ପିଙ୍କ୍ ବଲ ଟେଷ୍ଟରେ କାହିଁକି ଜିତୁଛି ଅଷ୍ଟ୍ରେଲିଆ ? ଜାଣନ୍ତୁ ବିଜୟ ପଛର ପ୍ରମୁଖ କାରଣ

ନନ୍ଦିଘୋଷ ବ୍ୟୁରୋ: ଭାରତ- ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ବର୍ଡର ଗାଭାସ୍କର ଟ୍ରଫିର ଦ୍ବିତୀୟ ଟେଷ୍ଟରେ ଟିମ ଇଣ୍ଡିଆରେ ଲଜ୍ଜାଜନକ ପରାଜୟ ଘଟିଛି । ପ୍ରଥମ ଟେଷ୍ଟର ବଦଲା ନେଇଛି ଘରୋଇ ଦଳ । ତେବେ ପିଙ୍କ ବଲରେ ସବୁବେଳେ ଅଷ୍ଟ୍ରେଲିଆ ଦମଦାର ପ୍ରଦର୍ଶନ କରିଥାଏ । ପିଙ୍କ୍ ବଲରେ ଅଷ୍ଟ୍ରେଲିଆର ପ୍ରଦର୍ଶନ ବେଶ ଭଲ ରହିଥାଏ । ବିଜୟ ହାର ମଧ୍ୟ ଅଧିକ ରହିଛି । ତେବେ ପିଙ୍କ୍ ବଲରେ ଅଷ୍ଟ୍ରେଲିଆ ବିଜୟ ପଛର ଅନେକ କାରଣ ରହିଛି । ପିଙ୍କ ବଲରେ ଖେଳାଯାଉଥିବା ଦିବାରାତ୍ର ଷଯଷ୍ଟରେ କେବଳ ଓ୍ବେଷ୍ଟଇଣ୍ଡିଜ୍ ଗୋଟିଏ ଥର କଙ୍ଗାରୁ ଦଳକୁ ପରାସ୍ତ କରିଛି । ମାତ୍ର ଏଯାବତ ବିଜୟ ଧାରା ଜାରି ରଖିଛି ଅଷ୍ଟ୍ରେଲିଆ ।

ପର୍ଥ ଟେଷ୍ଟରେ ଅଷ୍ଟ୍ରେଲିଆର ପରାଜୟ ପରେ କିନ୍ତୁ ଦଳ ଦଳର ପୂର୍ବତନ କ୍ରିକେଟର ରିଙ୍କି ପଏଣ୍ଟିଂ ଏବଂ କ୍ଲାକ ପୂର୍ବାନୁମାନ କରିଥିଲେ କି, ଘରୋଇ ଦଳ ପ୍ରତ୍ୟାବର୍ତ୍ତନ କରିବ । ବ୍ୟାଟ୍ସମ୍ୟାନଙ୍କ ସହ ବୋଲର ଷ୍ଟାର୍କ ଘାତକ ବୋଲିଂ କରିବେ । ଦଳର ଅଧିନାୟକ ପାଟ କମିନ୍ସ ମଧ୍ୟ ବେଶ ଆଶାବାଦୀ ରହିଥିବା କୁହାଯାଉଛି । ଶେଷରେ ଏହାମଧ୍ୟ ହୋଇଛି । ଘରୋଇ ମାଟିରେ ଅଷ୍ଟ୍ରେଲିଆ ଖେଳିବାର ଫାଇଦା ଉଠାଇଥାଏ । ଘରୋଇ ମ୍ୟାଚ ଗୁଡ଼ିକ ଏଠାରେ ପିଙ୍କ୍ ବଲରେ ଖେଳାଯାଇଥାଏ । ଏବଂ ଯେବେ ଆନ୍ତର୍ଜାତୀୟ ମ୍ୟାଚ ଅନୁଷ୍ଠିତ ହୋଇଥାଏ ଏହା ଅଷ୍ଟ୍ରେଲିୟ ଖେଳାଳୁଙ୍କ ବେଶ ସୁହାଇଥାଏ । ସେମିତିରେ ଅନ୍ୟ ଦଳ ମାନଙ୍କ ଅପେକ୍ଷା ପିଙ୍କ ବଲରେ ଖେଳିବାର ଅଭିଜ୍ଞତା ଅଧିକ ଅଷ୍ଟ୍ରେଲିଆ ପାଖରେ ରହିଛି ।

ବିଦେଶୀ ଖେଳାଳିମାନେ ଅଷ୍ଟ୍ରେଲିଆ ମାଟିରେ ଖେଳିବା ପାଇଁ ସର୍ବଦା କେ୍‌ଟସାଧ୍ୟ ମନେ କରିଥାନ୍ତି । ଯାହାର ଫାଇଦା ଘରୋଇ ଦଳ ଉଠାଇଥାଏ । ସେପଟେ ଭାରତ ଦୀର୍ଘ ଦେଢ଼ ବର୍ଷ ପରେ ପିଙ୍କ ବଲରେ ଖେଳିଛି । ଏଣୁ ଖେଳାଳିମାନେ ଭଲ ପ୍ରଦର୍ଶନ କରିନଥିବା ମଧ୍ୟ କୁହାଯାଉଛି ।