ସାପ୍ତାହିକ ପ୍ରେମ ରାଶିଫଳ : ସିଂହ ଓ କୁମ୍ଭ ସହିତ ଏହି ରାଶିଙ୍କର ପ୍ରେମଗାଡ଼ି ଜୋରରେ ଗଡ଼ିବ

ଭୁବନେଶ୍ବର: ଆସୁଛି ନୂଆ ସପ୍ତାହ । ଡିସେମ୍ବର ୧୬ରୁ ୨୨ ତାରିଖର ସପ୍ତାହ ଆରମ୍ଭ ହେବ ସୂର୍ଯ୍ୟଦେବଙ୍କଠାରୁ । ସୂର୍ଯ୍ୟଦେବ ଧନୁ ରାଶିରେ ପ୍ରବେଶ କରି ଶୁଭ ଫଳ ପ୍ରଦାନ କରିବେ । ଫଳରେ କିଛି ରାଶିର ବ୍ୟକ୍ତିଙ୍କ ଲଭ ରିଲେସନ ଆହୁରି ଦୃଢ଼ ହେବ । ଦାମ୍ପତ୍ୟ ଜୀବନରେ ଖୁସି ଆସିବ ।ଏହି ସପ୍ତାହରେ ଧନୁ ସଂକ୍ରାନ୍ତି ପଡୁଥିବାରୁ ପ୍ରେମୀ ଯୁଗଳ ଧାର୍ମିକ କାର୍ଯ୍ୟରେ ମନନିବେଶ କରିବେ । ସେହିପରି ଦମ୍ପତିଙ୍କ ମଧ୍ୟରେ ସମ୍ପର୍କ ଅଧିକ ମଜଭୁତ ହେବା ସହ ପରିବାରରେ ହସଖୁସିର ମାହୋଲ ରହିବ ।

ଆସନ୍ତୁ ଜାଣିବା ସୂର୍ଯ୍ୟଦେବ ଧନୁ ରାଶିରେ ପ୍ରବେଶ ସହ କେଉଁ ରାଶିର ବ୍ୟକ୍ତିଙ୍କ ପ୍ରେମ ଜୀବନର କି ପ୍ରଭାବ ପଡ଼ିବ ।

ମେଷ

ଏହି ରାଶିର ଲୋକଙ୍କ ପାଇଁ ସପ୍ତାହଟି ପ୍ରେମ ଦୃଷ୍ଟିରୁ ଉତ୍ଥାନ ପତନରେ ପରିପୂର୍ଣ୍ଣ ରହିବ । ସପ୍ତାହ ଆରମ୍ଭରୁ ଅସ୍ଥିରତା ଦେଖାଯିବ । ବାହାର ମହିଳାଙ୍କ ପାଇଁ ଆପଣଙ୍କ ପ୍ରେମ ସମ୍ବନ୍ଧ ଫାଟ ସୃଷ୍ଟି ହୋଇପାରେ । ସପ୍ତାହ ଶେଷ ବେଳକୁ ସ୍ଥିତିରେ ସାମାନ୍ୟ ସୁଧାର ଆସିବ । ଏହି ସପ୍ତାହରେ ପ୍ରେମ ସମ୍ବନ୍ଧୀୟ କୌଣସି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେବାରୁ ଦୂରରେ ରୁହନ୍ତୁ ।

ବୃଷ

ଏହି ରାଶିର ବ୍ୟକ୍ତିଙ୍କ ପାଇଁ ସପ୍ତାହଟି ପ୍ରେମ ମାମଲାରେ ବହୁତ ଭଲ ରହିବ । ଆପଣଙ୍କ ପ୍ରେମ ସମ୍ବନ୍ଧରେ ଆନନ୍ଦ, ଭଲ ପାଇବା ମିଳିବା ସହ ପରସ୍ପର ସହ ଆହୁରି ଅଧିକ ସହଜ ମନେ କରିବେ । ପୂରା ସପ୍ତାହ ଖୁସିରେ ଭରପୂର ରହିବ । ସପ୍ତାହ ଶେଷରେ କୌଣସି କାର୍ଯ୍ୟକ୍ରମରେ ସାମିଲ ହୋଇପାରନ୍ତି । ନିଜର ସାଥୀଙ୍କ ସହ ଭଲ ସମୟ ବିତେଇବେ ।

