ସିଏମସି ସ୍ବଚ୍ଛତା ଦାୟିତ୍ବରେ ମହିଳା

ସମ୍ବଲପୁର: ସ୍ବଚ୍ଛତା ଓ ପରିମଳ କ୍ଷେତ୍ରରେ ମହିଳାଙ୍କୁ ଗୁରୁଦାୟିତ୍ବ । ସ୍ବଚ୍ଛସାଥୀ ଓ ଜଳସାଥୀ ମାଧ୍ୟମରେ ଘରକୁ ଘର ବୁଲି ସଂଗ୍ରହ କରୁଛନ୍ତି ଆବର୍ଜନା । ସମ୍ବଲପୁର ମହାନଗର ନିଗମରେ ପ୍ରଥମ ଥର ପାଇଁ ଏଥିରେ ସାମିଲ ହୋଇଛନ୍ତି ମହିଳା । ଏହାଦ୍ବାରା ମହିଳାମାନେ ଆତ୍ମନିର୍ଭରଶୀଳ ହେବା ସହ ସହରକୁ ସ୍ବଚ୍ଛ ରଖିବାରେ ଗୁରୁତ୍ବପୂର୍ଣ୍ଣ ଭୂମିକା ନେଉଛନ୍ତି । ସିଏମସିର ଏପରି ପଦକ୍ଷେପକୁ ମହିଳାମାନେ ସ୍ବାଗତ କରିଛନ୍ତି ।

ସମ୍ବଲପୁର ମହାନଗର ନିଗମ ସ୍ବଚ୍ଛତାର ଦାୟିତ୍ବ ମହିଳାଙ୍କୁ । ସ୍ବଚ୍ଛସାଥୀ କାର୍ଯ୍ୟକ୍ରମ ଜରିଆରେ ସହରକୁ ସ୍ବଚ୍ଛ ରଖିବାରୁ ପ୍ରଥମ ଥର ପାଇଁ ମହିଳାଙ୍କୁ ଦିଆଯାଇଛି ଦାୟିତ୍ବ । ସକାଳ ୭ଟାରୁ ତିନ ଚକିଆ ସ୍ବଚ୍ଛ ସବାରୀ ଧରି ଘରକୁ ଘର ବୁଲି ସଂଗ୍ରହ କରୁଛନ୍ତି ଆବର୍ଜନା । ଏହି ଯୋଜନା ଦ୍ବାରା ମହିଳାମାନେ ଆତ୍ମନିର୍ଭରଶୀଳ ହେବା ସହ ନିଜ ପରିବାର ପ୍ରତିପୋଷଣରେ ଗୁରୁତ୍ବପୂର୍ଣ୍ଣ ଭୂମିକା ନେଇ ପାରିବେ ବୋଲି କହିଛନ୍ତି ମହାନଗର ନିଗମ କମିଶନର  ପ୍ରଦୀପ ସାହୁ ।

ଆହର କେନ୍ଦ୍ରଠାରୁ ଆରମ୍ଭ କରି ମୁକ୍ତା ଯୋଜନା, ସବୁ ବିଭାଗରେ ମହିଳାଙ୍କୁ ରାଜ୍ୟ ସରକାର ଦେଇଛନ୍ତି ଗୁରୁତ୍ବ । ମଶନ ଶକ୍ତି ଜରିଆରେ ମହିଳାମାନେ ମଧ୍ୟ ନିଜର କାର୍ଯ୍ୟ ଦକ୍ଷତାକୁ ପ୍ରତିପାଦନ କରିପାରିଛନ୍ତି । ଆଗକୁ ଅନ୍ୟ ବିଭାଗରେ ମଧ୍ୟ ମହିଳାଙ୍କୁ ଅଗ୍ରାଧିକାର ଦେବାକୁ ସମ୍ବଲପୁର ମହାନଗର ଲକ୍ଷ୍ୟ ରଖିଛି ।