯାଦବଙ୍କୁ ଖଣ୍ଡାରେ ଆକ୍ରମଣ କରି ୩ ଜଣ ଦୁର୍ବୃତ୍ତ ୪ଲକ୍ଷ ଟଙ୍କା ଲୁଟି ନେଇଛନ୍ତି । ବ୍ୟବସାୟୀଙ୍କୁ ଗୁରୁତର ଅବସ୍ଥାରେ ନବରଙ୍ଗପୁର ମୁଖ୍ୟ ହସପିଟାଲରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ, ଆଜି ଝରିଗାଁ କଙ୍ଗୋରା ହାଟ ଥିବାରୁ ବ୍ୟବସାୟୀ ଜଣଙ୍କ ମକା କିଣିବାକୁ ୪ ଲକ୍ଷ ଟଙ୍କା ନେଇ ଘରୁ ବାହାରି ପଡ଼ିଥିଲେ । ହାଟକୁ ଯିବା ବାଟରେ ଅଧରାସ୍ତାରେ ୩ ଜଣ ଦୁର୍ବୃତ୍ତ ଜଗି ରହିଥିଲେ  ବ୍ୟବସାୟୀ ଜଣଙ୍କ ଯାଉଥିବା ଦେଖି ଦୁର୍ବୃତ୍ତ ତାଙ୍କୁ ଖଣ୍ଡାରେ ମରଣାନ୍ତକ ଆକ୍ରମଣ କରିଥିଲେ । ଏବଂ ବ୍ୟବସାୟୀଙ୍କ ଠାରୁ ୪ ଲକ୍ଷ ଟଙ୍କା ଲୁଟି ନେଇଥିଲେ ।  ଘଟଣାସ୍ଥଳରେ ପୋଲିସ ପହଞ୍ଚି ଗୁରୁତରଙ୍କୁ ମେଡ଼ିକାଲ ପାଠାଇବା ସହ ତଦନ୍ତ ଆରମ୍ଭ କରିଛି । ତେବେ ସନ୍ଦେହ କରାଯାଉଛି ଯେ, ରାଜେନ୍ଦ୍ରଙ୍କ ଉପରେ ପୂର୍ବରୁ ଦୁର୍ବୃତ୍ତମାନେ ନଜର ରଖିଥିଲେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner