ଜିନ୍ସ ପିନ୍ଧିଥିଲେ ବୋଲି ଏମିତି ହଟହଟା ହେଲେ ମହିଳା

1 min read

ଚେନ୍ନାଇ: ଜିନ୍ସ ପିନ୍ଧିଥିଲେ ବୋଲି ଝିଅଙ୍କୁ ମିଳିଲାନି ଡ୍ରାଇଭିଂ ଲାଇସେନ୍ସ । ସେମିତି କିଛି ନିୟମ ନ ଥିଲେ ମଧ୍ୟ ଆରଟିଓ ଅଫିସ୍ ର ଜଣେ ବାବୁଙ୍କ ମନମାନି ପାଇଁ କିଛି ଝିଅଙ୍କୁ ହଇରାଣ ହରକତ ହେବାକୁ ପଡ଼ିଛି । ଘଟଣାଟି ବିଶ୍ୱାସ ହେଉନ ଥିଲେ ସତ ।

ନିକଟରେ ଜଣେ ମହିଳା ଚେନ୍ନାଇର କେ.କେ. ନଗର ଆରଟିଓ ଅଫିସକୁ ଡ୍ରାଇଭିଂ ଲାଇସେନ୍ସ ପାଇଁ ଯାଇଥିଲେ । କିନ୍ତୁ ଆଶ୍ଚର୍ଯ୍ୟର କଥା ସେ ଜିନ୍ସ ପିନ୍ଧିଥିବାରୁ ତାଙ୍କୁ ଡ୍ରାଇଭିଂ ଲାଇସେନ୍ସ ମିଳି ପାରିବ ନାହିଁ ବୋଲି କହିଥିଲେ ଦାୟିତ୍ୱରେ ଥିବା ଅଫିସର।

ମହିଳାଙ୍କ କହିବା ଅନୁଯ଼ାୟୀ, ସେ ଜିନ୍ସ ଆଉ ଟି-ସର୍ଟ ପିନ୍ଧିଥିଲେ ଏବଂ ଅଫିସର ଏହାକୁ ଅନୁପଯ଼ୁକ୍ତ ବୋଲି କହି ସଲୱାର କମିଜ ପିନ୍ଧି ଆସିବାକୁ ବାଧ୍ୟ କରିଥିଲେ । ଯେହେତୁ ମହିଳା ଜଣଙ୍କ ବ୍ୟସ୍ତତା ଭିତରେ ଥିଲେ ସେ ବାଧ୍ୟ ହୋଇ ଘରକୁ ଯାଇ ସଲୱାର କମିଜ ପିନ୍ଧି ଆସିଥିଲେ ।

10 ଦିନ ପୂର୍ବରୁ  ଠିକ ସେହିଭଳି ଏକ ମହିଳା କ୍ୟାପ୍ରି ଏବଂ ସାର୍ଟ ପିନ୍ଧି ଆସିଥିବାରୁ ତାଙ୍କୁ ଲାଇସେନ୍ସ ମିଳିପାରିବ ନାହିଁ ବୋଲି ଉକ୍ତ ଅଫିସର ଜଣକ କହିଥିଲେ । ଅଫିସର ଜଣଙ୍କ ସହ ମହିଳାଙ୍କ ଯୁକ୍ତିତର୍କ ହେବାରୁ ଅନ୍ୟ ଅଫିସର ମାନେ ଆସି ତାଙ୍କ ସହ ଯୁକ୍ତିତର୍କ କରିଥିଲେ ।  ଯେହେତୁ ମହିଳା ଜଣଙ୍କୁ ନିହାତି ଭାବରେ ସେଦିନ ଲାଇସେନ୍ସ ତିଆରି କରିବାର ଥିଲା ଏବଂ ସେ ଏହି ସୁଯୋଗକୁ ହାତ ଛଡ଼ା କରିବାକୁ ଚାହୁଁ ନ ଥିଲେ, ତେଣୁ ବାଧ୍ୟ ହୋଇ ସେ ସଲୱର କମିଜ ପିନ୍ଧି ଆସିଥିଲେ ।

ଏହି ଘଟଣାଟି ସୋସିଆଲ ମିଡିଆରେ ଭାଇରାଲ ହେବା ପରେ ଲୋକେ ଆଇନ ବିିଶେଷଜ୍ଞଙ୍କ ମତାମତ ଲୋଡିଥିଲେ । ଆଡଭୋକେଟ ଭି.ଏସ. ସୁରେଶଙ୍କ କହିବା ମୁତାବକ, ଡ୍ରାଇଭିଂ ଲାଇସେନ୍ସ ପାଇଁ ସେମିତି କିଛି ନିର୍ଦ୍ଦିଷ୍ଟ ପୋଷାକ ଲୋଡ଼ା ନାହିଁ । ଲାଇସେନ୍ସ ପାଇଁ ଆବେଦନ କରୁଥିବା ବ୍ୟକ୍ତି ବିଶେଷ ଜଣଙ୍କ 18 ବର୍ଷରୁ ଅଧିକ ଏବଂ ତାର ମାନସିକ ସନ୍ତୁଳନ ଠିକ ଥିବା ଦରକାର ।

ଆଜିର ସଭ୍ୟ, ଶିକ୍ଷିତ ସମାଜରେ ପୁରୁଷ ଏବଂ ନାରୀ ମଧ୍ୟରେ କୌଣସି ପାର୍ଥକ୍ୟ ନାହିଁ କହିଲେ ଚଳେ । ପୁରୁଷଙ୍କ ସହ କାନ୍ଧରେ କାନ୍ଧ ମିଶାଇ ନାରୀ ମାନେ ସଫଳତାର ପାହାଚ ଚଢ଼ିବାରେ ଲାଗିଛନ୍ତି । କିନ୍ତୁ ଆଜିବି କିଛି ପରିସ୍ଥିତିରେ ମହିଳାଙ୍କୁ ନିଜ ଅଧିକାର ସାବ୍ୟସ୍ତ କରିବା ପାଇଁ ସଂଘର୍ଷ କରିବାକୁ ପଡୁଛି । କେତେବେଳେ ଶିକ୍ଷା ପାଇଁ ସଂଘର୍ଷ ତ, କେତେବେଳେ କାର୍ଯ୍ୟକ୍ଷେତ୍ରରେ ନିଜ ପାରିଦର୍ଶିତାକୁ ପ୍ରମାଣ କରିବା ପାଇଁ । ଏମିତି କି ମହିଳାଙ୍କୁ ନିଜ ମନପସନ୍ଦର କାମ କରିବା ଦିଗରେ ମଧ୍ୟ ବହୁ ପ୍ରତିବନ୍ଧକର ସାମ୍ନା କରିବାକୁ ପଡ଼ୁଛି । ')}

Leave a Reply