ମିଥୁନ

ଆପଣଙ୍କୁ ଏହି ସପ୍ତାହରେ ପ୍ରେମ ମାମଲାରେ ମିଶ୍ରିତ ଫଳ ମିଳିପାରେ । ପ୍ରେମ ସମ୍ପର୍କକୁ ନେଇ ବୁଝି ବିଚାରି ନିଷ୍ପତ୍ତି ନିଅନ୍ତୁ । ସପ୍ତାହ ଆରମ୍ଭରେ ମନ ଭିତରେ ଅସ୍ଥିରତା ବୃଦ୍ଧି ପାଇବା ସହ କିଛି ସମସ୍ୟା ଦେଖାଦେଇପାରେ । ଧୈର୍ଯ୍ୟ ରଖିବା ସହ ତରବର ଭାବେ କୌଣସି ନିଷ୍ପତ୍ତି ନେବାରୁ ଦୂରେଇ ରୁହନ୍ତୁ ।

କର୍କଟ

ଏହି ରାଶିର ବ୍ୟକ୍ତିଙ୍କ ପ୍ରେମ ସମ୍ପର୍କକୁ ନେଇ ସପ୍ତାହଟି ବହୁତ ଭଲ ରହିବ । ଜଣେ ମହିଳା ସହଯୋଗରେ ଆପଣଙ୍କ ଜୀବନରେ ଖୁସି ଆସିପାରେ । ଜୀବନସାଥୀଙ୍କ ସହ ବାହାରକୁ ଯିବାର ଯୋଜନା କରିପାରନ୍ତି । ଆପଣଙ୍କ ପରିବାରରେ ସୁଖ, ସମୃଦ୍ଧି, ପ୍ରେମ ବୃଦ୍ଧି ପାଇବ ।

ସିଂହ

ଏହି ରାଶିର ବ୍ୟକ୍ତିଙ୍କ ସପ୍ତାହ ଆରମ୍ଭ ରୋମାଣ୍ଟିକ୍ ମୁଡ଼ରୁ ହେବ । ପ୍ରେମ ଜୀବନରେ ଶାନ୍ତି ରହିବ । ଆପଣଙ୍କ ସାଥୀ ସହ ଘନିଷ୍ଠତା ଆହୁରି ବଢ଼ିବ । ପରିବାରରେ ହସଖୁସିର ମାହୋଲ ରହିବ । ପ୍ରେମ ସମ୍ପର୍କ ଭଲ ରହିବା ସହ ଆପଣଙ୍କୁ ଶାନ୍ତି ପ୍ରାପ୍ତି ହେବ । ସପ୍ତାହ ଶେଷକୁ ପ୍ରେମ ଜୀବନକୁ ନେଇ କିଛି ନୂଆ କରିପାରନ୍ତି ଓ ଜୀବନସାଥୀଙ୍କ ସହ ଅଭୁଲା ମୁହୂର୍ତ୍ତ ବିତାଇବାର ସୁଯୋଗ ମିଳିପାରେ ।

