ହିତାଧିକାରୀଙ୍କୁ ମିଳିବ ଶୀତକାଳୀନ ସହାୟତା

ଭୁବନେଶ୍ୱର:  ସାମାଜିକ ସୁରକ୍ଷା ହିତାଧିକାରୀଙ୍କୁ ରାଜ୍ୟ ସରକାର ଶୀତକାଳୀନ ସହାୟତା ପ୍ରଦାନ କରିବେ । ପ୍ରତ୍ୟେକ ହିତାଧିକାରୀଙ୍କୁ ସେ ବାବଦରେ ଏକକାଳିନ ତିନି ଶହ ଟଙ୍କା ପ୍ରଦାନ କରାଯିବ । ଡିସେମ୍ବର ମାସରେ ହିତାଧିକାରୀଙ୍କୁ ବ୍ୟାଙ୍କ ଆକାଉଣ୍ଟରେ ଏଥି ଅର୍ଥ ଜମା କରାଯିବ । ସାମାଜିକ ସୁରକ୍ଷା ଯୋଜନାରେ ଅନ୍ତର୍ଭୁକ୍ତ ୪୮ ଲକ୍ଷରୁ ଅଧିକ ହିତାଧୀକାରିଙ୍କୁ ଶୀତକାଳିନ ସହାୟତା ପ୍ରଦାନ କରାଯିବ  ।

ରାଜ୍ୟ ସରକାର ସହାୟତା ବାବଦରେ ୧୪ କୋଟି ୬୨ ଲକ୍ଷ ଟଙ୍କା ମଞ୍ଜୁର କରିଥିବା ସାମାଜିକ ସୁରକ୍ଷା ଓ ଭିନକ୍ଷମ ସଶକ୍ତିକରଣ ବିଭାଗ ପକ୍ଷରୁ କୁହାଯାଇଛି । ପୂର୍ବରୁ ହିତାଧୀକାରିଙ୍କୁ ଗ୍ରୀଷ୍ମକାଳୀନ ସହାୟତା ୧୦୦ ଟଙ୍କା ଲେଖାଏଁ ପ୍ରଦାନ କରାଯାଇଥିଲା । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସର୍ବଦା ଓଡ଼ିଶା ବାସୀଙ୍କ ସ୍ୱାର୍ଥ ପାଇଁ ଅନେକ ଘୋଷଣା କରିଛନ୍ତି  ।

ଶୀତ ଋତୁରେ ଶୀତକାଲୀନ ସହାୟତା, ଗ୍ରୀଷ୍ମ ଦିନରେ ଛତା ପାଇଁ ଆର୍ଥିକ ସହାୟତା ପ୍ରଦାନ କରିଥିଲେ  । ଅନ୍ୟପଟେ ଚଳିତବର୍ଷ ରାଜ୍ୟ ସରକାର ପୁରୀରେ ରହୁଥିବା ହବିଷ୍ୟାଳୀଙ୍କ ପାଇଁ ମଧ୍ୟ ସ୍ୱତନ୍ତ୍ର ବ୍ୟବସ୍ଥା କରିଥିଲେ  । ରହିବା ପାଇଁ ବହୁତଳ ପ୍ରାସାଦ ବୃନ୍ଦାବତୀ ନିବାସରେ ବ୍ୟବସ୍ଥା କରାଯାଇଥିବାବେଳେ ଖାଦ୍ୟ ଏବଂ କମ୍ବଳ ମଧ୍ୟ ମୁଖ୍ୟମନ୍ତ୍ରୀଙ୍କ ପକ୍ଷରୁ ପ୍ରଦାନ କରାଯାଇଥିଲା  ।