ବିଲରୁ ଫେରୁଥିବା ଯୁବକଙ୍କୁ ଦଳିଦେଲା ହାତୀ

କାମାକ୍ଷାନଗର: ହାତୀ ପାଦ ତଳେ ଗଲା ଯୁବକଙ୍କ ଜୀବନ । ବିଲରୁ ଫେରୁଥିବା ବେଳେ ଯୁବକଙ୍କୁ ଦଳି ଦେଲା ଦନ୍ତା ହାତୀ । କାମାକ୍ଷାନଗର ପୂର୍ବାଞ୍ଚଳ ରେଞ୍ଜ କୋଟ ଗାଁରେ ଘଟିଛି ଅଘଟଣ l ମୃତକ ଜଣକ ହେଲେ ଗାଁର ନିଧିଆ ଦେହୁରୀ l

ନିଧିଆ ଗତକାଲି ସନ୍ଧ୍ୟାରେ ବିଲକୁ ଯାଇଥିଲେ । ସେହି ସମୟରେ ବନ ବିଭାଗ କମର୍ଚାରୀ ଓ ଗାଁ ଲୋକେ ମିଶି ହାତୀ ଘଉଡ଼ାଉ ଥିଲେ l ନିଧିଆ ବିଲରୁ ଫେରିଥିବା ବେଳେ ହାତୀ ହାବୁଡ଼ରେ ପଡି ଯାଇଥିଲେ । ହାତୀଟି ତାଙ୍କୁ ଘୋଷାଡି ନେଇ ଦଳି ଦେଇଥିଲା l ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା ।

ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ନିଧିଆଙ୍କ ମୃତ୍ୟୁକୁ ନେଇ ଗାଁରେ ଶୋକାକୂଳ ପରିବେଶ ସୃଷ୍ଟି ହୋଇଛି । ତାଙ୍କ ପରିବାରକୁ କ୍ଷତିପୂରଣ ଦେବାକୁ ଦାବି ହୋଇଛି ।