କନ୍ୟା

ସେହିପରି କନ୍ୟା ରାଶିର ବ୍ୟକ୍ତିଙ୍କ ପାଇଁ ସପ୍ତାହଟି ରୋମାଣ୍ଟିକ ଭରା ରହିବ । ସପ୍ତାହ ଆରମ୍ଭରୁ ଆପଣଙ୍କ ପାର୍ଟନର ସହ ସମ୍ପର୍କ ଦୃଢ଼ ହେବ ଓ ଭଲ ପାଇବା ରହିବ । ଏକାନ୍ତରେ ସମୟ ବିତାଇବାକୁ ପସନ୍ଦ କରିବେ । କିଛଇ ଧାର୍ମୀକ କାମରେ ସାମିଲ ହୋଇପାରନ୍ତି । ସପ୍ତାହର ଶେଷ ବେଳକୁ ପାର୍ଟନର ସହ ଭଲ ସମୟ ବିତାଇବେ ଓ ପ୍ରେମ ଜୀବନରେ ଖୁସି ଆସିବ । ଦମ୍ପତିଙ୍କ ମଧ୍ୟରେ ବୁଝାମଣା ଭଲ ରହିବ ।

ତୁଳା

ପ୍ରେମ ସମ୍ବନ୍ଧରେ ତୁଳା ରାଶିର ବ୍ୟକ୍ତିଙ୍କ ପାଇଁ ଏହି ସପ୍ତାହଟି ବହୁତ ଭଲ ରହିବ । ଏହି ସପ୍ତାହରେ ଆପଣ ଯାହାବି ନିଷ୍ପତ୍ତି ନେବେ, ଏଥିରେ ଆପଣଙ୍କୁ ଆପଣଙ୍କ ପାର୍ଟନରଙ୍କ ସହଯୋଗ ମିଳିବ । ବାହାର ଲୋକଙ୍କ ଦ୍ବାରା ଆପଣଙ୍କ ପ୍ରେମ ସମ୍ପର୍କରେ ସମସ୍ୟା ଛିଡ଼ା ହୋଇପାରେ । ତେଣୁ ଆପଣଙ୍କୁ ସାବଧାନ ରହିବାକୁ ପଡ଼ିବ । ସପ୍ତାହ ଶେଷ ବେଳକୁ କୌଣସି ବୟସ୍କ ବ୍ୟକ୍ତିଙ୍କ କାରଣରୁ ସମସ୍ୟା ବଢ଼ିପାରେ । ଧର୍ଯ୍ୟହରା ନହୋଇ ଆଗକୁ ବଢ଼ନ୍ତୁ, ଆପଣଙ୍କ ଜୀବନରେ ଖୁସି ଆସିବ ଓ ପାରସ୍ପରିକ ସମ୍ପର୍କ ମଜଭୁତ ହେବ ।

ବିଛା

ଏହି ରାଶିର ବ୍ୟକ୍ତିଙ୍କ ପାଇଁ ଏହି ସପ୍ତାହଟି ବହୁତ ଭଲ ରହିବ । ସମ୍ପର୍କରେ ସୁଧାର ଆସିବ ଓ ଆପଣ ଖୁସି ଅନୁଭବ କରିବେ । ହେଲେ ସପ୍ତାହର ଶେଷ ଆଡକୁ ହଠାତ କୌଣସି ଖବର ଆପଣଙ୍କୁ ବିଚଳିତ କରିପାରେ । ଏହି ସପ୍ତାହରେ ପ୍ରେମ ସମ୍ପର୍କକୁ ନେଇ କୌଣସି ବଡ଼ ନିଷ୍ପତ୍ତି ନିଅନ୍ତୁ ନାହିଁ । ପ୍ରେମ ମାମଲାରେ ଖୁସି ଆସିବ ଓ ଆପଣଙ୍କ ଜୀବନରେ ଉନ୍ନତି ଆସିବାର ଯୋଗ ରହିଛି ।

