ମଦ ପିଇ ମାରଧର କରୁଥିଲା ସ୍ୱାମୀ, ମୁଣ୍ଡ କାଟିଦେଲା ସ୍ତ୍ରୀ

ବାଲେଶ୍ବର: ବାଲେଶ୍ବରରେ ବୀଭତ୍ସ ହତ୍ୟା । ଦ୍ବିତୀୟ ସ୍ବାମୀକୁ ନିର୍ମମ ଭାବେ ହତ୍ୟା କରିଛି ସ୍ତ୍ରୀ । ବାଲେଶ୍ବରରୁ ମୁଣ୍ଡବିହୀନ ଶରୀର ଉଦ୍ଧାର ହୋଇଥିବା ବେଳେ ଭଦ୍ରକ ଜିଲ୍ଲା ଭଣ୍ଡାରିପୋଖରୀ ଥାନା ୧୬ ନମ୍ବର ଜାତୀୟ ରାଜପଥ ପାର୍ଶ୍ବ ଛତାବର ନିକଟରୁ ମିଳିଛି କଟାମୁଣ୍ଡ । ଦ୍ବିତୀୟ ସ୍ବାମୀକୁ ହତ୍ୟା କରିଥିବା ସ୍ବୀକାର କରିଛି ସ୍ତ୍ରୀ ।ମୃତକ ହେଲେ ଶ୍ରୀଧର ଦଳ ବେହେରା ।

ସୂଚନା ଅନୁସାରେ, ଶ୍ରୀଧର ମଦ ପିଇ ସ୍ତ୍ରୀକୁ ମାରଧର କରୁଥିଲେ। ଏପରିକି ପିଲାଛୁଆଙ୍କୁ ବି ମାରପିଟ୍ କରୁଥିଲେ। ଏଥିରେ ଉତକ୍ଷିପ୍ତ ହୋଇ ଗତ ୧୧ ତାରିଖରେ ସ୍ତ୍ରୀ ଏକ ଧାରୁଆ ଅସ୍ତ୍ରରେ ସ୍ବାମୀ ଶ୍ରୀଧରକୁ ହତ୍ୟା କରିଥିଲା । ଏହା ପରେ ସ୍ତ୍ରୀ ନିଜର ପ୍ରଥମ ସ୍ବାମୀକୁ ଡାକି ଶ୍ରୀଧରର ମୃତଦେହକୁ ବାଲେଶ୍ବର ଖାନନଗର ନିକଟରେ ପକାଇ ଦେଇଥିଲା। ଏହାସହ ମୁଣ୍ଡକୁ ବ୍ୟାଗରେ ନେଇ ଭଦ୍ରକ ଜିଲ୍ଲା ଭଣ୍ଡାରିପୋଖରୀର ଛତାବରରେ ପକାଇଥିଲା। ପୋଲିସ ଆଜି ଭଣ୍ଡାରିପୋଖରୀରୁ ମୁଣ୍ଡ ଜବତ କରିଛି। ସ୍ତ୍ରୀ ସୁପାରୀ ଦେଇ ସ୍ବାମୀକୁ ହତ୍ୟା କରିଥିବା ସନ୍ଦେହ କରାଯାଉଛି। ଗତ ୧୨ ତାରିଖରେ ମୁଣ୍ଡବିହୀନ ଶରୀର ବାଲେଶ୍ବରରୁ ମିଳିଥିଲା।