ସୀମାରେ ହିଂସା, ଚୀନର ପୂର୍ବ ନିର୍ଦ୍ଧାରିତ ଷଡ଼ଯନ୍ତ୍ର: ଏସ୍ ଜୟଶଙ୍କର
1 min read
ଲଦାଖ: ଗଲଓ୍ୱାନ ଘାଟିରେ ସୋମବାର ରାତି ଚୀନ ସହିତ ହୋଇଥିବା ହିଂସା ଘଟଣାକୁ ନେଇ ବିଦେଶ ମନ୍ତ୍ରୀ ଏସ୍ ଜୟଶଙ୍କର ଚୀନ ପ୍ରତିପକ୍ଷଙ୍କ ସହ ଫୋନ୍ ଯୋଗେ କଥା ହୋଇଛନ୍ତି । ସେ ଏଭଳି ଘଟଣା ନେଇ ବେଜିଂ ସମ୍ପୂର୍ଣ୍ଣ ଭାବେ ଦାୟୀ କରିଛନ୍ତି । ଚୀନ ଯଦି ଏଭଳି ଆଭିମୁଖ୍ୟ ପ୍ରଦର୍ଶନ କରେ ତା’ହେଲେ ଏହା ସେମାନଙ୍କ ଦ୍ୱିପାକ୍ଷିକ ସମ୍ପର୍କକୁ ପ୍ରଭାବିତ କରିବ ବୋଲି ସେ ଚେତାଇ ଦେଇଛନ୍ତି । ସେ ଆହୁରୀ କହିଛନ୍ତି ଗଲଓ୍ୱାନରେ ଯାହା କିଛି ହେଲା ଏନେଇ ଚୀନ ପକ୍ଷରୁ ପୂର୍ବରୁ ଯୋଜନା ହୋଇଥିବା ସେ ଅଭିଯୋଗ କରିଛନ୍ତି । ଉଭୟ ପକ୍ଷଙ୍କ ଫୋନ୍ରେ କଥାବାର୍ତ୍ତା ସରିବା ପରେ ଭାରତୀୟ ବିଦେଶ ମନ୍ତ୍ରାଳୟ ପକ୍ଷରୁ ଏ ନେଇ ସୂଚନା ଦିଆଯାଇଛି ।
