ଆଜି ବିଶ୍ୱ ଜନସଂଖ୍ୟା ଦିବସ: ୨୦୨୪ ସୁଦ୍ଧା ଚୀନ ଜନସଂଖ୍ୟାକୁ ଟପିପାରେ ଭାରତ

1 min read

ନୂଆଦିଲ୍ଲୀ: ଆଜି ବିଶ୍ୱ ଜନସଂଖ୍ୟା ଦିବସ  । ପ୍ରତିବର୍ଷ ଜୁଲାଇ ୧୧ ତାରିଖରେ ପାଳନ କରାଯାଏ ଏହି ଦିବସ  । ତେବେ ଭାରତର  ଅସନ୍ତୁଳିତ ଜନସଂଖ୍ୟା ବୃଦ୍ଧି ସମସ୍ତଙ୍କ ଚିନ୍ତା ବଢାଇଛି । ବିଶ୍ୱର ଜନସଂଖ୍ୟା ଏବେ ରହିଛି ୭୭୯ କୋଟି । କେବଳ ଭାରତର ଜନସଂଖ୍ୟା ରହିଛି ୧୩୮ କୋଟି  । ଯାହାକି ୨୦୨୪ ସୁଦ୍ଧା ଚୀନର ଜନସଂଖ୍ୟାକୁ ଟପିପାରେ ଭାରତ  । ଅନିୟନ୍ତ୍ରିତ ଜନସଂଖ୍ୟା ବୃଦ୍ଧି ଜୀବନ ଜୀବିକା ଉପରେ ପକାଇପାରେ ବଡ ପ୍ରଭାବ ।

୨୦୨୦ରେ ବିଶ୍ୱର ଜନସଂଖ୍ୟା ୭୭୯ କୋଟି ଥିବାବେଳେ ଭାରତର ଜନସଂଖ୍ୟା ରହିଛି ୧୩୮ କୋଟି । ବିଶ୍ୱ ଜନସଂଖ୍ୟାର ଏହା ହେଉଛି ୧୭.୭ ପ୍ରତିଶତ । ସେପଟେ ଚୀନକୁ ଗୋଡ଼ାଉଛି ଭାରତ । ଚୀନର ମୋଟ ଜନସଂଖ୍ୟା ୧୪୧ କୋଟି ରହିଛି । ୨୦୨୪ ସୁଦ୍ଧା ଚୀନର ଜନସଂଖ୍ୟା ଠାରୁ ଟପିପାରେ ଭାରତ । ମୋଟ୍ ଜନସଂଖ୍ୟାର ୫୦ ପ୍ରତିଶତ ୨୯ ବର୍ଷରୁ କମ୍ ବୟସର ରହିଛନ୍ତି । ବର୍ତ୍ତମାନ ଭାରତର ପ୍ରଜନନହାର ରହିଛି ୨.୨ ପ୍ରତିଶତ  । ଚଳିତ ବର୍ଷର ଏହି ରିପୋର୍ଟ କିଛି ପରିମାଣରେ ଦେଶ ପାଇଁ ଆଶ୍ୱସ୍ତି ଆଣିଛି  । ଯଦି ଏହାଠାରୁ ବଢେ ତାହା ହେଲେ ଜୀବନ ଜୀବକା ଉପରେ ବଡ଼ ପ୍ରଭାବ ପକାଇବାର ସମ୍ଭାବନା ସୃଷ୍ଟି ହୋଇଛି  । ଅନିୟନ୍ତ୍ରିତ ଜନସଂଖ୍ୟା ବୃଦ୍ଧି ଜୀବନ ଜୀବିକା ଉପରେ ପକାଉଛି ପ୍ରଭାବ । ବିଶେଷ କରି କରୋନା କାଳରେ ଯୁବ ସମାଜ ପ୍ରତି ବଢିଛି ବିପଦ ।

ଏକ ରିପୋର୍ଟ ଅନୁଯାୟୀ ଭାରତରେ ଗତବର୍ଷ ଏପ୍ରିଲରେ ହିଁ ଦୁଇକୋଟି ୭୦ ଲକ୍ଷ ଲୋକଙ୍କୁ ନିଜ ଜୀବିକା ହରାଇବାକୁ ପଡିଥିଲା  । ଲକଡାଉନ, ସଟଡାଉନ ଆଦି ଯୋଗୁ ବନ୍ଦ ହୋଇଯାଇଥିଲା କଳକାରଖାନା, ଅଫିସ, ଦପ୍ତର । ପ୍ରଭାବ ପଡିଥିଲା ଯୁବ ଗୋଷ୍ଠୀ ଉପରେ । ସେପଟେ ଜନସଂଖ୍ୟାକୁ ନିୟନ୍ତ୍ରଣକୁ ଆଣିବା ପାଇଁ  ଦୁଇ ସନ୍ତାନ ନୀତି ଆପଣାଇବା ଦିଗରେ ଆଗେଇଛନ୍ତି ଉତ୍ତରପ୍ରଦେଶ ଓ ଆସାମ ସରକାର  । ପ୍ରତ୍ୟେକ ରାଜ୍ୟ ଏହି ନୀତି ଆପଣାଇବାକୁ ଅପିଲ କରିଛନ୍ତି ବିଶେଷଜ୍ଞ  । ସେପଟେ ଜନସଂଖ୍ୟା ବୃଦ୍ଧି ସହ ବଢିଚାଲିଛି କ୍ଷୁଧାର ରାଜ୍ । ବିଶ୍ୱରେ ପ୍ରତି ମିନିଟରେ କ୍ଷୁଧାରେ ପ୍ରାଣ ହରାଉଛନ୍ତି ୧୧ ଜଣ । କରୋନାଠାରୁ ବି ଭୟଙ୍କର ସାଜିଛି କ୍ଷୁଧା । କରୋନାରେ ପ୍ରତି ମିନଟରେ ୭ଜଣ ପ୍ରାଣ ହରାଉଥିବାବେଳେ କ୍ଷୁଧାରେ ୧୧ ଜଣ ପ୍ରାଣ ହରାଉଛନ୍ତି ।  ବର୍ତ୍ତମାନ ବିଶ୍ୱରେ ୧୫ କୋଟି ୫୦ ଲକ୍ଷ ଲୋକ ଖାଦ୍ୟ ନିରପତ୍ତାରୁ ବଞ୍ଚିତ ହୋଇଛନ୍ତି । ଗତ ବର୍ଷଠାରୁ ଏହି ସଂଖ୍ୟା ୨ କୋଟି ଅଧିକ । ତେଣେ ସାମାଜିକ ନିରାପତ୍ତା ଅଭାବରୁ ବେଘର ହେଉଛନ୍ତି ଶିଶୁ । ସେମାନଙ୍କୁ ବିଭିନ୍ନ ଯୁଦ୍ଧରେ ବି ନିୟୋଜିତ କରାଯାଉଛି । ଜାରି ରହିଛି ସଚେତନତା । ତଥାପି କମୁନି ଜନସଂଖ୍ୟା ।

ଏଥିସହିତ ପଢ଼ନ୍ତୁ: ଲକ୍ଷ୍ନୌରେ ATSର ବଡ଼ ଅପରେସନ୍: ଗିରଫ ହେଲେ ୨ ଆତଙ୍କବାଦୀ ସନ୍ଦିଗ୍ଧ 

Opn Commnet Area

Leave a Reply

Your email address will not be published. Required fields are marked *

Close Bitnami banner