ଡ୍ରୋନ ବି ଧରିପାରୁନି ବହରାଇଚର ଗଧିଆ, ଜାଣନ୍ତୁ କାରଣ

ମଥୁରା: ଉତ୍ତର ପ୍ରଦେଶର ବହରାଇଚ ଗଧିଆ ବର୍ତ୍ତମାନ ସୁଦ୍ଧା ୯ ଜଣଙ୍କ ଜୀବନ ନେଇ ସାରିଲେଣି  । ଏମାନଙ୍କ ମଧ୍ୟରେ ୮ ଜଣ ଶିଶୁ ରହିଛନ୍ତି  । ଅତିକମରେ ୨୫ ଜଣ ଆହତ ହୋଇଛନ୍ତି  । ବହରାଇଚର ଅତି କମରେ ୫୦ଟି ଗାଁରେ ଗଧିଆଙ୍କ ଆତଙ୍କ ଖେଳିଯାଇଛି  । ବନବିଭାଗର ଟିମ ବର୍ତ୍ତମାନ ସୁଦ୍ଧା ୪ଟି ଗଧିଆକୁ ଧରିପାରିଛି  । କିନ୍ତୁ ନରଭକ୍ଷକ ଗଧିଆଙ୍କୁ ଏବେବି ଧରାପଡି ନାହାନ୍ତି  । ସେମାନଙ୍କୁ ଧରିବା ପାଇଁ ଡ୍ରୋନର ନାଇଟ ଭିଜନ କ୍ୟାମେରାର ସହାୟତା ନିଆଯାଇଥିଲା  । ଏହାରି ମଧ୍ୟରେ ଉତ୍ତର ପ୍ରଦେଶ ସରକାର କହିଛନ୍ତି ଯଦି ଗଧିଆ ଧରାପଡୁ ନାହାନ୍ତି ତେବେ ସେମାନଙ୍କୁ ଗୁଳି କରିଦିଆଯାଉ  ।

ଯଦି କେବେ ମଣିଷ ପଶୁ ଲଢେଇ ହୁଏ ବା କୌଣସି ପଶୁ ଆହତ ହୋଇଥାଏ ତେବେ ସହଜ ଶିକାର କରିବାକୁ ଚାହିଁଥାଏ ପଶୁ  । ଏଭଳି କ୍ଷେତ୍ରରେ ମଣିଷ ଛୁଆ ଗଧିଆକୁ ସହଜ ଟାର୍ଗେଟ ବୋଲି ଲାଗିଥାଏ । ଗଧିଆ ଗୋଷ୍ଠୀଙ୍କ ମଧ୍ୟରୁ ଜଣଙ୍କ ମୁହଁରେ ଯଦି ମଣିଷ ରକ୍ତ ଲାଗିଯାଏ ତେବେ ଅନ୍ୟ ଗଧିଆ ମାନେ ଏହି ସମାନ ପାର୍ଟନ ଫଲୋ କରିଥାନ୍ତି । ବହରାଇଚ ମାମଲାରେ ବି ଗୋଟିଏ ଗଧିଆ ଛୋଟା ଥିବା ଜଣାପଡିଛି  । ସମ୍ଭବତଃ ସେହି ଗଧିଆ ପ୍ରଥମେ ହିଁ ମଣିଷର ଶିକାର କରିଥାଇପାରେ  ।

ଗଧିଆ ନିଜ ଆକାର ଠୁ ଛୋଟ ଜନ୍ତୁଙ୍କ ଶିକାର କରିଥାଏ  । ଛୋଟ ଛେଳି ଓ ମେଣ୍ଢାଙ୍କୁ ଶିକାର କରିଥାଏ ଗଧିଆ  । ଏହା ଏପରି ପଶୁ ଖୋଜିଥାନ୍ତି ଯାହାକୁ ଆରାମରେ ଦାନ୍ତରେ କାମୁଡି ଶିକାର କରିପାରିବେ  । ମଣିଷର ଦୁଇ ତିନି ବର୍ଷର ଶିଶୁ ଏଥିପାଇଁ ପ୍ରଜୁଯ୍ୟ ହୋଇଥାନ୍ତି  । ସେମାନେ ସହଜରେ ପ୍ରତିରୋଧ ନ କରିବା ଯୋଗୁଁ ଗଧିଆ ଶିକାର ସହଜ ହୋଇଥାଏ  ।

ଗଧିଆ ବହୁତ ଚତୁର ପଶୁ ହୋଇଥାନ୍ତି । ନିଜ ମଧ୍ୟରେ କମ୍ୟୁନିକେସନ ବହୁତ ଭଲ ରହିଥାଏ  । ଏମାନଙ୍କ ଉଚ୍ଚତା ବହୁତ କମ ହୋଇଥିବାରୁ ଚାଷଜମିରେ ଲୁଚି ଲୁଚି ଏମାନେ ଚଳପ୍ରଚଳ କରିଥାନ୍ତି  । ଫଳରେ ଏମାନେ ସହଜରେ ଦୃଶ୍ୟମାନ ହୁଅନ୍ତି ନାହିଁ  । ଏଥିପାଇଁ ଏମାନଙ୍କୁ ଧରିବା ଚ୍ୟାଲେଞ୍ଜପୂର୍ଣ୍ଣ ରହିଥାଏ  । ଗଧିଆଙ୍କ ଗୋଷ୍ଠୀରେ ଏକ ଉଲଫା (ଶକ୍ତିଶାଳୀ) ଗଧିଆ ସାମିଲ ଥାଏ  । ଯିଏକି ଅନ୍ୟ ଗଧିଆଙ୍କୁ ଲିଡ୍‌ କରିଥାଏ  । ଯେପର୍ଯ୍ୟନ୍ତ ସେହି ଗଧିଆ ଧରା ନପଡିଛି ପୁରା ଗୋଷ୍ଠୀକୁ ନିୟନ୍ତ୍ରଣ କରିବା ଅସମ୍ଭବ ହୋଇପଡେ  । ବହରାଇଚ ମାମଲାରେ ସମ୍ଭବତଃ ଉଲଫା ଗଧିଆଟି ଧରା ପଡିନାହିଁ  । ଏଣୁ ଏବେ ସୁଦ୍ଧା ଆକ୍ରମଣ ବନ୍ଦ ହେବାର ନାଁ ନେଉନାହିଁ  ।