ଆପଣଙ୍କ ହ୍ବାଟ୍ସଆପ୍ ମେସେଜ୍ ଦେଖୁଛନ୍ତି ସରକାର !

ନନ୍ଦିଘୋଷ ବ୍ୟୁରୋ: ଆପଣ ବ୍ୟବହାର କରୁଥିବା ସୋସିଆଲ ମିଡିଆ ସାଇଟ ଗୁଡିକୁ କେନ୍ଦ୍ର ସରକାରଙ୍କ ନୂଆ ଯୋଗାଯୋଗ ନିୟମ ଅନୁସାରେ ତଦାରଖ କରିପାରିବେ । ଭାରତରେ ଜିଓ, ଏୟାରଟେଲ,ବିଏସଏନଏଲ ସମେତ ଅନେକ ଟେଲିକମ କମ୍ପାନୀ ଅଛି | ଏହା ବ୍ୟତୀତ, ଅନେକ ସୋସିଆଲ୍ ମିଡିଆ ଆପ୍ ଅଛି, ଯାହା ସାହାଯ୍ୟରେ ଉପଭୋକ୍ତାମାନେ ପରସ୍ପର ସହିତ ସଂଯୋଗ ସ୍ଥାପନ କରିପାରୁଛନ୍ତି । ବର୍ତ୍ତମାନ କେନ୍ଦ୍ର ସରକାରଙ୍କ ନୂତନ ନିୟମ ଅନୁଯାୟୀ ଏହି ସମସ୍ତ ସୋସିଆଲ ମିଡିଆ ସାଇଟ ଗୁଡିକୁ ତଦାରଖ କରିପାରିବେ । ଏହାଦ୍ବାରା ଲୋକଙ୍କ ବ୍ୟକ୍ତିଗତ ଗୋପନୀୟତା ନଷ୍ଟ ହେବା ଆଶଙ୍କ କରାଯାଉଛି । କିନ୍ତୁ, PIB ବା ପ୍ରେସ୍ ଇନଫରମେସନ୍ ବ୍ୟୁରୋରୁ ସ୍ପଷ୍ଟ ହୋଇଛି ଯେ, ଏଭଳି କାର୍ଯ୍ୟ କେନ୍ଦ୍ର ସରକାର କରୁନାହାଁନ୍ତି । ନୂଆ ଯୋଗାଯୋଗ ଆଇନରେ ବି ଏଭଳି ବ୍ୟବସ୍ଥା ନାହିଁ ବୋଲି PIB ସୋସିଆଲ ମିଡିଆ Xରେ କହିଛି । ଏଭଳି ମେସେଜ ଫେକ୍ ହୋଇଥାଇପାରେ ବୋଲି PIB କହିଛି । ଯଦି ଏମିତି ହୁଏ ତେବେ ନିଶ୍ଚିତ ରୁପେ ବ୍ୟକ୍ତିଗତ ସ୍ବାଧିନତା ଉପରେ ପ୍ରହାର ବୋଲି କୁହାଯାଇପାରିବ ।