ଧନୁ

ଏହି ରାଶିର ବ୍ୟକ୍ତିଙ୍କ ପାଇଁ ସପ୍ତାହଟି ଚିନ୍ତା ଓ ସମସ୍ୟାପୂର୍ଣ୍ଣ ରହିପାରେ । କିଛଇ ନୂଆ ଆରମ୍ଭକୁ ନେଇ ଚିନ୍ତା ଲାଗି ରହିବ ଓ ଆପଣ ଏକୁଟିଆ ଅନୁଭବ କରିବେ । ହେଲେ ସପ୍ତାହର ଉତ୍ତରାର୍ଦ୍ଧରେ ସ୍ଥିତିରେ ସୁଧାର ଆସିବ । ସପ୍ତାହ ଶେଷ ଆଡକୁ ଆପଣଙ୍କ ଜୀବନରେ ଖୁସିର ବହୁ ଅବସର ଆସିବ । ପାରସ୍ପରିକ ସମ୍ପର୍କ ବଢ଼ିବ ଓ ଜୀବନ ସାଥୀଙ୍କ ସହ ଆଉଟିଂର ଯୋଜନା କରିପାରନ୍ତି ।

ମକର

ପ୍ରେମ ମାମଲାରେ ଏହି ସପ୍ତାହଟି ମକର ରାଶିର ବ୍ୟକ୍ତିଙ୍କ ପାଇଁ ଭଲ ରହିବ । ଆପଣଙ୍କ ସମ୍ପର୍କ ସୁଦୃଢ଼ ହେବ ଓ ଖୁସି ମିଳିବ । କୌଣସି ବନ୍ଧଙ୍କ ସହଯୋଗରେ ଆପଣଙ୍କ ପ୍ରେମ ଜୀବନରେ ଚାରଚାନ୍ଦ ଲାଗିଯିବାର ଯୋଗ ରହିଛି । ହେଲେ ସପ୍ତାହ ଶେଷ ବେଳକୁ କିଛି ଖବର ଆପଣଙ୍କୁ ସମସ୍ୟାରେ ପକାଇପାରେ । ଭଲ ହେବ ପ୍ରେମ ସମ୍ପନ୍ଧିତ କୌଣସି ଘଟଣାରେ ତୃତୀୟ ବ୍ୟକ୍ତିଙ୍କୁ ସାମିଲ ନକରିବା । ଆପଣଙ୍କ ଜୀବନରେ ସୁଖ ସମ୍ପୃଦ୍ଧି ବଢ଼ିବ ଓ ଆପଣ ଏକାଧିକ ଯୋଜନା କରିପାରନ୍ତି ।

କୁମ୍ଭ

ସପ୍ତାହଟି ଆପଣଙ୍କ ଭଲରେ କଟିବ । ପ୍ରେମ ସମ୍ପର୍କକୁ ନେଇ ସପ୍ତାହଟି ବହୁତ ଭଲ ରହିବ । ଜୀବନ ସାଥୀ ସହ ବିଶ୍ବାସ ବୃଦ୍ଧି ପାଇବ । ଉଭୟଙ୍କ ମଧ୍ୟରେ ଘନିଷ୍ଠତା ବଢ଼ିବ । ଏହି ସମୟରେ ଆପଣଙ୍କ ଚିନ୍ତା କରିଥିବା କାମରେ ସଫଳତା ପାଇବାରଯୋଗ ରହିଛି ।

ମୀନ

ପ୍ରେମ ସମ୍ପର୍କ ଓ ପାରିବାରିକ ସମ୍ପର୍କକୁ ନେଇ ଏହି ସପ୍ତାହଟି ଆପଣଙ୍କ ପାଇଁ ଭଲ ରହିବ । ଏହି ସପ୍ତାହରେ ଆପଣ ନୂଆ ଯୋଜନା କରିପାରନ୍ତି । ସପ୍ତାହର ମଧ୍ୟାନ୍ତର ଆପଣଙ୍କ ପାଇଁ ବେଶ ଭଲ ରହିବ । ଜୀବନ ସାଥୀଙ୍କ ସହ ସମ୍ପର୍କ ନିବିଡ଼ ହେବ । ଦାମ୍ପତ୍ୟ ଜୀବନରେ ଖୁସି ଆସିବ ।