କୋଲକାତା: ଆଜି ପ୍ରଚାର ମଇଦାନକୁ ଓହ୍ଲାଇବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଭବାନୀପୁର ଉପ ନିର୍ବାଚନରେ ମମତା ବାନାର୍ଜୀ ପ୍ରାର୍ଥୀ ହୋଇଛନ୍ତି । ଏହି ଆସନରୁ ବିପୁଳ ଭୋଟ ସହ ଦିଦି ନିର୍ବାଚନ ଜିତିବେ ବୋଲି ଟିଏମସି ସମର୍ଥକ କହିଛନ୍ତି । ଏହି ଆସନରୁ ଆଜି ଦିଦି ରାଲି ବାହାର କରିବେ।
ଅନ୍ୟପଟେ ଦିଦିଙ୍କ ବିପକ୍ଷରେ ପ୍ରାର୍ଥୀ ଦେବ ନାହିଁ କଂଗ୍ରେସ। ଭବାନୀପୁରରେ ଆଗାମୀ ୩୦ ସେପ୍ଟେମ୍ବରରେ ହେବାକୁ ଥିବା ଉପ ନିର୍ବାଚନରେ ମମତାଙ୍କ ବିପକ୍ଷରେ କଂଗ୍ରେସ କୌଣସି ପ୍ରାର୍ଥୀ ଦେବ ନାହିଁ ବୋଲି କଂଗ୍ରେସ ନେତା ଅଧୀର୍ ରଞ୍ଜନ ଚୌଧରୀ କହିଛନ୍ତି । କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଏବଂ ସାଂସଦ ରାହୁଲ ଗାନ୍ଧୀ ଏହି ନିଷ୍ପତ୍ତି ନେଇଛନ୍ତି । ସେହିଭଳି ସମସେଦପୁର ପାଇଁ ମଧ୍ୟ କଂଗ୍ରେସ କୌଣସି ପ୍ରାର୍ଥୀ ଦେବ ନାହିଁ ବୋଲି ପୂର୍ବରୁ କହିସାରିଛି । ଆସନ୍ତା ୩୦ ତାରିଖରେ ପଶ୍ଚିମବଙ୍ଗର ତିନିଟି ଆସନରେ ହେବ ଉପନିର୍ବାଚନ ।
