ଅମିତ ଶାହଙ୍କ ପଶ୍ଚିମବଙ୍ଗ ଗସ୍ତ ପୂର୍ବରୁ ୧୫ଦଳୀୟ ନେତାଙ୍କ ଇସ୍ତଫା
କୋଲକାତା: ବିଜେପି ବରିଷ୍ଠ ନେତା ତଥା କେନ୍ଦ୍ର ମନ୍ତ୍ରୀ ଅମିତ ଶାହଙ୍କ ପଶ୍ଚିମବଙ୍ଗ ଗସ୍ତ ପୂର୍ବରୁ ଦଳ ବଡ଼ ଝଟକା । ଉତ୍ତର ୨୪ ପ୍ରଗଣା ଜିଲ୍ଲାର ବାରାସାତରୁ ରାଜ୍ୟ କମିଟିର ସଦସ୍ୟ ସମେତ ମୋଟ ୧୫ଜଣ ଦଳୀୟ ନେତା ରବିବାର ଇସ୍ତଫା ଦେଇଛନ୍ତି । ସଦ୍ୟ ସମାପ୍ତ ମ୍ୟୁନସିପାଲଟି ନିର୍ବାଚନରେ ଜିଲ୍ଲା ସଭାପତି ତାପସ ମିତ୍ର ପ୍ରାର୍ଥୀ କରିବାକୁ ଟଙ୍କା ନେଇଥିବା ଅଭିଯୋଗାରେ ସେମାନେ ଇସ୍ତଫା ଦେଇଛନ୍ତି ।
ଦଳରେ ଅନ୍ତଃ କନ୍ଦଳ ଏମିତି ସମୟରେ ସାମ୍ନାକୁ ଆସିଛି ଯେତେବେଳେକି ବିଜେପିର ହାଇକମାଣ୍ଡ ରାଜ୍ୟ ବିଜେପିକୁ ଦଳରେ ଥିବା ଅନ୍ତଃ କନ୍ଦଳକୁ ସମାପ୍ତ କରି ମେ ୪ରେ ଶାହଙ୍କ ଗସ୍ତ ପୂର୍ବରୁ ଏକଜୁଟ ହେବା ପାଇଁ ନିର୍ଦ୍ଦେଶ ଦେଇଛନ୍ତି । ପଶ୍ଚିମବଙ୍ଗରେ ହୋଇଥିବା ଉପନିର୍ବାଚନ ପରେ ସେଠାରେ ଗେରୁଆ ଦଳକୁ ଦଳୀୟ ମତ ଭେଦର ସାମ୍ନା କରିବାକୁ ପଡ଼ୁଛି ।
ଆସାନଶୋଲରେ ନିଜର ଆସନ ଦଖଲ କରିବାରେ ଦଳ ବିଫଳ ହେବାରୁ ସେଠାରେ ରାଜ୍ୟ ବିଜେପି ସଚିବଙ୍କ ସହିତ ତିନିଜଣ ଦଳୀୟ ବିଧାୟକ ନିଜ ପଦରୁ ଇସ୍ତଫା ଦେଇଥିଲେ। ଏହାଛଡ଼ା ନଦୀୟା ଜିଲ୍ଲାର ୧୪ ଜଣ ଜିଲ୍ଲା ସ୍ଥରୀୟ ପଦାଧିକାରୀମାନେ ଉପନିର୍ବାଚନ ଫଳାଫଳ ଘୋଷଣା ହେବାର ୪୮ ଘଣ୍ଟା ମଧ୍ୟରେ ନିଜ ପଦରୁ ଇସ୍ତଫା ଦେଇଛନ୍ତି ।
