କରୋନା ଆକ୍ରାନ୍ତ ସ୍ୱାମୀଙ୍କ ମୃତ୍ୟୁ ଶୁଣି ସ୍ତ୍ରୀଙ୍କ ଦେହାନ୍ତ

ବରଗଡ଼: କରୋନା ଆକ୍ରାନ୍ତ ସ୍ୱାମୀଙ୍କ ଆତ୍ମହତ୍ୟା ଖବର ଶୁଣି ଉଡ଼ିଗଲା ସ୍ତ୍ରୀଙ୍କ ପ୍ରାଣ ବାୟୁ । ଏଭଳି ଘଟଣା ଘଟିଛି ବରଗଡ଼ ଜିଲ୍ଲା ବିଜେପୁର ବ୍ଲକ ଲାଉମୁଣ୍ଡା ପଞ୍ଚାୟତ ସାତବନ୍ଧ ଗାଁରେ । ସୂଚନା ଅନୁସାରେ ସାତବନ୍ଧ ଗାଁର ଜଣେ ୬୫ ବର୍ଷୀଅ ବୃଦ୍ଧ ଗତକିଛି ଦିନ ହେଲା ଜରରେ ପୀଡ଼ିତ ଥିଲେ । କରୋନା ଟେଷ୍ଟ ପରେ ତାଙ୍କ ରିପୋର୍ଟ ପଜିଟିଭ୍ ଆସିଥିଲା ।

କରୋନା ପଜିଟିଭ୍ ଚିହ୍ନଟ ପରେ ଭାଙ୍ଗି ପଡ଼ି ସେ ଆତ୍ମହତ୍ୟା କରିଥିଲେ । ସ୍ୱାମୀଙ୍କ ମୃତ୍ୟୁ ଖବର ଶୁଣି ସ୍ତ୍ରୀଙ୍କ ମୃତ୍ୟୁ ହୋଇ ଯାଇଛି । ବିଜେପୁର ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି ।