ପାରାଦ୍ୱୀପରେ ୧୩୨ ବିଧାୟକ ଓ ଜଣେ ସାଂସଦ: ଆଇଏନଏସ ଜଳସ୍ୱାରେ କରିବେ ସମୁଦ୍ର ଭ୍ରମଣ

ପାରାଦ୍ୱୀପ: ପାରାଦ୍ୱୀପରେ “ଡେ ଆଟ୍ ସି” କାର୍ଯ୍ୟକ୍ରମରେ ସାମିଲ୍ ହେଲେ ୧୩୨ ବିଧାୟକ ଓ ଜଣେ ସାଂସଦ। ଭାରତୀୟ ନୌସେନା ପକ୍ଷରୁ ବିଧାୟକମାନଙ୍କୁ ଆଇଏନଏସ ଜଳସ୍ୱାରେ ସମୁଦ୍ର ଭିତରେ ନେଇ ବୁଲାଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି।

୧୯୭୧ ମସିହା ଇଣ୍ଡୋ ପାକ୍ ଯୁଦ୍ଧ ବିଜୟର ସ୍ମାରକୀ ବା ବିଜୟ ଦିବସ ପାଳନ ଅବସରରେ ଭାରତୀୟ ନୌସେନା ପ୍ରତ୍ୟେକ ବର୍ଷ  ଏହି “ଡେ ଆଟ୍ ସି” କାର୍ଯ୍ୟକ୍ରମର ଆୟୋଜନ କରୁଛି। ଚଳିତବର୍ଷ ବିଧାୟକ ଓ ମନ୍ତ୍ରୀମାନଙ୍କୁ ନେବା ପାଇଁ ନୌସେନା ଯୋଜନା କରିଛି। ଏହାର ଉଦ୍ଦେଶ୍ୟ ସାଧାରଣ ଜନତାଙ୍କୁ ନୌସେନାର ଶକ୍ତି ସମ୍ପର୍କରେ ଅବଗତ କରାଇବା ସେନା କିପରି କାର୍ଯ୍ୟ କରୁଛି, ବାଣିଜ୍ୟିକ ଓ ତଟ ସୁରକ୍ଷା ବ୍ୟବସ୍ଥା କେମିତି ରହିଛି ଏ ସମ୍ପର୍କରେ ଅବଗତ କରିବା ଏହାର ମୂଳ ଉଦ୍ଦେଶ୍ୟ।

ଆଇଏନଏସ ଜଳସ୍ୱା ଦେଶର ଦ୍ୱିତୀୟ ବୃହତ୍ତମ ଯୁଦ୍ଧ ଜାହାଜ। ଏହାର ବିଶେଷତ୍ୱ ହେଉଛି ଏହି ଯୁଦ୍ଧ ଜାହାଜ ଉଭୟ ଜଳ ଓ ସ୍ଥଳ ଭାଗରେ ଚାଲି ପାରିବ। ଏହାର ଦୈର୍ଘ୍ୟ ୫୭୦ ଫୁଟ ଚଉଡ଼ା ୧୦୦ ଫୁଟ।  ଏହି ଜାହାଜ ୧୬ ହଜାର ୬୦୦ଟନ ପର୍ଯ୍ୟନ୍ତ ଜିନିଷ ପରିବହନ କରି ଘଣ୍ଟା ପ୍ରତି ୪୦ କିମି ବେଗରେ ଗତି କରି ପାରିବ। ୨୭ ଜଣ ଅଧିକାରୀ, ୩୮୦ ଜଣ ନାବିକଙ୍କୁ ମିଶାଇ ମୋଟ ହଜାରେ ଜଣଙ୍କୁ ନେଇପାରିବା ଭଳି ଏହି ଜାହାଜର କ୍ଷମତା ରହିଛି। ଏହି କାର୍ଯ୍ୟକ୍ରମରେ ନୌସେନା ଜାହାଜ ଆଇଏନଏସ ଜଳସ୍ୱା ସହିତ ଆଇଏନଏସ ସିବାଲିକ, ଆଇଏନଏସ ଶକ୍ତି ଓ ଆଇଏନଏସ ସାହଦ୍ରୀ ମଧ୍ୟ ସାମିଲ ହୋଇଛନ୍ତି। ଏଥିସହିତ ବିଶାଖାପଟନମ ସ୍ଥିତ ଇଣ୍ଟନ ଫ୍ଲାଇଟ ର ୪ଟି ଭୟଙ୍କର ଯୁଦ୍ଧ ବିମାନ ମଧ୍ୟ ସାମିଲ ହେବେ ବୋଲି ସୂଚନା ମିଳିଛି।

Leave a Reply