ଯମୁନା ବନ୍ୟାରେ ବେହାଲ ଦିଲ୍ଲୀ , ବିପଦସଙ୍କେତ ଉପରେ ଜଳସ୍ତର

ନୂଆଦିଲ୍ଲୀ : ବଢୁଛି ଯମୁନା ନଦୀ ଜଳସ୍ତର । ଉଛୁଳା ବନ୍ୟା ପାଣିରେ ବେହାଲ ରାଜଧାନୀ । ବୁଡ଼ିଛି ବଡ଼ ବଡ଼ କୋଠା । ଭିଆଇପି ଏରିଆ ଜଳାର୍ଣ୍ଣବ । ଯମୁନା ନଦୀରେ ବିପଦସଙ୍କେତ ଠାରୁ ଢେର ଉପରେ ପ୍ରବାହିତ ହେଉଛି ବନ୍ୟାଜଳ । ତଳିଆ ଅଞ୍ଚଳଗୁଡ଼ିକ ଜଳାର୍ଣ୍ଣବ ହୋଇଥିବା ବେଳେ ରାଜରାସ୍ତାରେ ଢେଉ ଭାଙ୍ଗୁଛି ବନ୍ୟାପାଣି । ବନ୍ୟା ଯୋଗୁ ଦିଲ୍ଲୀର ତିନିଟି ଓ୍ବାଟର ଟ୍ରିଟମେଣ୍ଟ ପ୍ଲାଣ୍ଟ ବନ୍ଦ । ଫଳରେ ସହରବାସୀଙ୍କୁ ପାନୀୟ ଜଳ ସଙ୍କଟର ସାମ୍ନା କରିବାକୁ ପଡ଼ିପାରେ ।

ବନ୍ୟା ସ୍ଥିତିକୁ ନଜରରେ ରଖି ଆସନ୍ତା ୧୬ ତାରିଖ ପର୍ଯ୍ୟନ୍ତ ଦିଲ୍ଲୀର ସବୁ ସ୍କୁଲ ଛୁଟି ଘୋଷଣା କାଯାଇଛି । ବନ୍ୟା ସ୍ଥିତି ନିୟନ୍ତ୍ରଣ ପାଇଁ ଦିଲ୍ଲୀ ସରକା ଘନ ଘନ ବୈଠକ କରୁଥିବା ବେଳେ ସବୁ ସରକାରୀ କର୍ମଚାରୀଙ୍କ ଛୁଟି ବାତିଲ କରିଦିଆଯାଇଛି । ଯମୁନା କୂଳବର୍ତ୍ତୀ ଅଞ୍ଚଳଗୁଡ଼ିକ ଜଳମଗ୍ନ ହୋଇଥିବା ବେଳେ ରିଂ ରେଡ, କାଶ୍ମୀର ଗେଟ, ରାଜଘାଟ, ଆଇଟିଓ, ଲାଲକିଲ୍ଲା ପାର୍ଶ୍ବବର୍ତ୍ତୀ ଅଞ୍ଚଳ ବନ୍ୟାପାଣିରେ ବୁଡ଼ି ରହିଛି । ସିବିଲ ଲାଇନ୍ସରେ ଥିବା ବହୁ ସରକାରୀ ଅଧିକାରୀଙ୍କ ଘରେ ପାଣି ପଶିଯାଇଛି । ରେସ୍କ୍ୟୁ ପାଇଁ ଏନଡିଆରଏଫ ଟିମ୍ ସଜାଗ ରହିଛି । ଓ୍ବାଟର ଲଗିଂ ଯୋଗୁ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ହୋଇଛି ।